Supriya Sule: ఎంపీ సుప్రియా సూలే చీరకు అంటుకున్న నిప్పు.. తప్పిన ప్రమాదం

NCP MP Supriya Sule's saree catches fire at event in Pune

Supriya Sule: నేషనలిస్ట్ కాంగ్రెస్ పార్టీ ఎంపీ సుప్రియా సూలే చీరకు ప్రమాదవశాత్తు నిప్పు అంటుకుంది. ఓ కార్యక్రమాన్ని ప్రారంభించే క్రమంలో ఈ ఘటన జరిగింది. అయితే సుప్రియాకు ప్రమాదమేమీ జరగలేదు. తనకు ఎలాంటి ప్రమాదం జరగలేదని, ఎవరూ కంగారు పడాల్సిన పని లేదని సుప్రియా వెల్లడించారు. మహారాష్ట్రలోని పుణెలో ఆదివారం జరిగిన ఒక కార్యక్రమంలో పాల్గొన్న సందర్భంలో ఈ ఘటన జరిగింది. పూణెలోని హింజవాడిలో కరాటే పోటీలు ఆదివారం ప్రారంభమయ్యాయి. వేదికపై ఉన్న ఛత్రపతి శివాజీ చిన్న విగ్రహానికి పూలమాల వేస్తుండగా అక్కడే ఉంచిన దీపపు కుందెపై ఆమె చీర కొంగు పడింది. ఆ విషయం గ్రహించిన వెంటనే అప్రమత్తమపై సుప్రియా.. తన చేతులతోనే మంటలను ఆర్పేశారు.

Nirmala Sitharaman: నేను మధ్యతరగతే, వారి కష్టాలు తెలుసు.. బడ్జెట్‭పై ఆర్థిక మంత్రి నిర్మలా

దీంతో అక్కడున్న వారంతా తేలిగ్గా ఊపిరిపీల్చుకున్నారు. కాగా, ఈ ఘటనకు సంబంధించిన వీడియో వైరల్ కావడంతో ఎంపీ సుప్రియా ట్వీట్‌ ద్వారా తన క్షేమ సమాచారం తెలియజేశారు. సకాలంలో మంటలను ఆర్పేయడంతో ప్రమాదం జరగలేదని, శ్రేయోభిలాషులు, ప్రజలు, పార్టీ కార్యకర్తలు, నేతలు ఎలాంటి ఆందోళన చెందవద్దని ఆ ట్వీట్‌లో తెలిపారు. కాగా, సొంత నియోజవర్గం బారామతిలో పర్యటించేందుకు వచ్చిన సుప్రియా పలు కార్యక్రమాల్లో పాల్గొన్నారని, కరాటే పోటీల తర్వాత కూడా ఆమె పలు కార్యక్రమాలకు వెళ్లారని ఎన్సీపీ వర్గాలు తెలిపాయి.

Bharat Jodo Yatra: రాహుల్ యాత్రలో ఉండగానే 1,500 కాంగ్రెస్ కార్యకర్తలు బీజేపీలో చేరారట!