Girl Raped
Girl Raped : మహిళల రక్షణ కోసం నిర్భయ లాంటి కఠిన చట్టాలు తెచ్చినా, రేపిస్టులను ఎన్ కౌంటర్ చేస్తున్నా మృగాళ్లలో మార్పు రావడం లేదు. స్త్రీకి రక్షణ లేదు. దేశంలో నిత్యం ఏదో ఒక చోట ఆడవారిపై అఘాయిత్యాలు జరుగుతూనే ఉన్నాయి. చిన్న, పెద్ద అనే తేడా లేదు.. కామాంధులు బరితెగిస్తున్నారు. చిన్న పిల్లలను కూడా వదలడం లేదు. పశువుల్లా మీద పడి కామవాంఛ తీర్చుకుంటున్నారు. ఇంటి నుంచి బయటకు వెళ్లిన ఆడపిల్ల తిరిగి ఇంటికి క్షేమంగా వస్తుందో లేదోనని తల్లిదండ్రులు ఆందోళన చెందుతున్నారు.
Rajasthan : కూతురుని కొట్టారని..స్కూల్ డైరక్టర్ పై జవాన్ కాల్పులు
తాజాగా వనపర్తి జిల్లాలో దారుణం జరిగింది. స్కూల్ కి వెళ్తుండగా తొమ్మిదో తరగతి విద్యార్థిని అడ్డగించిన ఇద్దరు యువకులు, ఆమెపై అఘాయిత్యానికి పాల్పడ్డారు. పాన్‌గల్‌ మండలంలో ఈ దారుణం జరిగింది. గ్రామానికి చెందిన బాలిక 3 కిలోమీటర్ల దూరంలోని ప్రభుత్వ ఉన్నత పాఠశాలలో తొమ్మిదో తరగతి చదువుతోంది. రోజూ పాఠశాలకు అడ్డదారిలో నడుచుకుంటూ వెళ్లి వచ్చేది. రోజూలానే మంగళవారం కూడా బడికి వెళ్తోంది.
Smartphone Tips: మీ స్మార్ట్ ఫోన్ స్లో అయిందా? ఈ సెట్టింగ్‌ మార్చుకోండి.. వేగం పెరుగుతుంది!
అయితే స్థానిక యువకులు నాగరాజు (21), అనిల్‌ (22) బాలికపై కన్నేశారు. బైక్ పై బాలికను వెంబడించారు. ఎవరూ లేని చోటు చూసి బాలికను అడ్డగించారు. బలవంతంగా సమీపంలోని పొదల్లోకి లాక్కెళ్లి అత్యాచారానికి ఒడిగట్టారు. జరిగిన దారుణాన్ని బాలిక స్కూల్ హెడ్ మాస్టర్ కి చెప్పింది. ఆయన వెంటనే పోలీసులకు సమాచారం అందించారు. రంగంలోకి దిగిన పోలీసులు బాలికను వైద్య పరీక్షల నిమిత్తం ఆసుపత్రికి తరలించారు. బాధితురాలి తల్లి ఫిర్యాదు మేరకు కేసు నమోదు చేశారు. త్వరలోనే నిందితులను అరెస్ట్ చేస్తామన్నారు.
