శ్రీలంకలో జరిగిన భయంకరమైన వరుస బాంబు పేలుళ్ల ఘటనను రాష్ట్రపతి రామ్‌నాథ్ కోవింద్ తీవ్రంగా ఖండించారు. ఉగ్రవాదులు అమాయక ప్రజలను లక్ష్యంగా చేసుకుని ఇటువంటి చర్యలకు పాల్పడటం దారుణమన్నారు.ఇటువంటి వ్యక్తులు వ్యక్తులకు నాగరిక సమాజంలో బ్రతికే హక్కు లేదన్నారు. ఈ విపత్తు సమయంలో శ్రీలంకకు అన్ని విధాలుగా అండగా ఉండనున్నట్లు రాష్ట్రపతి ప్రకటించారు.
కాగా కోచికడే, సెయింట్ సెబాస్టియన్, బట్టికలోయ చర్చిల్లో ఈస్టర్ ప్రార్థనలు చేస్తున్న భక్తులను టార్గెట్ చేసుకుని ఈ దాడులు జరిగిన విషయం తెలిసిందే. హోటల్ షాంగ్రి లా, సిన్నమాన్ గ్రాండ్ హోటల్స్‌లోనూ పేలుళ్ల చోటుచేసుకున్నాయి. ఈ ఘటనల్లో ఇప్పటి వరకూ మృతుల సంఖ్య 185కు చేరుకుంది. ఈ క్రమంలో బాంబు దారుణంలో గాయపడినవారి సంఖ్య ఇంకా పెరిగే అవకాశాలున్నాయని అధికారులు తెలిపారు.
India condemns the terror attacks in Sri Lanka and offers its condolences to the people and government of the country. Such senseless violence, aimed at innocent people, has no place in civilised society. We stand in complete solidarity with Sri Lanka #PresidentKovind
— President of India (@rashtrapatibhvn) April 21, 2019
