Realme 16 5G : వావ్.. కొత్త రియల్‌మి 16 5G వస్తోంది.. భారీ బ్యాటరీ, పవర్‌ఫుల్ కెమెరాలు హైలెట్.. ధర, ఫీచర్లపై భారీ అంచనాలు

Realme 16 5G

• రియల్‌మి 16 5G భారత మార్కెట్లోకి వచ్చేస్తోంది
• 6.57-అంగుళాల అమోల్డ్ డిస్‌ప్లే, 120Hz వరకు రిఫ్రెష్ రేట్‌
• 7,000mAh బ్యాటరీ, డ్యూయల్ రియర్ కెమెరా సెటప్
• 50MP వైడ్-యాంగిల్ సెన్సార్, 2MP మోనోక్రోమ్ కెమెరా

Realme 16 5G : రియల్‌మి లవర్స్ కోసం అద్భుతమైన న్యూస్.. అతి త్వరలో రియల్‌మి నుంచి సరికొత్త ఫోన్ రాబోతుంది. 2026 ప్రారంభంలో ఎంపిక చేసిన మార్కెట్లలో ఫస్ట్ టైమ్ రిలీజ్ అయిన రియల్‌మి 16 5G ఫోన్ భారత మార్కెట్లో కూడా లాంచ్ కానుంది. ఈ ఫోన్ భారతీయ వేరియంట్ గ్లోబల్ వేరియంట్ మాదిరిగానే అదే స్పెసిఫికేషన్లతో వస్తుందని అంచనా.

ఐఫోన్ ఎయిర్‌ మాదిరిగా డిజైన్ ఉండనుంది. మీడియాటెక్ డైమెన్సిటీ 6400 టర్బో చిప్‌సెట్‌పై రన్ అవుతుంది. 6.57-అంగుళాల అమోల్డ్ డిస్‌ప్లేతో వస్తుంది. రియల్‌మి 16 5Gలో 7,000mAh బ్యాటరీ, డ్యూయల్ రియర్ కెమెరా సెటప్ ఉన్నాయి.

రియల్‌మి 16 5జీ, రియల్‌మి 16T లాంచ్ :
టెక్ బ్లాగర్ పరాస్ గుగ్లానీ ప్రకారం.. రియల్‌మి ఇండియాలో రియల్‌మి 16 5G లాంచ్ చేసేందుకు రెడీ అవుతోంది. ఈ ఫోన్ స్పెసిఫికేషన్లు, డిజైన్ గ్లోబల్ వేరియంట్‌ మాదిరిగా ఉంటాయని భావిస్తున్నారు. రియల్‌మి 16T కూడా త్వరలో దేశంలో లాంచ్ అయ్యే అవకాశం ఉందని భావిస్తున్నారు. అయితే, భారత మార్కెట్లో రియల్‌మి 16 5G, రియల్‌మి 16T లాంచ్ తేదీని ఇంకా రివీల్ చేయలేదు.

Read Also : PAN Card Rules : బిగ్ బ్రేకింగ్.. ఏప్రిల్ 1 నుంచి కొత్త రూల్స్.. రూ.10 లక్షలు దాటితే PAN కార్డు మస్ట్..!

గత జనవరిలో వియత్నాంలో రియల్‌మి 16 5G లాంచ్ అయింది. ఐఫోన్ ఎయిర్, గూగుల్ పిక్సెల్ 10 ఫోన్ల మాదిరిగా బ్యాక్ కెమెరా బార్‌తో ఉంది. ఇందులో 120Hz వరకు రిఫ్రెష్ రేట్‌తో 6.57-అంగుళాల ఫుల్ HD+ (1,080×2,372 పిక్సెల్స్) ఫ్లెక్సిబుల్ అమోల్డ్ డిస్‌ప్లే ఉంది. మీడియాటెక్ డైమెన్సిటీ 6400 టర్బో చిప్‌సెట్‌పై రన్ అవుతుంది. 12GB వరకు LPDDR4x ర్యామ్, 256GB వరకు UFS 2.2 ఇంటర్నల్ స్టోరేజ్ అందిస్తుంది.

కెమెరాల విషయానికొస్తే.. రియల్‌మి 16 5Gలో 50MP వైడ్-యాంగిల్ సెన్సార్, 2MP మోనోక్రోమ్ కెమెరాతో డ్యూయల్ రియర్ కెమెరా యూనిట్ ఉంది. సెల్ఫీలు, వీడియో చాట్స్ కోసం ఇందులో 50MP ఫ్రంట్-ఫేసింగ్ కెమెరా ఉంది. 7,000mAh బ్యాటరీతో వస్తుంది. 60W వైర్డ్ ఫాస్ట్ ఛార్జింగ్, రివర్స్ ఛార్జింగ్ సపోర్ట్ ఉంది. ఈ ఫోన్‌కు దుమ్ము, వాటర్ రెసిస్టెన్స్ కోసం IP66 + IP68 + IP69 + IP69K రేటింగ్స్ ఉన్నాయి.

వియత్నాంలో 8GB ర్యామ్ + 256GB స్టోరేజ్ మోడల్ రియల్‌మి 16 5జీ ధర VND 11,490,000 (సుమారుగా రూ. 40,000). 12GB + 256GB ర్యామ్, స్టోరేజ్ వేరియంట్ ధర VND 12,490,000 (సుమారుగా రూ. 44,000) ఉండొచ్చు. ప్రపంచ మార్కెట్లలో మాత్రం ఈ ఫోన్ మోడల్ నుంచి బ్లాక్ క్లౌడ్, వైట్ స్వాన్ కలర్ ఆప్షన్లలో అందుబాటులోకి వచ్చింది.

భారత మార్కెట్లో కూడా ఇదే ధరలు దాదాపుగా ఉండవచ్చు. మరిన్ని ఫీచర్ల వివరాలు తెలియాలంటే మరికొద్దిరోజులు ఆగాల్సిందే..