NZ vs ENG : ఇంగ్లాండ్‌కు షాకిచ్చిన కివీస్‌.. మ‌రో మ్యాచ్ మిగిలి ఉండ‌గానే..

New Zealand won by 5 wickets in 2nd odi against england

NZ vs ENG : ఇంగ్లాండ్‌తో జ‌రుగుతున్న మూడు మ్యాచ్‌ల వ‌న్డే సిరీస్‌ను న్యూజిలాండ్ మ‌రో మ్యాచ్ మిగిలి ఉండ‌గానే సొంతం చేసుకుంది. బుధ‌వారం హామిల్ట‌న్ వేదిక‌గా జ‌రిగిన రెండో వ‌న్డే మ్యాచ్‌లో (NZ vs ENG) కివీస్ 5 వికెట్ల తేడాతో విజ‌యాన్ని సాధించింది.

ఈ మ్యాచ్‌లో ఇంగ్లాండ్ తొలుత బ్యాటింగ్ చేసింది. కివీస్ బౌల‌ర్ల ధాటికి 36 ఓవ‌ర్ల‌లో 175 ప‌రుగుల‌కే ఆలౌటైంది. ఇంగ్లాండ్ బ్యాట‌ర్ల‌లో జేమీ ఓవర్టన్ ( 42; 28 బంతుల్లో 4 ఫోర్లు, 2 సిక్స‌ర్లు), కెప్టెన్ హ్యారీ బ్రూక్ (34; 34 బంతుల్లో 3 ఫోర్లు, 1 సిక్స్‌) రాణించారు.

IND vs AUS : వ‌ర్షం కార‌ణంగా భార‌త్, ఆసీస్ తొలి టీ20 మ్యాచ్ ర‌ద్దు..

మిగిలిన వారిలో జోరూట్ (25) ప‌ర్వాలేనిపించాడు. కివీస్ బౌల‌ర్ల‌లో బ్లెయిర్ టిక్నర్ నాలుగు వికెట్లు ప‌డ‌గొట్టాడు. నాథన్ స్మిత్ రెండు వికెట్లు తీశాడు. జాకబ్ డఫీ, జాకరీ ఫౌల్క్స్, మైఖేల్ బ్రేస్‌వెల్, మిచెల్ సాంట్న‌ర్ లు త‌లా ఓ వికెట్ సాధించారు.

అనంత‌రం ర‌చిన్ ర‌వీంద్ర (54; 58 బంతుల్లో 7 ఫోర్లు, 1 సిక్స్‌), డారిల్ మిచెల్ (56 నాటౌట్; 59 బంతుల్లో 6 ఫోర్లు, 2 సిక్స‌ర్లు)లు హాఫ్ సెంచ‌రీలు బాద‌గా, మిచెల్ సాంట్న‌ర్ (34 నాటౌట్; 17 బంతుల్లో 2 ఫోర్లు, 3 సిక్స‌ర్లు) మెరుపు ఇన్నింగ్స్ ఆడ‌డంతో 176 ప‌రుగుల స్వ‌ల్ప ల‌క్ష్యాన్ని న్యూజిలాండ్ 33.1 ఓవ‌ర్ల‌లో 5 వికెట్లు కోల్పోయి అందుకుంది. ఇంగ్లీష్ బౌల‌ర్ల‌లో జోఫ్రా ఆర్చ‌ర్ మూడు వికెట్లు తీశాడు. జేమీ ఓవర్టన్, ఆదిల్ ర‌షీద్ చెరో వికెట్ ప‌డ‌గొట్టాడు.

Babar Azam : ఇది క‌దా బాబ‌ర్ ఆజామ్ అంటే.. టీ20 రీఎంట్రీలో 2 బంతుల్లోనే.. సోష‌ల్ మీడియాలో ర‌చ్చ‌రచ్చ‌..

ఇరు జ‌ట్ల మ‌ధ్య నామ‌మాత్ర‌మైన మూడో టీ20 మ్యాచ్ వెల్లింగ్ట‌న్ వేదిక‌గా న‌వంబ‌ర్ 1న జ‌ర‌గ‌నుంది.