Congress Ts In Charge Manikkam Tagore Meetings On Rahul Gandhi's Telangana Tour
కాంగ్రెస్ రాష్ట్ర వ్యవహారాల ఇంచార్జ్ మాణిక్కం ఠాగూర్ రీసెర్చ్ మొదలుపెట్టారు. గాంధీభవన్‌కి బిగ్ బాస్ లాంటి ఠాగూర్‌కి.. తన హౌస్‌లోని లీడర్స్‌ని ఎలా దారికి తెచ్చుకోవాలో అర్థం కావడం లేదు. తలో దారిలో ఉన్న కాంగ్రెస్ నేతలకు.. ఈ మధ్యే స్వీట్ వార్నింగ్ ఇచ్చారట. అది విన్న నాయకులు.. ఎప్పటిలాగే చాలా సీరియస్‌గా.. లైట్ తీసుకున్నారని చెబుతున్నారు. హాట్ వార్నింగ్‌లు ఇస్తేనే.. కాంగ్రెస్‌లో దిక్కులేదు. అలాంటిది.. ఇంచార్జ్ మాణిక్కం ఠాగూర్ ఇచ్చే స్వీట్ వార్నింగ్‌కి.. హస్తం నేతలు హడలిపోతారా? పోరు. ఇలా ఎందుకు జరుగుతుందో తెలియక.. మాణిక్కం ఠాగూర్ మళ్లీ మళ్లీ తల పట్టుకుంటున్నారనే గుసగుసలు వినిపిస్తున్నాయ్. కాంగ్రెస్ నేతల తీరుతో.. కొంతకాలంగా తెలంగాణ వైపు చూడటమే మానేశారు మాణిక్కం. చాలా కాలం తర్వాత.. హైదరాబాద్ వచ్చారు. అది కూడా.. త్వరలో రాహుల్ గాంధీ తెలంగాణ టూర్ ఉంది కాబట్టి. లేకపోతే.. ఇంకెప్పటికి వచ్చేవారోనని చెవులు కొరుక్కుంటున్నారు.
Also read : తెలంగాణలో ముందస్తు ఎన్నికలు వచ్చే అవకాశం
స్టేట్‌లో.. రాహుల్ టూర్‌ని సక్సెస్ చేసేందుకు.. పార్టీ యంత్రాంగాన్ని సమాయత్తం చేసే పనిలో బిజీగా ఉన్నారు మాణిక్కం ఠాగూర్. హైదరాబాద్‌లో ల్యాండ్ అవగానే.. పార్టీ ముఖ్య నేతలతో సమావేశమయ్యారు. కానీ.. వాళ్లే ఆయనకు మళ్లీ కొత్త సినిమా చూపించారు. కొత్త సినిమా అంటే.. కేజీఎఫ్-2 కాదు. ఇది వేరే. రాహుల్ టూర్‌కి సంబంధిచి.. రెండు రోజుల పాటు రివ్యూలు చేద్దామని నిర్ణయించి.. లీడర్లందరికీ ఒకరోజు ముందుగానే సమాచారం ఇచ్చారు. మొదటి రోజు సమావేశానికే.. కొందరు లీడర్లు డుమ్మా కొట్టేశారు. తమ పనుల్లో బిజీగా ఉండి.. ఠాగూర్‌ని లైట్ తీసుకున్నారు. తర్వాతి రోజు గాంధీభవన్ వేదికగా.. పొలిటికల్ ఎఫైర్స్ కమిటీ మీటింగ్ పెట్టారు. రాహుల్ పర్యటనపై చర్చించేందుకు.. అంతా కచ్చితంగా రావాలని ఆదేశాలిచ్చారు. ఈసారి నాయకులంతా కాస్త సీరియస్‌గానే తీసుకొని.. ఎప్పటిలాగే వ్యవహరించారు. ఉదయం 11 గంటలకు మీటింగ్ అని చెబితే.. ఒక్కొక్కరు నెమ్మదిగా 12, ఒంటిగంటకు వచ్చారు. పోనీ.. వాళ్లేమైనా మాణిక్కం ఠాగూర్ చెప్పేది విన్నారా అంటే.. అదీ లేదు. వచ్చినోళ్లు వచ్చినట్లు.. తోచింది తోచినట్లు చెప్పి.. వచ్చిన దారినే.. మళ్లీ వెళ్లిపోయారు.
హైలైట్ ట్విస్ట్ మరొకటుంది. ఇటీవలే.. కాంగ్రెస్ స్టార్ క్యాంపెయినర్ పదవి దక్కించుకున్న ఎంపీ కోమటిరెడ్డి వెంకటరెడ్డిని.. మీటింగ్‌కు రావాలని ఆహ్వానించిన గాంధీభవన్ వర్గాలకు దిమ్మతిరిగే షాక్ తగిలింది. గాంధీభవన్‌లో మీటింగ్‌కి.. నేను రావడమేంటి? నేనెవరో తెలుసా? స్టార్ క్యాంపెయినర్‌ను. ఆఫ్‌ట్రాల్ ఠాగూర్ పెట్టి రివ్యూ మీటింగ్‌కి నేను రావాలా? ఇంకోసారి.. ఇలాంటి మీటింగ్‌లకు పిలవొద్దంటూ.. స్ట్రాంగ్ వార్నింగే ఇచ్చారని గుసగుసలు వినిపిస్తున్నాయ్.
Also read : Anilkumar Yadav: నెల్లూరులో ఫ్లెక్సీల రగడ: స్పందించిన మాజీ మంత్రి అనిల్ కుమార్
కోమటిరెడ్డి మాటలతో.. ఎలాగైనా సరే లీడర్లను కాస్త గాడిలో పెట్టాలని ఠాగూర్ డిసైడ్ అయినట్లు తెలుస్తోంది. స్టేట్ పార్టీ ఇంచార్జ్ హోదాలో.. తాను పెట్టే ప్రతి మీటింగ్‌కు.. అంతా కచ్చితంగా హాజరవాల్సిందేనని ఆదేశాలిచ్చారట. పైగా.. మూడు సార్లు మీటింగ్‌లకు డుమ్మా కొడితే.. షోకాజ్ నోటీసులివ్వడంతో పాటు పదవులు కూడా తొలగించేస్తానని వార్నింగ్ ఇచ్చినట్లు.. గాంధీభవన్ వర్గాల్లో ప్రచారం జరుగుతోంది. అయితే.. ఠాగూర్ హెచ్చరికలు విన్న కాంగ్రెస్ నేతలు.. ఇలాంటివి చాలానే చూశాం గానీ.. కొత్త ముచ్చటేదైనా చెప్పండని.. మళ్లీ లైట్ తీసుకున్నట్లు టాక్ వినిపిస్తోంది. దీంతో.. చేయాలనుకున్నది చేయలేక.. చేసేదేమీ లేక.. ఠాగూర్ కూడా సైలెంట్ అయిపోయారట.
