Yash Dayal : యశ్ ద‌యాళ్‌కు నోప్లేస్‌.. అత‌డి స్థానంలో ఎవ‌రినీ తీసుకోం.. ఆర్‌సీబీ డైరెక్టర్ మో బోబాట్

IPL 2026 RCB confirm no replacement for Yash Dayal

Yash Dayal : యశ్ దయాళ్ విష‌యంలో రాయ‌ల్ ఛాలెంజర్స్ బెంగ‌ళూరు కీల‌క నిర్ణ‌యం తీసుకుంది. అత‌డు జ‌ట్టులో చేర‌డం లేద‌ని చెప్పింది. వ్యక్తిగత కారణాల వల్ల అత‌డు ఈ సీజ‌న్‌లో పాల్గొన‌బోడ‌ని తెలిపింది. లైంగిక వేధింపుల ఆరోప‌ణ‌ల నేప‌థ్యంలో యశ్ దయాళ్ విష‌యంలో ఆర్‌సీబీ ఈ నిర్ణ‌యం తీసుకున్న‌ట్లుగా తెలుస్తోంది.

ఈ క్లిష్ట సమయంలో ద‌యాళ్‌కు ఫ్రాంచైజీ మద్దతు ఉంటుందని ఆర్‌సిబి క్రికెట్ డైరెక్టర్ మో బోబాట్ తెలిపారు. టోర్నమెంట్‌కు ముందు జరిగిన విలేకరుల సమావేశంలో మాట్లాడుతూ మో బోబాటు.. య‌శ్ ద‌యాళ్ జ‌ట్టుతో చేర‌డం లేద‌ని చెప్పాడు. అత‌డు ఓ వ్య‌క్తిగ‌త స‌మ‌స్య‌తో బాధ‌ప‌డుతున్నాడ‌ని, ఈ విష‌యం అంద‌రికి తెలుసు అని అన్నాడు. మా మ‌ద్ద‌తు అత‌డికి ఉంటుంది. ఈ విష‌యం అత‌డిని రిటైన్ చేసుకోవ‌డంలోనే అర్థ‌మై ఉంటుంద‌న్నాడు.

Rajasthan Royals : ఐపీఎల్ చ‌రిత్ర‌లో అతి పెద్ద డీల్‌.. 15 వేల కోట్ల‌కు అమ్ముడైన రాజ‌స్థాన్ రాయ‌ల్స్!

అత‌డు కాంట్రాక్ట్‌లోనే ఉన్నాడ‌న్నాడు. అత‌డినితో నిరంత‌రం సంప్ర‌దింపులు జ‌రుపుతున్నామ‌ని చెప్పుకొచ్చాడు. ఈ స‌మ‌యంలో అత‌డు జ‌ట్టుతో చేర‌డం.. అత‌డికి గానీ, ఫ్రాంఛైజీకి కాని మంచిది కాద‌నే ఈ నిర్ణ‌యం తీసుకున్న‌ట్లుగా తెలిపాడు. ఇక అత‌డి స్థానంలో ఎవ‌రిని తీసుకోమ‌ని చెప్పాడు.

గ‌త ఏడాది ఆర్‌సీబీ విజేత‌గా నిల‌వ‌డంలో య‌శ్ ద‌యాళ్ కీల‌క పాత్ర పోషించాడు. 9.59 ఎకాన‌మీతో 13 వికెట్లు ప‌డ‌గొట్టాడు.