Sent money to the wrong UPI address
Wrong UPI Payment : యూనిఫైడ్ పేమెంట్స్ ఇంటర్‌ఫేస్ (UPI) ద్వారా డబ్బు పంపడం చాలా సులభం. కొన్ని సందర్భాల్లో అనుకోకుండా రాంగ్ యూపీఐకి డబ్బులు పంపుతుంటారు. ఇలాంటి పొరపాటు జరగడం చాలా సహజమే. అయితే, ఇలా జరిగితే మీరు ఏం చేస్తారు? మీరు అనుకోకుండా స్నేహితుడికి లేదా బంధువుకు డబ్బు పంపినట్లయితే.. దాన్ని తిరిగి ఇవ్వమని మీరు వారిని అడగవచ్చు. కానీ, అదే డబ్బును గుర్తు తెలియని వ్యక్తికి లేదా మీకు తెలియని వారికి పంపినట్టు అయితే ఏం చేయాలో ఇప్పుడు తెలుసుకుందాం.
48 గంటల్లోపు డబ్బును తిరిగి పొందొచ్చు :
మీరు కూడా రాంగ్ యూపీఐ నెంబర్‌కు డబ్బును పంపించారా? ఆందోళన పడకండి. మీరు సాధారణంగా మీ డబ్బును 24 గంటల నుంచి 48 గంటలలోపు తిరిగి పొందవచ్చు. మీరు డబ్బు పొందిన వ్యక్తితో పాటు మీరు ఇద్దరూ ఒకే బ్యాంక్‌ని ఉపయోగిస్తుంటే.. ఈ రీఫండ్ ప్రక్రియ వేగంగా జరుగుతుంది. అయితే, వేర్వేరు బ్యాంకుల మధ్య లావాదేవీలు అయితే మాత్రం కొంత సమయం పట్టవచ్చు.
మీ డబ్బును రాంగ్ యూపీఐ అడ్రస్‌కు పంపితే ఎలా తిరిగి పొందాలంటే? :
ఇలాంటి పరిస్థితులలో సాయం కోసం భారతీయ రిజర్వ్ బ్యాంక్ (RBI) మార్గదర్శకాలను జారీ చేసింది. ముందుగా, పొరపాటున డబ్బు అందుకున్న వ్యక్తిని సంప్రదించడానికి ప్రయత్నించండి. ఆ మొత్తాన్ని తిరిగి ఇవ్వమని వారిని మర్యాదపూర్వకంగా అడగండి. లావాదేవీ వివరాలను వారికి అందించండి.
యూపీఐ యాప్ కస్టమర్ సపోర్ట్‌ను తీసుకోండి :
మీకు తెలియని వ్యక్తికి డబ్బు పంపితే.. ఆ వ్యక్తి మీకు సహకరించకుంటే లేదా మీరు వారిని సంప్రదించలేకపోతే.. మీ యూపీఐ యాప్ కస్టమర్ సపోర్ట్‌కి లావాదేవీని రిపోర్టు చేయాలి. లావాదేవీకి సంబంధించిన అన్ని వివరాలు, సాక్ష్యాలను వారితో షేర్ చేయండి. వాపసు ప్రక్రియ కోసం మీకు సాయపడేందుకు సాధ్యపడుతుంది.
ఎన్‌పీసీఐ (NPCI)కి ఫిర్యాదు చేయండి :
మీరు కస్టమర్ సపోర్ట్ ద్వారా సమస్యను పరిష్కరించలేకపోతే.. మీరు నేషనల్ పేమెంట్స్ కార్పొరేషన్ ఆఫ్ ఇండియా (NPCI)కి ఫిర్యాదు చేయడం ద్వారా సమస్యను మరింత పెంచవచ్చు. అన్ని లావాదేవీల వివరాలను, ఏవైనా సహాయక సాక్ష్యాలను వారికి అందించండి. వారు సమస్యను మరింత లోతుగా పరిశీలిస్తారు.
మీ బ్యాంక్ నుంచి సాయం పొందండి :
పొరపాటున జరిగిన లావాదేవీ గురించి వీలైనంత త్వరగా మీ బ్యాంకుకు తెలియజేయండి. వారికి అవసరమైన అన్ని వివరాలను అందించండి. డబ్బును రికవరీ చేసేందుకు వారు ఛార్జ్‌బ్యాక్‌ ప్రక్రియను ప్రారంభించవచ్చు.
టోల్ ఫ్రీ నంబర్‌కు కాల్ చేయండి :
రాంగ్ యూపీఐ అడ్రస్ లావాదేవీ జరిగితే.. మీరు సాయం కోసం టోల్-ఫ్రీ నంబర్ 1800-120-1740కి కూడా కాల్ చేయవచ్చు.
వేర్వేరు బ్యాంకుల్లో లావాదేవీలంటే ఏం చేయాలి? :
“ఈ పరిస్థితిలో, కస్టమర్‌లు వారి సొంత బ్యాంక్ బ్రాంచ్ సంప్రదించడం చేయాలి. లావాదేవీ మొత్తం, ట్రాన్సాక్షన్ ఐడీ, తేదీ, ఏయే బ్యాంకులు వంటి అవసరమైన అన్ని వివరాలను వారికి అందించండి. సమస్యను అర్థం చేసుకోవడానికి ఈ సమాచారం బ్యాంకుకు చాలా కీలకం. మీ బ్యాంక్ రిఫండ్‌ను ప్రాసెస్ చేయడానికి డబ్బు పొందిన వ్యక్తి బ్యాంక్‌తో కలిసి పనిచేస్తుంది. అయితే, మల్టీ బ్యాంకుల ప్రమేయం కారణంగా దీనికి ఎక్కువ సమయం పట్టవచ్చు” అని ముంబైకి చెందిన ఫిన్‌టెక్ స్టార్టప్ టెక్‌ఫిని సీఓఓ అతీష్ షెలార్ పేర్కొన్నారు.
మీరు రాంగ్ క్యూఆర్ కోడ్‌ని స్కాన్ చేసి డబ్బు పంపారా? :
ఈ సందర్భంలో కూడా లావాదేవీ వివరాలతో పాటుగా మీ యూపీఐ యాప్ కస్టమర్ సపోర్ట్‌కి ఎర్రర్‌ను రిపోర్టు చేయండి. వారు మీ డబ్బు వాపసు ప్రక్రియలో సాయం చేయగలరు. తదుపరి దశలపై మీకు మార్గనిర్దేశం చేసేందుకు వీలుంటుంది.
“అలాగే, రాంగ్ పేమెంట్ గురించి మీ బ్యాంక్‌కు తెలియజేయండి. బ్యాంకులు ఆ డబ్బును రికవరీ చేసేందుకు ఛార్జ్‌బ్యాక్‌ను ప్రారంభించవచ్చు. అవసరమైతే, మీరు ఎన్‌పీసీఐకి ఫిర్యాదు చేయొచ్చు. తదుపరి విచారణ కోసం అన్ని లావాదేవీల వివరాలు, సాక్ష్యాలను అందించడం ద్వారా సమస్యను పరిష్కరించవచ్చు” అని షెలార్ సలహా ఇస్తున్నారు.
Read Also : Unstoppable With NBK : విక్ట‌రీ వెంక‌టేష్ కొడుకు అర్జున్ సినిమాల్లోకి రానున్నాడా? వెంకీ మామ ఏమ‌న్నాడంటే..?
