Mumbai Indians : ముంబై ఇండియ‌న్స్‌ది మామూలు అదృష్టం కాద‌య్యా.. స‌న్‌రైజ‌ర్స్ పై ఓట‌మి.. అయినా గానీ ప్లేఆఫ్స్‌కు వెళ్లొచ్చు..

Mumbai Indians Still chance to qualify for IPL 2026 playoffs after defeat SRH (pic credit@ipl)

• స‌న్‌రైజ‌ర్స్ పై ఓట‌మి
• ఈ సీజ‌న్‌లో ముంబైకి ఇది ఆరో ప‌రాజ‌యం
• అయినా గానీ ప్లేఆఫ్‌కు చేరుకునే ఛాన్ ఉంది

Mumbai Indians : ఐపీఎల్ 2026లో ముంబై ఇండియ‌న్స్ ప‌రాజ‌యాల పరంప‌ర కొన‌సాగుతూనే ఉంది. బుధ‌వారం వాంఖ‌డే వేదిక‌గా స‌న్‌రైజ‌ర్స్ హైద‌రాబాద్‌తో జ‌రిగిన మ్యాచ్‌లో 6 వికెట్ల తేడాతో ఓట‌మిని చ‌విచూసింది. ఈ సీజ‌న్‌లో 8 మ్యాచ్‌ల్లో ముంబైకి ఇది ఆరో ప‌రాజ‌యం.

ర్యాన్ రికెల్టన్ (123; 55 బంతుల్లో 10 ఫోర్లు, 8 సిక్స‌ర్లు) శ‌త‌క్కొట్ట‌డంతో తొలుత బ్యాటింగ్ చేసిన ముంబై ఇండియ‌న్స్ నిర్ణీత 20 ఓవ‌ర్ల‌లో 5 వికెట్ల న‌ష్టానికి 243 ప‌రుగులు చేసింది. విల్ జాక్స్ (46; 22 బంతుల్లో 5 ఫోర్లు, 3 సిక్స‌ర్లు), కెప్టెన్ హార్దిక్ పాండ్యా (31; 15 బంతుల్లో 2 ఫోర్లు, 2 సిక్స‌ర్లు) వేగంగా ఆడారు. స‌న్‌రైజ‌ర్స్ బౌల‌ర్ల‌లో ప్రఫుల్ హింజ్ రెండు వికెట్లు తీశాడు. మ‌లింగ‌, సాకిబ్ హుస్సేన్, నితీశ్ కుమార్ రెడ్డి లు త‌లా ఓ వికెట్ ప‌డ‌గొట్టారు.

PBKS vs RR : అర్ష్‌దీప్ సింగ్ ఎంత ప‌ని చేశావ‌య్యా.. పాపం బుడ్డోడు.. చారిత్రాత్మ‌క ‘సెంచ‌రీ’ రికార్డు జ‌స్ట్ మిస్‌..

అనంత‌రం ట్రావిస్ హెడ్ (76; 30 బంతుల్లో 4 ఫోర్లు, 8 సిక్స‌ర్లు) హెన్రిచ్ క్లాసెన్ (65 నాటౌట్; 30 బంతుల్లో 7 ఫోర్లు, 4 సిక్స‌ర్లు) మెరుపు హాఫ్ సెంచ‌రీల‌తో చెల‌రేగ‌డంతో 244 ప‌రుగుల ల‌క్ష్యాన్ని స‌న్‌రైజ‌ర్స్ 18.4 ఓవ‌ర్ల‌లో 4 వికెట్లు కోల్పోయి ఛేదించింది. అభిషేక్ శ‌ర్మ (45; 24 బంతుల్లో 4 ఫోర్లు, 3 సిక్స‌ర్లు), స‌లీల్ అరోరా (30; 10 బంతుల్లో 2 ఫోర్లు, 3 సిక్స‌ర్లు) వేగంగా ఆడారు. ముంబై బౌల‌ర్ల‌లో ఘజన్‌ఫర్ రెండు వికెట్లు తీశాడు. ట్రెంట్ బౌల్ట్, హార్దిక్ పాండ్యా ఓ వికెట్ ప‌డ‌గొట్టాడు.

ప్లే ఆఫ్‌కు ఎలా అర్హ‌త సాధించ‌గ‌ల‌దు?

ఇప్ప‌టి వ‌ర‌కు ముంబై ఇండియ‌న్స్ ఈ సీజ‌న్‌లో 8 మ్యాచ్‌లు ఆడింది. రెండు మ్యాచ్‌ల్లోనే విజ‌యం సాధించింది. మ‌రో ఆరు మ్యాచ్‌ల్లో ఓడిపోయింది. ఆ జ‌ట్టు ఖాతాలో 4 పాయింట్లు ఉండ‌గా నెట్‌ర‌న్‌రేటు -0.784గా ఉంది. ప్ర‌స్తుతం పాయింట్ల ప‌ట్టిక‌లో తొమ్మిదో స్థానంలో ఉంది.

Vaibhav Sooryavanshi : చ‌రిత్ర సృష్టించిన వైభ‌వ్ సూర్య‌వంశీ.. కోహ్లీ, రోహిత్ శ‌ర్మ‌ల‌కు సాధ్యం కానీ రికార్డు..

ఈ సీజ‌న్‌లో ముంబై ఇండియ‌న్స్ మ‌రో ఆరు మ్యాచ్‌లు ఆడాల్సి ఉంది. ఈ ఆరు మ్యాచ్‌ల్లోనూ ముంబై జ‌ట్టు విజ‌యం సాధిస్తే అప్పుడు వారి ఖాతాలో 16 పాయింట్లు ఉంటాయి. అప్పుడు టాప్-4లో నిలిచి ముంబై ప్లేఆప్‌లో అడుగుపెట్టే అవ‌కాశాలు ఉన్నాయి. అలా కాకుండా ఒక్క మ్యాచ్‌లో ఓడిపోయిన‌ప్ప‌టికి కూడా ఆ జ‌ట్టు ఈ టోర్నీ నుంచి ఇంటి ముఖం ప‌ట్ట‌క‌త‌ప్ప‌దు.

ముంబై ఆడ‌నున్న మ్యాచ్‌లు ఇవే..

* మే 2న – చెన్నై సూప‌ర్ కింగ్స్ తో
* మే 4న – ల‌క్నో సూప‌ర్ జెయింట్స్‌తో
* మే 10న – రాయ‌ల్ ఛాలెంజ‌ర్స్ బెంగ‌ళూరుతో
* మే 14న – పంజాబ్ కింగ్స్‌
* మే 20న – కోల్‌క‌తా నైట్‌రైడ‌ర్స్‌
* మే 24న – రాజ‌స్థాన్ రాయ‌ల్స్‌