అసెంబ్లీ ఎన్నికల ఫలితాల్లో అధికార మార్పిడీకి మెజారిటీ వచ్చింది. దీంతో బీఆర్ఎస్ అధికారంలో పదవులు చేపట్టిన కార్పొరేషన్ చైర్మన్లు మూకుమ్మడిగా రాజీనామా చేశారు. ఈ తరుణంలోనే రాష్ట్ర ప్రణాళికా సంఘం ఉపాధ్యక్షుడు బోయినపల్లి వినోద్ కుమార్ సైతం రాజీనామా చేశారు. సోమవారం సాయంత్రం ఏకంగా 15 కార్పొరేషన్ల చైర్మన్లు తమ రాజీనామాలాను ప్రకటించారు. ఇప్పటికే కేసీఆర్ ప్రభుత్వాన్ని రద్దు చేస్తూ గవర్నర్ తమిళిసై నిర్ణయం తీసుకున్నారు. ఈ నేపథ్యంలోనే తెలంగాణ రాష్ట్ర కార్పొరేషన్ల చైర్మన్లు తమ పదవులకు రాజీనామా చేశారు. రాజీనామా లేఖలను రాష్ట్ర ప్రభుత్వ ప్రధాన కార్యదర్శికి పంపించారు.
రాజీనామా చేసిన చైర్మన్లు వీరే..
1. సోమ భరత్ కుమార్
చైర్మన్, రాష్ట్ర డెయిరీ డెవలప్‌మెంట్ కార్పొరేషన్
2. జూలూరి గౌరీ శంకర్
చైర్మన్, తెలంగాణ సాహిత్య అకాడమీ
3. పల్లె రవి కుమార్ గౌడ్
చైర్మన్, రాష్ట్ర కల్లుగీత కార్పొరేషన్
4. డాక్టర్ ఆంజనేయ గౌడ్
చైర్మన్, స్పోర్ట్స్ అథారిటీ
5. మేడె రాజీవ్ సాగర్
చైర్మన్, రాష్ట్ర ఫుడ్స్ కార్పొరేషన్
6. డా. దూదిమెట్ల బాలరాజు యాదవ్
చైర్మన్, గొర్రెలు, మేకల అభివృద్ధి సంస్థ
7. గూడూరు ప్రవీణ్
చైర్మన్, టైక్స్‌టైల్స్ కార్పొరేషన్
8. గజ్జెల నగేష్
చైర్మన్, బేవరేజెస్ కార్పొరేషన్.
9. అనిల్ కూర్మాచలం
చైర్మన్, ఫిలిం డెవలప్‌మెంట్ కార్పొరేషన్.
10.రామచంద్ర నాయక్
చైర్మన్, ట్రైకార్.
11. వలియా నాయక్
చైర్మన్, గిరిజన ఆర్థిక సహకార సంస్థ.
12. వై సతీష్ రెడ్డి
చైర్మన్, రాష్ట్ర పునరుత్పాదక శక్తి అభివృద్ధి సంస్థ
13. డాక్టర్ ఎర్రోళ్ల శ్రీనివాస్
చైర్మన్, రాష్ట్ర వైద్య మౌలిక సదుపాయాల కల్పన సంస్థ
14. రవీందర్ సింగ్
చైర్మన్, పౌర సరఫరాల సంస్థ.
15. జగన్మోహన్ రావు
చైర్మన్, రాష్ట్ర టెక్నాలజికల్ సర్వీసెస్.
