AUS-W vs IND-W : ఆఖ‌రి మ్యాచ్‌లో భారీ శ‌త‌కంతో చెల‌రేగిన అలిస్సా హీలీ.. భార‌త టార్గెట్ 410

AUS-W vs IND-W 3rd ODI Alyssa Healy century India Women target is 410 runs

AUS-W vs IND-W : మూడు మ్యాచ్‌ల వ‌న్డే సిరీస్‌లో భాగంగా హోబ‌ర్ట్ వేదిక‌గా భార‌త్‌, ఆస్ట్రేలియా మ‌హిళ‌ల జ‌ట్ల మ‌ధ్య మూడో వ‌న్డే మ్యాచ్ జ‌రుగుతోంది. త‌న కెరీర్‌లో ఆఖ‌రి వ‌న్డే మ్యాచ్ ఆడుతున్న ఆస్ట్రేలియా కెప్టెన్ అలిస్సా హీలీ (158; 98 బంతుల్లో 27 ఫోర్లు, 2 సిక్స‌ర్లు) భారీ సెంచ‌రీ చేసింది.

ఆమెతో పాటు బెత్ మూనీ (106 నాటౌట్; 84 బంతుల్లో 10 ఫోర్లు, 1 సిక్స్‌) కూడా శ‌త‌కంతో చెల‌రేగ‌డంతో తొలుత బ్యాటింగ్ చేసిన ఆస్ట్రేలియా మ‌హిళ‌ల జ‌ట్టు నిర్ణీత 50 ఓవ‌ర్ల‌లో 7 వికెట్ల న‌ష్టానికి 409 ప‌రుగులు చేసింది. దీంతో భార‌త్ ముందు 410 ప‌రుగుల ల‌క్ష్యం నిలిచింది.

IND vs WI : భార‌త్ వ‌ర్సెస్ వెస్టిండీస్ మ్యాచ్‌కు వ‌ర్షం ముప్పు ఉందా? టీమ్ఇండియాకు వ‌రుణుడు సాయం చేస్తాడా?

ఆసీస్ బ్యాట‌ర్ల‌లో జార్జియా వాల్ (62; 52 బంతుల్లో 7 ఫోర్లు, 1 సిక్స్‌) హాఫ్ సెంచ‌రీ చేసింది. నికోలా కారీ (34 నాటౌట్; 15 బంతుల్లో 4 ఫోర్లు, 1 సిక్స్‌) రాణించింది. భార‌త బౌల‌ర్ల‌లో స్నేహ్ రాణా, శ్రీచ‌ర‌ణిలు చెరో రెండు వికెట్లు తీశారు. రేణుకా సింగ్ ఠాకూర్, కాష్వీ గౌతమ్, దీప్తి శర్మలు త‌లా ఓ వికెట్ తీశారు.

T20 World Cup 2026 : ప్ర‌పంచ‌క‌ప్ నుంచి పాక్‌ ఔట్‌.. కెప్టెన్సీ పై స‌ల్మాన్ అలీ అఘా హాట్ కామెంట్స్‌.. ఇంటికి వెళ్లాక తీరిగ్గా..

తొలి రెండు వ‌న్డే మ్యాచ్‌ల్లో ఆసీస్ విజ‌యం సాధించిన సంగ‌తి తెలిసిందే. ఈ మ్యాచ్‌లోనూ ఆ జ‌ట్టే గెలిస్తే సిరీస్ క్లీన్ స్వీప్ అవుతుంది.