Team India big record Most consecutive bilateral series wins at home in men T20Is
Team India : శుక్రవారం అహ్మదాబాద్లోని నరేంద్ర మోదీ స్టేడియంలో దక్షిణాఫ్రికాతో జరిగిన ఐదో టీ20 మ్యాచ్లో భారత్ విజయం సాధించింది. తద్వారా 5 మ్యాచ్ల టీ20 సిరీస్ను 3-1 తేడాతో కైవసం చేసుకుంది. ఈ క్రమంలో టీమ్ఇండియా అరుదైన ఘనత సాధించింది. స్వదేశంలో వరుసగా అత్యధిక టీ20 సిరీస్లు గెలిచిన జట్టుగా చరిత్ర సృష్టించింది.
ఈ క్రమంలో ఆస్ట్రేలియాను అధిగమించింది. స్వదేశంలో ఆస్ట్రేలియా 2006 నుంచి 2010 వరకు వరుసగా 8 ద్వైపాక్షిక్ష టీ20 సిరీస్లలో విజయం సాధించింది. ఇక భారత జట్టు విషయానికి వస్తే.. 2022 నుంచి నేటి వరకు వరుసగా 9 ద్వైపాక్షిక టీ20 సిరీస్లల్లో విజయం సాధించింది.
IND vs SA : సూర్యకుమార్ యాదవ్ కామెంట్స్.. సిరీస్ గెలిచాం కానీ.. అదొక్కటే ..
ఇక మ్యాచ్ విషయానికి వస్తే.. తొలుత బ్యాటింగ్ చేసిన భారత్ నిర్ణీత 20 ఓవర్లలో 5 వికెట్లు కోల్పోయి 231 పరుగులు చేసింది. భారత బ్యాటర్లలో తిలక్ వర్మ (73; 42 బంతుల్లో 10 ఫోర్లు, 1 సిక్స్), హార్దిక్ పాండ్యా (63 ;25 బంతుల్లో 5 ఫోర్లు, 5 సిక్సర్లు) లహాఫ్ సెంచరీలు చేశారు. సంజూ శాంసన్ (37), అభిషేక్ శర్మ (34) లు రాణించారు. దక్షిణాఫ్రికా బౌలర్లలో కార్బిన్ బోష్ రెండు వికెట్లు పడగొట్టగా.. ఒట్నీల్ బార్ట్మాన్, జార్జ్ లిండే లు చెరో ఓ వికెట్ సాధించారు.
Most consecutive bilateral series wins at home in men’s T20Is:
◾ 9* – India, 2022 to 2025*
◾ 8 – Australia, 2006 to 2010
◾ 7 – India, 2019 to 2022 pic.twitter.com/ftTTG5opwt— ESPNcricinfo (@ESPNcricinfo) December 19, 2025
ఆ తరువాత క్వింటన్ డికాక్ (65; 35 బంతుల్లో 9 ఫోర్లు, 3 సిక్సర్లు) అర్థశతకం చేశాడు. డెవాల్డ్ బ్రెవిస్ (31; 17 బంతుల్లో 3 ఫోర్లు, 2 సిక్సర్లు) వేగంగా ఆడినప్పటికి కూడా దక్షిణాఫ్రికా నిర్ణీత 20 ఓవర్లలో దక్షిణాఫ్రికా 8 వికెట్ల నష్టానికి 201 పరుగులకే పరిమితమైంది. టీమ్ఇండియా 30 పరుగుల తేడాతో గెలుపొందింది. టీమ్ఇండియా బౌలర్లలో వరుణ్ చక్రవర్తి నాలుగు, జస్ప్రీత్ బుమ్రా రెండు, అర్ష్దీప్ సింగ్, హార్దిక్ పాండ్యాలు తలా ఓ వికెట్ సాధించారు.