Rajasthan : కూతురుని కొట్టారని..స్కూల్ డైరక్టర్ పై జవాన్ కాల్పులు

Rajasthan :  సైన్యంలో ఉండి దేశానికి సేవ చేయాల్సిన జవాన్​.. తన పరిధి దాటి అతిగా ప్రవర్తించాడు. తన కూతురిని కొట్టాడని స్కూల్ డైరెక్టర్‌పైనే కాల్పులు జరిపాడు. అయితే ఆ సమయంలో ఆయన భార్య అడ్డు రావడంతో బుల్లెట్ ఆమెకు తగిలి గాయపడింది. రాజస్తాన్‌లోని భరత్‌పూర్ జిల్లాలో సోమవారం ఈ ఘటన జరిగింది.

రాజస్తాన్‌లోని భరత్ పూర్‌ జిల్లాలోని కన్వాడా గ్రామానికి చెందిన పప్పు గుర్జార్ అనే ఆర్మీ జవాన్ కుటుంబం నివసిస్తోంది. ఆ జవాన్ కుమార్తె ఓ ప్రైవేటు స్కూల్ లో చదువుతోంది. ఆ పాప నిన్న ఏడ్చుకుంటూ ఇంటికి వచ్చింది. టీచర్ తనను చెంప దెబ్బకొట్టిందని తండ్రికి ఫిర్యాదు చేసింది. తన బిడ్డను కొడతారా అని ఆ ఆర్మీజవాన్‌కు పిచ్చి కోపం వచ్చింది. అటో ఇటో తేల్చుకోవాలని డిసైడయ్యారు. పాపను తీసుకుని స్కూల్‌కు వెళ్లారు.

గుర్జార్ ఆవేశం చూసి ఎందుకైనా మంచిదని ఆయన భార్య కూడా స్కూల్‌కు వెళ్లింది. కోపంతో రగిలిపోయిన జవాన్​.. పాఠశాల డైరెక్టర్​ను కలిశాడు. ఈ క్రమంలోనే ఇద్దరి మధ్య వాగ్వాదం చెలరేగింది. అంతే.. గుర్జార్​ తన జేబులో నుంచి గన్​ తీసి అతనికి ఎక్కుపెట్టాడు. ఆపేందుకు మధ్యలోకి వచ్చిన గుర్జార్​ భార్య భుజానికే.. ఆ బులెట్​ దిగింది. ఆమెను తర్వాత ఆస్పత్రికి తరలించారు. ఘటన జరిగిన వెంటనే జవాన్​ అక్కడి నుంచి పారిపోయాడు. జవాన్ గుర్జార్‌ను పోలీసులు అదుపులోకి తీసుకుని ప్రశ్నిస్తున్నారు. ఈ విషయమై కేసు నమోదు చేసినట్లు స్టేషన్​ హౌస్​ ఆఫీసర్​ కామా దౌలత్​ సింగ్​ తెలిపారు. గుర్జార్​ సెలవులో ఉన్నట్లు, తన సర్వీస్​ రివాల్వర్​నే తన వెంట తీసుకెళ్లినట్లు పోలీసులు తెలిపారు.

ALSO READ Yogi Retorts To Akhilesh : అఖిలేష్ “రామ రాజ్యం”వ్యాఖ్యలకు యోగి కౌంటర్