Prashant Kishor: ఎన్నికల వ్యూహకర్త ప్రశాంత్ కిషోర్ సంచలన వ్యాఖ్యలు చేశారు. భారత్ లో జరిగే ఎన్నికల్లో మొదటి రెండు పార్టీలు తప్ప, మూడో ఫ్రంట్ నాలుగో ఫ్రంట్ కూటములు ఎన్నికల్లో విజయం సాధిస్తాయని తాను భావించడం లేదంటూ ఇటీవల ఒక వార్తా సంస్థకు ఇచ్చిన ఇంటర్వ్యూలో వెల్లడించారు. 2024 ఎన్నికల్లో పశ్చిమబెంగాల్ సీఎం మమతా బెనర్జీ నేతృత్వంలో మూడో కూటమి గెలుపు కోసం ప్రశాంత్ కిశోర్ ఆధ్వర్యంలో ఐప్యాక్ సంస్థ సేవలు అందిస్తున్న విషయంపై స్పందిస్తూ ఆయన ఈ వ్యాఖ్యలు చేశారు. “బీజేపీ మొదటి ఫ్రంట్ అనుకుంటే..ఆ పార్టీని ఓడించే వారు రెండో ఫ్రంట్ లో ఉంటారని, మరి మూడో ఫ్రంట్ కి ఆస్కారం ఎక్కడ ఉంటుందని” ప్రశాంత్ కిశోర్ అన్నారు. కాంగ్రెస్ పార్టీని రెండో ఫ్రంట్ గా గుర్తించవచ్చా అనే ప్రశ్నకు బదులిస్తూ..కాంగ్రెస్ పార్టీ దేశంలో రెండో అతిపెద్ద పార్టీ మాత్రమేనని, ఒక వేళ కాంగ్రెస్ పార్టీ అధికారంలోకి వచ్చి, తిరిగి ఆపార్టీని ఓడించగలిగితే ఫ్రంట్ల యొక్క స్థానాలు మారుతాయి తప్ప మరో ఫ్రంట్ కి ఆస్కారం ఉండదని ప్రశాంత్ అన్నారు.
Also read:Roja Slams Chandrababu : మహిళలపై అఘాయిత్యాలు, లీకేజీల వెనకున్నది మీరే – మంత్రి రోజా
కాంగ్రెస్ పార్టీ భవిష్యత్ ప్రణాళికలపై అనేక విషయాలపై తనకు పార్టీ అధిష్టానానికి ఏకాభిప్రాయం కుదిరిందని..అయినా ఎంతో మంది పెద్ద నేతలు ఉన్న ఆపార్టీకి తన అవసరం ఉండబోదని ప్రశాంత్ కిశోర్ అన్నారు. 2024 ఎన్నికల్లో విజయం కోసం కాంగ్రెస్ పార్టీ ఏర్పాటు చేసిన సాధికారిక గ్రూప్ పనితనం గురించి కొంత సందేహం వెలిబుచ్చిన ప్రశాంత్ కిశోర్..తాను చెప్పిన విషయాలపై వారు దృష్టిపెడితే బాగుటుందని అన్నారు. రానున్న రోజుల్లో కాంగ్రెస్ పార్టీ బీజేపీని ఓడించగలదా అన్న ప్రశ్నకు ప్రశాంత్ కిశోర్ స్పందిస్తూ బీజేపీ మూలాల పరంగా ప్రజల్లో పెనవేసుకుందని, వారికి మరో అవకాశం లేదని చెప్పడం తప్పు అవుతుందని, అదే సమయంలో పార్టీ పరంగా వారు కూడా కొన్ని మార్పులు చేయాల్సిన అవసరం ఉందని అన్నారు.
Also Read:Govt Into E-commerce : ఈ-కామర్స్ వ్యాపారంలోకి ప్రభుత్వం..! అందుబాటులోకి ONDC ఆన్ లైన్ పోర్టల్
