ప్రీమియం అనుభూతినిచ్చే స్మార్ట్‌ఫోన్ కొనాలనుకుంటున్నారా? అయితే, మీ బడ్జెట్ రూ.30,000 లోపే ఉందా? అయితే, బడ్జెట్ సెగ్మెంట్‌లో ప్రీమియం ఫీచర్లతో అందుబాటులో ఉన్న OnePlus స్మార్ట్‌ఫోన్ల గురించి తెలుసుకోవాల్సిందే. OnePlus Nord 4, Nord 3 5G, 10R 5G ఫోన్‌లు మంచి ఫీచర్లతో వచ్చాయి. ఈ మూడింటిలో మీ అవసరానికి, మీ బడ్జెట్‌కు ఏది సరిగ్గా సరిపోతుందో చూడండి..
ఎవరైతే లేటెస్ట్ టెక్నాలజీ, శక్తిమంతమైన పర్ఫార్మెన్స్, అద్భుతమైన బ్యాటరీ లైఫ్ కోరుకుంటారో, వారికి Nord 4 ఒక పర్ఫెక్ట్ ఛాయిస్. ఇది ఫ్యూచర్ ప్రూఫ్ ఫీచర్లతో వస్తుంది.
ముఖ్యమైన ఫీచర్లు
ప్రాసెసర్: శక్తిమంతమైన Snapdragon 7+ Gen 3 చిప్‌సెట్. గేమింగ్, హెవీ యాప్స్ వాడకంలో ఎక్కడా లాగ్ ఉండదు.
డిస్‌ప్లే: ప్రొఫెషనల్ AMOLED స్క్రీన్ కళ్లకు ఇంపుగా, కలర్‌ఫుల్‌గా ఉంటుంది. Aqua Touch, ProXDR వంటి ఆధునిక ఫీచర్లు దీని సొంతం.
బ్యాటరీ, ఛార్జింగ్: భారీ 5500mAh బ్యాటరీ, మెరుపువేగంతో చార్జ్ చేసే 100W ఫాస్ట్ ఛార్జింగ్. ఒక్కసారి చార్జ్ చేస్తే రోజంతా నిశ్చింతగా ఉండొచ్చు.
ఇతర ఫీచర్లు: Android 14, ఇన్-డిస్‌ప్లే ఫింగర్‌ప్రింట్ సెన్సార్, 4K 60fps వీడియో రికార్డింగ్ సపోర్ట్.
ధర: సుమారు రూ.24,999 (Croma, Flipkart)తో అందుబాటులో ఉంది.
గమనిక: ఇందులో మెమరీ కార్డ్ స్లాట్, హెడ్‌ఫోన్ జాక్ లేవు.
Also Read: ఈ 3 స్మార్ట్‌ఫోన్లలో ఏది బెస్ట్? ఏ ఫోన్ కెమెరా మెరుగ్గా పనిచేస్తుంది?
“నాకు లేటెస్ట్ ఫీచర్ల కన్నా, స్థిరమైన పనితీరు ముఖ్యం. అన్నీ సమానంగా ఉండాలి” అని అనుకునేవారికి Nord 3 ఒక మంచి ఆప్షన్.
ముఖ్యమైన ఫీచర్లు
ప్రాసెసర్: MediaTek Dimensity 9000 ప్రాసెసర్ రోజువారీ పనులకు, మల్టీ టాస్కింగ్‌కు చాలా స్మూత్‌గా పనిచేస్తుంది.
డిస్‌ప్లే: 6.74-అంగుళాల ఫ్లూయిడ్ AMOLED డిస్‌ప్లే మంచి వివిడ్ ఇమేజ్ క్వాలిటీ అందిస్తుంది.
బ్యాటరీ, ఛార్జింగ్: 5000mAh బ్యాటరీతో పాటు 80W ఫాస్ట్ ఛార్జింగ్ సపోర్ట్.
కెమెరా: ఫొటోగ్రఫీకి సరిపోయే మంచి కెమెరా సెటప్.
ధర: సుమారు రూ.21,998 (Amazon)తో అందుబాటులో ఉంది.
గమనిక: Nord 4 తో పోలిస్తే బ్రైట్‌నెస్ కొద్దిగా తక్కువగా ఉంటుంది, కానీ పనితీరులో రాజీ లేదు.
మీరు ఎక్కువగా గేమింగ్ ఆడతారా? ఒకేసారి పది యాప్‌లు వాడతారా? అయితే మీ పర్ఫార్మెన్స్ అవసరాలకు 10R 5G ఇప్పటికీ ఒక కింగ్ లాంటిదే.
ముఖ్యమైన ఫీచర్లు
ప్రాసెసర్: గేమింగ్ కోసం ప్రత్యేకంగా ట్యూన్ చేసిన Dimensity 8100 Max చిప్‌సెట్. హై-ఎండ్ గేమింగ్‌లో కూడా లాగ్స్ ఉండవు.
బ్యాటరీ, ఛార్జింగ్: 5000mAh బ్యాటరీ, 80W ఫాస్ట్ ఛార్జింగ్.. గంటల తరబడి ఫోన్ వాడేవారికి చాలా ఉపయోగపడుతుంది.
కెమెరా: Nord 3లాగే బ్యాలెన్స్‌డ్ కెమెరా సెటప్ ఉంది.
ఆపరేటింగ్ సిస్టమ్: Android 12తో వచ్చినా చాలా స్థిరమైన పనితీరును అందిస్తుంది.
ధర: సుమారు రూ.19,999 (Flipkart) – పై మూడింటిలో అత్యంత బడ్జెట్ ఫ్రెండ్లీ ఫో.
| విభాగం | OnePlus Nord 4 | OnePlus Nord 3 5G | OnePlus 10R 5G |
|---|---|---|---|
| ఫోకస్ | లేటెస్ట్ టెక్నాలజీ, బెస్ట్ బ్యాటరీ, పర్ఫార్మెన్స్ | బ్యాలెన్స్‌డ్ ఫీచర్లు, మంచి బడ్జెట్ | హెవీ గేమింగ్, పవర్-ప్యాక్డ్ యూసేజ్ |
| ప్రాసెసర్ | Snapdragon 7+ Gen 3 | Dimensity 9000 | Dimensity 8100 Max |
| ఛార్జింగ్ | 100W ఫాస్ట్ ఛార్జింగ్ | 80W ఫాస్ట్ ఛార్జింగ్ | 80W ఫాస్ట్ ఛార్జింగ్ |
| ఆపరేటింగ్ సిస్టమ్ | Android 14 | Android 13 (అప్‌గ్రేడబుల్) | Android 12 (స్టేబుల్) |
| ధర | రూ.24,999 | రూ.21,999 | రూ.19,999 |
మీ ప్రాధాన్యతలను బట్టి సరైన మోడల్‌ను ఎంచుకోండి.
