Best phones under Rs 15k in January 2025
Best Phones 2025 : కొత్త స్మార్ట్‌ఫోన్ కొంటున్నారా? భారత మార్కెట్లో ఈ జనవరి 2025లో అనేక కొత్త స్మార్ట్ఫోన్లు అందుబాటులో ఉన్నాయి. ప్రతి నెలా అనేక స్మార్ట్ఫోన్లు రిలీజ్ కావడంతో మీకు నచ్చిన ఫోన్ ఎంచుకోవడం కొద్దిగా కష్టమే మరి. అందుకే, మీకోసం ప్రస్తుతం మార్కెట్లో పోకో, రియల్‌మి, లావా మరిన్ని వంటి అనేక ప్రముఖ బ్రాండ్‌ల ఆప్షన్లతో ఈ జనవరి 2025లో రూ. 15వేల లోపు కొనుగోలు చేయగల టాప్ ఫోన్‌ల జాబితాను మీకోసం అందిస్తున్నాం. ఇందులో మీకు నచ్చిన ఫోన్ ఎంచుకుని కొనేసుకోండి.
జనవరి 2025లో రూ. 15వేల లోపు బెస్ట్ ఫోన్‌లు :
1) పోకో ఎం7 ప్రో :
పోకో స్మార్ట్‌ఫోన్‌లో 6.67-అంగుళాల ఫుల్ హెచ్‌డీ+ డిస్ప్లే కలిగి ఉంద. 120Hz రిఫ్రెష్ రేట్, 2,100 నిట్స్ పీక్ బ్రైగ్‌నెస్‌కు సపోర్టు ఇస్తుంది. స్క్రీన్ కార్నింగ్ గొరిల్లా గ్లాస్ 5 ద్వారా ప్రొటెక్షన్ అందిస్తుంది. పోకో ఎం7 ప్రో 5జీ మీడియాటెక్ డైమెన్సిటీ 7025 అల్ట్రా చిప్‌సెట్ కలిగి ఉంది. ఆండ్రాయిడ్ 14 ఆధారంగా పోకో హైపర్ఓఎస్ రన్ అవుతుంది. కంపెనీ రెండు ప్రధాన ఆండ్రాయిడ్ ఓఎస్ అప్‌డేట్‌లు, నాలుగు ఏళ్ల సెక్యూరిటీ ప్యాచ్‌లను అందిస్తుంది.
ఆప్టిక్స్ విషయానికొస్తే.. ఈ ఫోన్ బ్యాక్ సైడ్ 50ఎంపీ సోనీ లాటియా ఎల్‌వైటీ-600 ప్రైమరీ సెన్సార్, 2ఎంపీ మాక్రో సెన్సార్‌తో కూడిన డ్యూయల్-కెమెరా సెటప్ ఉంది. హోల్-పంచ్ కటౌట్‌లో ఫ్రంట్ కెమెరా సెల్ఫీలు, వీడియో కాల్స్ కోసం 20ఎంపీ రిజల్యూషన్‌ను కలిగి ఉంది.
బ్యాటరీ విషయానికి వస్తే.. 45డబ్ల్యూ ఫాస్ట్ ఛార్జింగ్‌కు సపోర్టుతో 5,110mAh బ్యాటరీతో సపోర్టు ఇస్తుంది. పోకో ఎం7 ప్రో 5జీ ముందున్న ఎం6 ప్రో గ్లాస్ రియర్ డిజైన్‌ను రిప్లేస్ చేస్తుంది. రెండు-టోన్ ఎండ్‌తో పాలికార్బోనేట్ బ్యాక్‌ను కలిగి ఉంది. ఇతర ముఖ్యమైన ఫీచర్లలో డస్ట్, వాటర్ రెసిస్టెన్స్ కోసం ఐపీ64 రేటింగ్, ఇన్-డిస్ప్లే ఫింగర్ ప్రింట్ స్కానర్, డ్యూయల్-బ్యాండ్ వై-ఫై, 5జీ కనెక్టివిటీ ఉన్నాయి. ఈ ఫోన్ 7.99ఎమ్ఎమ్ మందం, 190 గ్రాముల బరువు ఉంటుంది.
2) లావా బ్లేజ్ డ్యూయో :
లావా బ్లేజ్ డ్యూయో 120Hz రిఫ్రెష్ రేట్‌తో 6.67-అంగుళాల ఫుల్ హెచ్‌డీ+ 3డీ కర్వ్డ్ అమోల్డ్ డిస్‌ప్లేను కలిగి ఉంది. లావా అగ్ని 3 మాదిరిగానే వెనుకవైపు 1.58-అంగుళాల సెకండరీ అమోల్డ్ డిస్ప్లే కూడా ఉంది.
హుడ్ కింద, బ్లేజ్ డ్యూయో 5జీ ఫోన్ మీడియాటెక్ డైమన్షిటీ 7025 ప్రాసెసర్ ద్వారా పవర్ పొందుతుంది. గ్రాఫిక్స్-ఇంటెన్సివ్ టాస్క్‌ల కోసం ఐఎమ్‌జీ బీఎక్స్ఎమ్-8-256 గ్రాఫిక్స్ ప్రాసెసర్‌తో వస్తుంది. ఈ ఫోన్ గరిష్టంగా 8జీబీ ఎల్‌పీడీఆర్5 మెమరీ, 128జీబీ వరకు యూఎఫ్ఎస్ 3.1 స్టోరేజ్‌తో వస్తుంది. ఆప్టిక్స్ పరంగా, ఫోన్‌లో 64ఎంపీ ప్రైమరీ షూటర్, 2ఎంపీ మాక్రో లెన్స్ ఉన్నాయి. ఫ్రంట్ సైడ్ సెల్ఫీలు, వీడియో కాల్స్ కోసం 16ఎంపీ షూటర్ కూడా ఉంది.
3) సీఎంఎఫ్ ఫోన్ 1 :
మొట్టమొదటి సీఎంఎఫ్ ఫోన్ 4ఎన్ఎమ్ ప్రాసెస్ ఆధారంగా మీడియాటెక్ డైమెన్సిటీ 7300 చిప్‌సెట్ ద్వారా పవర్ పొందింది. గ్రాఫిక్స్-ఇంటెన్సివ్ టాస్క్‌లను నిర్వహణకు మాలి జీ615 ఎంసీ2 జీపీయూతో వస్తుంది. 8జీబీ వరకు ఎల్‌పీడీడీఆర్ 4ఎక్స్ ర్యామ్, 256జీబీ వరకు యూఎఫ్ఎస్ 2.2 స్టోరేజీతో వస్తుంది. మైక్రో ఎస్‌డీ కార్డ్ స్లాట్ ద్వారా 2టీబీ వరకు విస్తరించుకోవచ్చు. ఆండ్రాయిడ్ 14 ఆధారంగా నథింగ్ ఓఎస్ 2.6తో స్మార్ట్‌ఫోన్ రన్ అవుతుంది. లేటెస్ట్ డివైజ్‌తో 2 ఏళ్ల ఓఎస్ అప్‌డేట్‌లు, 3 ఏళ్ల సెక్యూరిటీ ప్యాచ్‌లు పొందలేరు.
4) రియల్‌మి 14x :
రియల్‌మి 14x ఫోన్ 120Hz రిఫ్రెష్ రేట్‌తో 6.67-అంగుళాల హెచ్‌డీ+ డిస్ప్లే, 1604×720 పిక్సెల్‌ల రిజల్యూషన్, 625 నిట్స్ గరిష్ట ప్రకాశం, 89.97 శాతం స్క్రీన్-టు-బాడీ రేషియోను కలిగి ఉంది. హుడ్ కింద, రియల్‌మి 14ఎక్స్ మీడియాటెక్ డైమెన్సిటీ 6300 ఎస్ఓసీ ద్వారా ఆధారితంగా పనిచేస్తుంది. ఏఆర్ఎమ్ మాలి-జీ57 ఎంC2 జీపీయూతో వస్తుంది. ఈ ఫోన్ 6జీబీ+ 128జీబీ, 8జీబీ+ 128జీబీ వంటి రెండు వేరియంట్‌లలో అందుబాటులో ఉంది. 10జీబీ వరకు వర్చువల్ ర్యామ్, మైక్రో ఎస్‌డీ కార్డ్ ద్వారా స్టోరేజీని విస్తరించుకోవచ్చు.
ఈ హ్యాండ్‌సెట్ ఆండ్రాయిడ్ 14 ఆధారంగా రియల్‌మి యూఐ 5.0పై రన్ అవుతుంది. కంపెనీ రెండు ప్రైమరీ ఆండ్రాయిడ్ అప్‌డేట్స్ ప్రకటించింది. ఫోటోగ్రఫీ విషయానికి వస్తే.. రియల్‌మి 14ఎక్స్ ఎఫ్/1.8 ఎపర్చర్‌తో 50ఎంపీ ప్రైమరీ రియర్ కెమెరాతో వస్తుంది. ఫ్రంట్ సైడ్ సెల్ఫీలు, వీడియో కాల్స్ కోసం 8ఎంపీ కెమెరా కూడా ఉంది.
రియల్‌మి 14ఎక్స్ పెద్ద 6,000mAh బ్యాటరీని అందిస్తుంది. 45డబ్ల్యూ ఫాస్ట్ ఛార్జింగ్‌కు సపోర్టు ఇస్తుంది. నీరు, ధూళికి నిరోధకతకు ఐపీ69 రేటింగ్‌ను కూడా కలిగి ఉంది. కనెక్టివిటీ పరంగా, 5జీ, 4జీ ఎల్‌టీఈ, డ్యూయల్-బ్యాండ్ వై-ఫై, బ్లూటూత్, జీపీఎస్ ఛార్జింగ్ కోసం యూఎస్‌బీ టైప్-సి పోర్ట్‌ను అందిస్తుంది. ఈ ఫోన్ ఆడియో అవుట్‌పుట్ కోసం 200 శాతం అల్ట్రా-వాల్యూమ్ మోడ్‌ను కూడా కలిగి ఉంది.
5) వివో T3x :
వివో టీ3ఎక్స్ ఫోన్ 120Hz రిఫ్రెష్ రేట్‌తో 6.72-అంగుళాల ఫ్లాట్ ఫుల్ హెచ్‌డీ+ ఎల్‌సీడీ డిస్‌ప్లేను కలిగి ఉంది. ఆకర్షణీయమైన విజువల్స్‌ను అందిస్తుంది. 1,000 నిట్స్ గరిష్ట ప్రకాశంతో, టీ3ఎక్స్ స్నాప్‌డ్రాగన్ 6 జనరేషన్ 1 ఎస్ఓసీ ద్వారా పవర్ పొందుతుంది. మైక్రో ఎస్‌డీ కార్డ్ ద్వారా 1టీబీ వరకు ఎక్స్‌ప్యాండ్ స్టోరేజీని అందిస్తుంది. 128జీబీ అంతర్గత ఇంటర్నల్ స్టోరేజీని అందిస్తుంది. ఈ స్మార్ట్‌ఫోన్ 6000mAh బ్యాటరీతో వస్తుంది. 44W ఫాస్ట్ ఛార్జింగ్‌కు సపోర్టు ఇస్తుంది. ఆండ్రాయిడ్ 14-ఆధారిత ఫన్‌టచ్OS 14 అవుట్-ఆఫ్-ది-బాక్స్‌పై రన్ అవుతుంది.
