Dhruv Rathee Summons: ప్రముఖ యూట్యూబర్ ధ్రువ్ రాఠీకి కోర్టు షాక్.. 8 ఏళ్ల నాటి కేసులో సమన్లు.. అక్టోబర్ 17న విచారణ

Delhi saket court issues summons youtuber dhruv rathee 8 year old defamation case

Dhruv Rathee Summons: ప్రముఖ యూట్యూబర్ ధ్రువ్ రాఠీ మరోసారి తీవ్రమైన న్యాయపరమైన చిక్కుల్లో పడ్డారు. ఆయనను చుట్టుముట్టిన పాత కేసులు మళ్లీ తెరపైకి రావడంతో ఢిల్లీలోని సాకేత్ కోర్టు కీలక ఆదేశాలు జారీ చేసింది. దాదాపు ఎనిమిదేళ్ల క్రితం (2018లో) దాఖలైన పరువు నష్టం కేసులో ధ్రువ్ రాఠీ(Dhruv Rathee Summons)కి కొత్తగా సమన్లు జారీ చేయాలని న్యాయస్థానం స్పష్టం చేసింది. వికాస్ పాండే (సత్యసనాతని) దాఖలు చేసిన పిటిషన్‌ను విచారించిన కోర్టు, గురుగ్రామ్‌లోని ఆయన నివాస చిరునామాకు ఈ సమన్లను అందజేయాలని సూచిస్తూ అక్టోబర్ 17కి తదుపరి విచారణను వాయిదా వేసింది.

Droupadi Murmu: విజయవాడ దుర్గమ్మను దర్శించుకున్న రాష్ట్రపతి.. ఆలయ అధికారుల ఘన స్వాగతం

వరస న్యాయపోరాటాలు.. రూ. 20 లక్షల పరువు నష్టం దావా:

ధ్రువ్ రాఠీకి కోర్టుల నుంచి సమన్లు రావడం లేదా పరువు నష్టం దావాలు ఎదుర్కోవడం ఇది మొదటిసారి కాదు. బీజేపీ నాయకుడు సురేష్ కరమ్షి నఖువా కూడా ధ్రువ్ రాఠీపై సాకేత్ కోర్టులోనే రూ. 20 లక్షల పరువు నష్టం దావా వేశారు. జూలై 2024లో రాఠీ తన యూట్యూబ్ ఛానెల్‌లో అప్‌లోడ్ చేసిన ఒక వీడియోలో తప్పుడు ఆరోపణలు చేస్తూ తనను “హింసాత్మక, దూషణాత్మక ట్రోలర్” అని సంబోధించాడని, దీనివల్ల తన వ్యక్తిగత ప్రతిష్టకు తీవ్ర భంగం వాటిల్లిందని ఆయన పిటిషన్‌లో పేర్కొనడంతో గతంలోనే కోర్టు సమన్లు ఇచ్చింది.

సనాతన ధర్మంపై వ్యాఖ్యలు.. బిగుస్తున్న ఐపీసీ సెక్షన్లు:

ఈ కేసులతో పాటు హిందూ దేవీదేవతలపై మరియు సనాతన ధర్మంపై అనుచిత, వివాదాస్పద వ్యాఖ్యలు చేశారంటూ అమిత్ సచ్‌దేవ్ అనే వ్యక్తి కూడా ధ్రువ్ రాఠీపై తీవ్రమైన ఫిర్యాదు చేశారు. భారతీయ శిక్షాస్మృతిలోని సెక్షన్లు 196, 299 కింద రాఠీపై ఎఫ్‌ఐఆర్ నమోదు చేసి చట్టపరమైన చర్యలు తీసుకోవాలని ఆయన పోలీసులను కోరారు. ఈ వరస కేసుల విచారణలతో ధ్రువ్ రాఠీకి చట్టపరమైన సమస్యలు మరిన్ని పెరిగే సూచనలు కనిపిస్తున్నాయి.