బెంగాల్ ఎన్నికలు..148మంది అభ్యర్థులతో బీజేపీ జాబితా రిలీజ్

Mukul Roy In Bjps Latest List For West Bengal Polls`1

Bengal polls ఎనిమిది దశల్లో బెంగాల్ అసెంబ్లీ ఎన్నికలు జరగనున్న విషయం తెలిసిందే. ఐదు,ఆరు,ఏడు,ఎనిమిది దశల ఎన్నికల్లో పోటీ చేసే 148మంది అభ్యర్థుల జాబితాను గురువారం బీజేపీ విడుదల చేసింది. ఇందులో పార్టీ ఉపాధ్యక్షుడు ముకుల్​రాయ్, రాష్ట్ర బీజేపీ మాజీ అధ్యక్షుడు రాహుల్​ సిన్హా పేర్లు కూడా ఉన్నాయి.

పార్టీ ఉపాధ్యక్షుడు, మాజీ టీఎంసీ నేత ముకుల్​రాయ్​ ఉత్తర కృష్ణానగర్ నుంచి పోటీ చేస్తున్నట్టు ప్రకటించిన బీజేపీ. రాహుల్​ సిన్హాకు హబ్రా అసెంబ్లీ సీటు కేటాయించింది. వివిధ రంగాలకు చెందిన వ్యక్తులు, సిట్టింగ్​ ఎంపీలకు ప్రాధాన్యమిచ్చే వ్యూహంతో ముందడుగేసింది బీజేపీ. హరింఘటా స్థానం నుంచి జానపద కళాకారుడు అశీమ్​ సర్కార్, పుర్బస్థలి ఉత్తర్​లో శాస్త్రవేత్త గోవర్ధన్​ దాస్​లను బీజేపీ పోటీలో నిలిపింది. ఇక, ఐదుగురు సిట్టింగ్​ ఎంపీలను కూడా జాబితాలో చేర్చింది.

294 స్థానాలున్న వెస్ట్ బెంగాల్ అసెంబ్లీకి మార్చి-27 నుంచి ఏప్రిల్-29వరకు ఎనిమిది దశల్లో ఎన్నికలు జరగనున్నాయి. మే-2న ఎన్నికల ఫలితాలు వెలువడనున్నాయి.