Sanchita Ugale : ఆత్మహత్య చేసుకున్న సీరియల్ నటి.. నెటిజన్ల అనుమానం..
బాలీవుడ్ నటి సంచిత ఉగలే జూన్ 14 ఆదివారం రాత్రి తన ఇంట్లో ఆత్మహత్య చేసుకొని మరణించింది.
- Saketh U
- Updated on- June 15, 2026 / 04:35 PM IST
ఆత్మహత్య చేసుకున్న సీరియల్ నటి.. నెటిజన్ల అనుమానం..
బాలీవుడ్ నటి సంచిత ఉగలే జూన్ 14 ఆదివారం రాత్రి తన ఇంట్లో ఆత్మహత్య చేసుకొని మరణించింది.
కుంకుమ్ భాగ్య , వాగ్లే కి దునియా, సాజన్ ఘర్, దిల్వాలీ దుల్హా లే జాయేగీ.. వంటి పలు టీవీ సీరియల్స్, షోలతో సంచిత మంచి గుర్తింపు తెచ్చుకుంది.
ఛావా, సైలెన్స్ 2: ది నైట్ ఔల్ బార్ షూటౌట్,, వంటి పలు సినిమాల్లో కూడా సంచిత చిన్న చిన్న పాత్రలు చేసింది.
నటి సంచితా ఉగలే మహారాష్ట్ర పాల్ఘర్ జిల్లాలోని నల్లసోపారా ప్రాంతంలోని తన నివాసంలో ఆదివారం సాయంత్రం 7 గంటల ప్రాంతంలో ఇంట్లో ఒంటరిగా ఉన్నప్పుడు సీలింగ్ ఫ్యాన్కు ఉరి వేసుకుని ఆత్మహత్య చేసుకుందని పోలీసులు నేడు సోమవారం తెలిపారు.
తన కుమార్తె మరణంలో ఎలాంటి కుట్ర జరిగిందని, మాకు ఏ అనుమానాలు లేవు అని నటి తండ్రి అచోలే పోలీసులకు చెప్పినట్లు సమాచారం.
మృతదేహాన్ని పోస్ట్మార్టం పరీక్ష కోసం ప్రభుత్వ ఆసుపత్రికి పంపి కేసు నమోదు చేసి దర్యాప్తు ప్రారంభించారు పోలీసులు.
అయితే ఆమె సోషల్ మీడియాలో నిన్న చివరగా ఆనందంగా డ్యాన్స్ చేసిన వీడియో పోస్ట్ చేసింది.
కానీ ఆ వీడియో కింద కొన్ని కామెంట్స్ రెండు రోజుల క్రితం పెట్టినట్టు ఉండటంతో పలువురు నెటిజన్లు ఆమె ఇన్స్టాగ్రామ్ అకౌంట్ హ్యాక్ అయిందని, పోలీసులు దీనిపై విచారణ చేయాలని, ఇది ఆతహత్యా కాదా అనేది తేల్చాలని కామెంట్స్ చేస్తున్నారు.
ఆమె వయసు 30 సంవత్సరాలే అని సమాచారం. ఇంత చిన్న వయసులోనే నటి సంచిత ఇలా ఆత్మహత్య చేసుకొని మరణించడంతో ఆమె అభిమానులు, నెటిజన్లు బాధ వ్యక్తం చేస్తూ ఆమెకు నివాళులు అర్పిస్తున్నారు.
Sanchita Ugale