Corporate Majdoor Janata Party: దేశంలో మరో కొత్త పార్టీ.. కాక్రోచ్ జనతా పార్టీ టైప్ లో.. ఇది కార్పొరేట్ మజ్దూర్.. దీనిలో చేరాలంటే..

Corporate Majdoor Janata Party: కాక్రోచ్ జనతా పార్టీ.. దేశంలో పెను సంచలనం రేపిన సంగతి తెలిసిందే. దేశ రాజకీయాల్లో హాట్ టాపిక్ గా మారింది ఈ పార్టీ. ఈ కొత్త పార్టీకి యువత నుంచి అనూహ్యమైన మద్దతు లభించింది. దీనికి వచ్చిన అపూర్వ స్పందన చూసి జాతీయ పార్టీలే షాక్ అయ్యాయి. తాజాగా దేశంలో మరో కొత్త పార్టీ పుట్టుకొచ్చింది. కాక్రోచ్ జనతా పార్టీ టైప్ లోనే వచ్చింది. ఇంతకీ కొత్తగా వచ్చిన పార్టీ ఏంటి, అందులో చేసిన వాగ్దానాలు ఏంటో తెలుసుకుందాం..

భారత దేశానికి ఇప్పుడే ఒక కొత్త రాజకీయ పార్టీ వచ్చింది. అది కూడా ఆఫీసు కార్యాలయాల కోసమే. అదే కార్పొరేట్ మజ్దూర్ జనతా పార్టీ. ‘కాక్రోచ్ జనతా పార్టీ’ వైరల్ అయిన వెను వెంటనే, ఒక మాజీ అమెజాన్ ఉద్యోగి ఈ ‘కార్పొరేట్ మజ్దూర్ జనతా పార్టీ’ని ప్రారంభించారు. వారి డిమాండ్లు ప్రతి ఆఫీసు ఉద్యోగికి తెలిసినవే.

ఉద్యోగ భద్రత నుండి మానవతా దృక్పథంతో కూడిన పని పరిస్థితుల వరకు ఈ పార్టీ డిమాండ్లు ఉన్నాయి. ఇవి భారతీయ నిపుణులు ప్రతిరోజూ ఎదుర్కొనే విషయాలే. ఆ మాజీ అమెజాన్ ఉద్యోగి ఒక లింక్డ్‌ఇన్ పోస్ట్‌లో ఇలా రాశారు. “‘కాక్రోచ్ జనతా పార్టీ’ ఇన్‌స్టాగ్రామ్‌లో 13 మిలియన్ల ఫాలోవర్లను దాటిన తర్వాత, నేను నా సొంత పార్టీని ప్రారంభించాలని నిర్ణయించుకున్నాను. అదే ‘కార్పొరేట్ మజ్దూర్ జనతా పార్టీ’.”

‘కార్పొరేట్ మజ్దూర్ జనతా పార్టీ’ కొన్ని కీలక వాగ్దానాలు..

1. వారానికి 4 రోజుల పని. 5 రోజుల పాటు పనిని ఆస్వాదిస్తున్నట్లు నటించడం చాలా ఎక్కువ కాబట్టి, 4 రోజుల పని వారం.

2. “క్విక్ కాల్?” అనే సందేశాలను చట్టపరంగా కార్యాలయ వేధింపులుగా పరిగణిస్తారు.

3. CTC, చేతికి అందే జీతం మధ్య వ్యత్యాసాన్ని CBI ఆడిట్ చేస్తుంది.

4. వరుసగా 3 సార్లు ఉద్యోగ తొలగింపులను తట్టుకున్న ఉద్యోగులకు స్వాతంత్ర్య సమరయోధుల పెన్షన్ లభిస్తుంది.

5. 50 స్లైడ్స్ కు పైగా ఉన్న PPTలను రాజ్యాంగ విరుద్ధంగా ప్రకటిస్తారు.

6. “మనం ఒక కుటుంబం” అని చెప్పే HR మాటలను భావోద్వేగపూరిత తారుమారు చట్టాల పరిధిలోకి తీసుకొస్తారు.

7. MS Teams “Away” స్టేటస్‌ను రాజ్యాంగం ప్రకారం ప్రాథమిక హక్కుగా మారుస్తారు.

8. కార్పొరేట్ ఒత్తిడి నుండి కోలుకోవడానికి తప్పనిసరిగా రెండు నెలల వేసవి సెలవులు.

ప్రణాళిక ముసాయిదా పూర్తయిందని, ప్రస్తుతం నలుగురు మేనేజర్లు, ఇద్దరు హెచ్‌ఆర్‌లు, ఒక ఎక్సెల్ షీట్ నుండి నా ఆమోదం కోసం వేచి ఉన్నాను అని అతడు రాసుకొచ్చాడు.

ఆ పోస్ట్ వైరల్ గా మారింది. నెటిజన్లు తమ స్పందనలు తెలుపుతున్నారు. కొంతమంది యూజర్లు ఎగతాళి చేయగా, మరికొందరు తమ డిమాండ్లను పోస్ట్ చేశారు.

“ఈ వ్యక్తిని అతని సొంత వ్యాపారం నుండే తొలగించండి లేదా కనీసం అతని కార్పొరేట్ ఈ-మెయిల్ ఐడీని అయినా బ్లాక్ చేయండి….” అని ఒక యూజర్ రియాక్ట్ అయ్యాడు.

“చాలా ప్రభుత్వాల కంటే మీ పార్టీ ఇప్పటికే మరింత వాస్తవికమైన వాగ్దానాలు చేస్తోంది. దయచేసి ఇది కూడా జోడించండి: ‘ఇమెయిల్‌గా పంపగలిగే ఏ సమావేశానికైనా 28% జీఎస్టీ పన్ను విధించబడుతుంది.’ అని మరొక నెటిజన్ కామెంట్ చేశాడు.

“ఇప్పటివరకు జరిగిన అనేక ప్రయత్నాలలో, నేను చూసిన CMP వెర్షన్‌లలో ఇది ఉత్తమమైన వాటిలో ఒకటి. చాలా సులభంగా అర్థమయ్యే మ్యానిఫెస్టో!” అని మరో యూజర్ అన్నాడు. “దయచేసి ఇది జోడించండి: సాయంత్రం 6 గంటల తర్వాత, ‘కేవలం ఒక చిన్న పని’ అని చెప్పే ఎవరైనా విలాస పన్ను చెల్లించాలి.” అని ఇంకో యూజర్ తన స్పందన తెలిపాడు.

Also Read: పార్ట్ టైం జాబ్.. నెలకు రూ. 6లక్షలు.. కేవలం కుక్కలను వాకింగ్ కి తీసుకెళ్తే చాలు.. ఎక్కడంటే..!