Lava Shark 2 5G : లావా షార్క్ 2 5G రాబోతోంది.. 120Hz డిస్ప్లే, భారీ బ్యాటరీతో అదిరే ఫీచర్లు!
Lava Shark 2 5G : లావా షార్క్ 2 5G త్వరలో భారత మార్కెట్లో లాంచ్ కానుందని లావా ధృవీకరించింది. ఈ ఫోన్లో భారీ బ్యాటరీ, 120Hz డిస్ప్లే IP64 రేటింగ్ వంటి ఫీచర్లు ఉన్నాయి. పూర్తి వివరాలివే..
- Sreehari A
- Published on- May 18, 2026 / 08:44 PM IST
Lava Shark 2 5G
- లావా షార్క్ 2 5జీ ఫోన్ 6.75-అంగుళాల 120Hz డిస్ప్లే
- ఈ ఫోన్ డస్ట్, వాటర్ రెసిస్టెన్స్ కోసం IP64 రేటింగ్తో వస్తుంది
- లావా 2026 మే నెలాఖరు నాటికి కొత్త 5జీ ఫోన్ లాంచ్
Lava Shark 2 5G : లావా లవర్స్కు గుడ్ న్యూస్.. అతి త్వరలో కొత్త బడ్జెట్ 5జీ స్మార్ట్ఫోన్ లావా షార్క్ 2 5జీ భారత మార్కెట్లో వచ్చేస్తోంది. రాబోయే ఈ స్మార్ట్ఫోన్లో భారీ బ్యాటరీ, 120Hz రిఫ్రెష్ రేట్తో భారీ డిస్ప్లే ఉంటాయని కంపెనీ అధికారికంగా ధృవీకరించింది.
కంపెనీ ప్రకారం.. సరసమైన ధరలో 5G కనెక్టివిటీ, భారీ డిస్ప్లే స్మార్ట్ఫోన్ను కోరుకునే యూజర్ల కోసం ఈ ఫోన్ ప్రత్యేకంగా రూపొందించారు. ఈ ఫోన్ సింగిల్ ఛార్జ్పై రోజంతా బ్యాకప్ అందించగలదని లావా పేర్కొంది.
ప్రస్తుతం, లావా కంపెనీ షార్క్ 2 5జీ ధరను గానీ, ఫుల్ స్పెసిఫికేషన్లను గానీ వెల్లడించలేదు. అయితే, ఈ ఫోన్ 2026 మే నెలాఖరు నాటికి లాంచ్ అవుతుందని లావా ధృవీకరించింది. ఈ ఫోన్ ధర రూ. 15వేల లోపు ఉంటుందని భావిస్తున్నారు.
Read Also : Aadhaar Update Deadline : మీవి, పిల్లలవి ఆధార్ అప్డేట్ చేయలేదా? మీకో బంపర్ ఆఫర్..
లావా షార్క్ 2 5జీ ఫోన్ 120Hz రిఫ్రెష్ రేట్కు సపోర్టు ఇచ్చే 6.75-అంగుళాల డిస్ప్లేతో వస్తుంది. కంపెనీ ప్రకారం.. ఈ డిస్ప్లే స్మూత్ స్క్రోలింగ్ మెరుగైన వీడియో ఎక్స్పీరియన్స్ అందిస్తుంది. ఈ ఫోన్లో భారీ బ్యాటరీ ఉంటుందని, 815 నిమిషాల వరకు యూట్యూబ్ ప్లేబ్యాక్ సుమారు 743 నిమిషాల స్క్రీన్-ఆన్ టైమ్ అందించగలదని లావా పేర్కొంది.
పర్ఫార్మెన్స్ విషయానికొస్తే.. :
ఈ స్మార్ట్ఫోన్లో 5లక్షల కన్నా ఎక్కువ (AnTuTu v11 స్కోర్) ఉన్న చిప్సెట్ను అమర్చారు. అయితే, కంపెనీ ఇంకా ఆ ప్రాసెసర్ పేరును వెల్లడించలేదు. అదనంగా, ఈ ఫోన్కు IP64 డస్ట్, వాటర్ రెసిస్టెన్స్ రేటింగ్ కూడా ఉంటుంది.
ఫీచర్ ఫోన్లు లేదా 4జీ స్మార్ట్ఫోన్ల నుంచి 5జీ ఫోన్లకు మారాలనుకునే యూజర్ల కోసం షార్క్ 2 5జీని స్పెషల్ రూపొందించినట్లు లావా చెబుతోంది. ఈ కంపెనీ తమ షార్క్ సిరీస్కు రాబోయే మెయిన్ అప్గ్రేడ్గా రిలీజ్ చేయనుంది.
లావా కంపెనీ మే 2025లో లావా షార్క్ 5జీని రూ. 7,999 ప్రారంభ ధరతో లాంచ్ చేసింది. ఇందులో 6.7-అంగుళాల HD+ డిస్ప్లే, యూనిసోక్ T765 ప్రాసెసర్ 5000mAh బ్యాటరీ ఉన్నాయి. అక్టోబర్ 2025లో ఈ సంస్థ లావా షార్క్ 2 4జీని లాంచ్ చేసింది. ఇందులో 120Hz డిస్ప్లే, 50MP కెమెరా, 5000mAh బ్యాటరీ ఉన్నాయి.