Vivo V30 And V30 Pro India Launch Set for March 7
Vivo V30 Series Launch : కొత్త ఫోన్ కోసం చూస్తున్నారా? భారత మార్కెట్లోకి వివో నుంచి సరికొత్త ఫోన్ రాబోతోంది. అతి త్వరలో భారత మార్కెట్లోకి వివో V30 సిరీస్ లాంచ్ కానుందని కంపెనీ ధృవీకరించింది. ఈ లైనప్‌లో బేస్ వివో V30, వివో V30 ప్రో మోడల్ ఉన్నాయి. వనిల్లా వివో వి30 మొదట ఫిబ్రవరిలో ఎంపిక చేసిన ప్రపంచ మార్కెట్లలో అందుబాటులోకి వచ్చింది. ఈ హ్యాండ్‌సెట్ భారతీయ వేరియంట్, గ్లోబల్ కౌంటర్‌పార్ట్‌తో సమానమైన స్పెసిఫికేషన్‌లతో రానుందని భావిస్తున్నారు.
భారత్ లాంచ్ తేదీ ఎప్పుడంటే? :
వివో ప్రో మోడల్ ఫిబ్రవరి 28న థాయ్‌లాండ్‌లో లాంచ్ కానుంది. కంపెనీ, ఇప్పుడు వివో V30 లైనప్ భారత్ లాంచ్ తేదీని కూడా ప్రకటించింది. వివో వి30, వివో వి30 ప్రోతో కూడిన వివో వి30 సిరీస్ మార్చి 7న మధ్యాహ్నం 12 గంటలకు భారత మార్కెట్లో లాంచ్ కానుందని వివో ప్రకటించింది. ఈ ఫోన్‌లకు సంబంధించి ఫ్లిప్‌కార్ట్‌లో మైక్రోసైట్‌లో అందుబాటులో ఉంది. ఇంతకుముందు, ఈ హ్యాండ్‌సెట్‌లు కనీసం అండమాన్ బ్లూ, క్లాసిక్ బ్లాక్, పీకాక్ గ్రీన్ అనే 3 కలర్ ఆప్షన్లలో అందుబాటులో ఉంటాయని కంపెనీ ధృవీకరించింది.
వివో వి30 ప్రో ట్రిపుల్ బ్యాక్ కెమెరా యూనిట్‌ను కలిగి ఉండనుంది. ఓఐఎస్ సపోర్టు ఉన్న పోర్ట్రెయిట్ కెమెరాలు, వివో సిగ్నేచర్ ఆరా లైట్ ఫీచర్‌ను లైనప్ అందించనుంది. బ్యాక్ ప్యానెల్‌పై ఎల్ఈడీ ఫ్లాష్ యూనిట్ కలిగి ఉంది. హ్యాండ్‌సెట్‌లు జీస్-బ్యాక్డ్ కెమెరాలతో కూడా వస్తాయి. వివో వి30 గ్లోబల్ వేరియంట్ స్నాప్‌డ్రాగన్ 7 జనరేషన్ 3 ఎస్ఓసీ, 80డబ్ల్యూ ఫాస్ట్ ఛార్జింగ్‌కు సపోర్టుతో 5,000ఎంఎహెచ్ బ్యాటరీ, 6.78-అంగుళాల 120హెచ్‌జెడ్ ఫుల్-హెచ్‌డీ అమోల్డ్ డిస్‌ప్లేతో వస్తుంది.
ఆప్టిక్స్ విషయానికి వస్తే.. :
ఈ ఫోన్‌లో ఆప్టికల్ ఇమేజ్ స్టెబిలైజేషన్ (OIS) సపోర్ట్‌తో 50ఎంపీ ప్రైమరీ ఓవీ50ఇ సెన్సార్, ఆరా లైట్ యూనిట్‌తో పాటు అల్ట్రా-వైడ్-యాంగిల్ లెన్స్‌తో కూడిన 50ఎంపీ సెన్సార్ ఉన్నాయి. ఫ్రంట్ కెమెరా 50ఎంపీ సెన్సార్‌ను కూడా కలిగి ఉంది. వివో వి30 ప్రో ఫోన్ డిసెంబర్ 2023లో చైనాలో ప్రవేశపెట్టిన వివో ఎస్18 ప్రో రీబ్రాండెడ్ వెర్షన్‌గా రానుంది. వివో వి30 ప్రో 50ఎంపీ ట్రిపుల్ రియర్ కెమెరా యూనిట్‌తో వస్తుందని కంపెనీ ధృవీకరించింది. 50ఎంపీ సోనీ ఐఎమ్‌క్స్920 ప్రైమరీ సెన్సార్, 50ఎంపీ సోనీ ఐఎమ్ఎక్స్816 పోర్ట్రెయిట్ కెమెరా, అల్ట్రా-వైడ్-యాంగిల్ లెన్స్‌తో మూడో సెన్సార్‌ను కలిగి ఉండవచ్చని నివేదికలు సూచిస్తున్నాయి.
వివో వి30 ప్రో, వివో ఎస్18 ప్రో మాదిరిగానే మీడియాటెక్ డైమెన్సిటీ 8200 ఎస్ఓసీతో వస్తుంది. ఆండ్రాయిడ్ 14-ఆధారిత ఫన్‌టచ్OS 14 అవుట్-ఆఫ్-ది-బాక్స్‌తో వచ్చే అవకాశం ఉంది. 6.78-అంగుళాల 120హెచ్‌జెడ్ ఫుల్-హెచ్‌డీ+ అమోల్డ్ స్క్రీన్‌ను కలిగి ఉంటుంది. ఈ ఫోన్ ఐపీ54 రేటింగ్‌తో రావచ్చు. వివో 80డబ్ల్యూ వైర్డు ఫాస్ట్ ఛార్జింగ్‌కు సపోర్టుతో హ్యాండ్‌సెట్‌లో 5,000ఎంఎహెచ్ బ్యాటరీని అందిస్తుంది. వివో వి30 సిరీస్ ఫోన్ ధర రూ. 33,990 వరకు ఉండవచ్చు.
Read Also : Hyundai Models in India : ఈ ఫిబ్రవరిలో హ్యుందాయ్ కొత్త కారు మోడళ్లపై రూ. 43వేల వరకు బెనిఫిట్స్.. డోంట్ మిస్!
