Lamine Yamal : 2007లో మెస్సీతో ఉన్న ఈ చిన్నారి ఎవరు? నాడు ప‌సివాడిగా.. నేడు ప్ర‌త్య‌ర్థిగా..

The story behind 2007 photo going viral of Lionel Messi with baby Lamine Yamal

Lamine Yamal : ఫిఫా ప్ర‌పంచ‌క‌ప్ 2026 ప్ర‌పంచ‌క‌ప్ ఫైన‌ల్ ఆదివారం (జూలై 19) జ‌ర‌గ‌నుంది. స్పెయిన్, అర్జెంటీనా జ‌ట్లు క‌ప్పు కోసం పోటీప‌డ‌నున్నాయి. ఈ క్ర‌మంలో 2007లో తీసిన ఫోటోలు ప్ర‌స్తుతం సోష‌ల్ మీడియాలో వైర‌ల్ అవుతోంది. ఆ ఫోటోల్లో ఆ స‌మ‌యంలో 20 ఏళ్లు ఉన్న లియోన‌ల్ మెస్సీ ఓ చిన్నారిని త‌న చేతుల్లో ఎత్తుకున్నాడు. అంతేకాకుండా అత‌డికి స్నానం చేయిస్తున్న‌ట్లు ఉంది.

ఇందులో విశేషం ఏముంద‌ని అనుకుంటున్నారా? అక్క‌డికే వ‌స్తున్నాం ఆగండి.. క‌ట్ చేస్తే.. ఇప్పుడు ఆ పిల్లాడు పెద్ద‌వాడు అయ్యాడు. అత‌డు ఓ ఫుట్‌బాల్ స్టార్‌గా ఎదిగాడు. ప‌సిబిడ్డ‌గా ఉన్న‌ప్పుడు చేతుల్లో ఎత్తుకుని ఆడించిన దిగ్గ‌జ ఆట‌గాడికి ప్ర‌త్య‌ర్థిగా ఆడ‌బోతున్నాడు. అది కూడా ఫిఫా ప్ర‌పంచ‌క‌ప్ ఫైన‌ల్‌లో. అప్ప‌టి పిల్ల‌వాడు మ‌రెవ‌రో కాదు లామిన్ య‌మాల్‌.

Rohit Sharma : రోహిత్ శ‌ర్మ రిటైర్‌మెంట్ వార్త‌ల వేళ‌.. బ్యాటింగ్ కోచ్ సితాన్షు కొట‌క్ కీల‌క వ్యాఖ్య‌లు..

ఆ ఫోటో ఎలా తీసారు?

క్ల‌బ్ ఫుట్‌లో మెస్సీ బార్సిలోనా క్ల‌బ్ త‌రుపున ఆడ‌తాడు అనే విష‌యం తెలిసిందే. 2007లో ఓ ప్ర‌చార కార్య‌క్ర‌మాన్ని నిర్వ‌హించింది. అందులో భాగంగా ఎంపిక చేసిన కొంద‌రు చిన్నారుల‌తో మెస్సీ స‌హా కొంద‌రు స్టార్ ఆట‌గాళ్లుతో క‌లిసి ఫోటోషూట్ నిర్వ‌హించారు.

యూరో 2024లో స్పెయిన్ విజయం సాధించిన తర్వాత.. యమాల్ తండ్రి మౌనిర్ నస్రావీ ఈ ఫోటోను ఇన్‌స్టాగ్రామ్‌లో “The beginning of two legends” (ఇద్దరు దిగ్గజాల ఆరంభం) అనే క్యాప్షన్‌తో పోస్ట్ చేయడంతో ఇది ప్రపంచవ్యాప్తంగా వైరల్ అయింది. ఇక ఇప్పుడు ఫిఫా ప్ర‌పంచ‌క‌ప్ ఫైన‌ల్ మ్యాచ్ నేప‌థ్యంలో మ‌రోసారి వైర‌ల్ అవుతోంది.

Harry Brook : భార‌త్ పై రెండో వ‌న్డేలో విజ‌యం.. ఇంగ్లాండ్ కెప్టెన్ హ్యారీ బ్రూక్ కీల‌క వ్యాఖ్య‌లు..

ఇదిలా ఉంటే.. ఈ ఇద్ద‌రిలో ఎవ‌రు ఫిఫా ప్ర‌పంచ‌క‌ప్ ఫైన‌ల్‌లో గెలిచి క‌ప్పును అందుకుంటారో చూడాల్సిందే.