Aadi Srinivas : బీఆర్ఎస్ నేత, హుజూరాబాద్ ఎమ్మెల్యే పాడి కౌశిక్ రెడ్డి అరెస్ట్ పై ప్రభుత్వ విప్ ఆది శ్రీనివాస్ స్పందించారు. కౌశిక్ రెడ్డి అరెస్టును ఆయన సమర్థించారు. కౌశిక్ రెడ్డి ప్రోటోకాల్ నిబంధనలు ఉల్లంఘించారని చెప్పారు. కౌశిక్ రెడ్డి విషయంలో చట్టం తన పని తాను చేసిందన్నారు.
కౌశిక్ రెడ్డి మాట్లాడిన మాటలు వింటే గ్రామాల్లో చెప్పులు తీసుకొని కొడుతారని విరుచుకుపడ్డారు. కౌశిక్ రెడ్డి చర్యలపై అసెంబ్లీ స్పీకర్ కఠిన చర్యలు తీసుకోవాలని ఆయన డిమాండ్ చేశారు. కౌశిక్ రెడ్డి శాసనసభ సభ్యత్వాన్ని రద్దు చేయాలని డిమాండ్ చేశారు ప్రభుత్వ విప్ ఆది శ్రీనివాస్.
అటు.. కౌశిక్ రెడ్డి అరెస్ట్ పై మాజీ మంత్రి, బీఆర్ఎస్ వర్కింగ్ ప్రెసిడెంట్ కేటీఆర్ తీవ్రంగా స్పందించారు. కౌశిక్ రెడ్డిని అరెస్ట్ చేయటం దుర్మార్గమన్నారు. పూటకో అక్రమ కేసు పెట్టడం, రోజుకో బీఆర్ఎస్ నేతను అరెస్ట్ చేయడం రేవంత్ సర్కార్ కు అలవాటుగా మారిందని ధ్వజమెత్తారు కేటీఆర్.
ఊహించని పరిణామం.. 10టీవీ ఆఫీస్ దగ్గర పాడి కౌశిక్ రెడ్డి అరెస్ట్..
బీఆర్ఎస్ ఎమ్మెల్యే పాడి కౌశిక్ రెడ్డిని కరీంనగర్ పోలీసులు హైదరాబాద్ లో అరెస్ట్ చేశారు. సోమవారం రాత్రి ఆయనను అదుపులోకి తీసుకున్నారు. 10టీవీ ఇంటర్వ్యూ అనంతరం బయటకు వెళ్తున్న కౌశిక్ రెడ్డిని.. 10టీవీ ఆఫీస్ దగ్గర అదుపులోకి తీసుకున్నారు. అనంతరం హైదరాబాద్ నుంచి కరీంనగర్ తరలించారు.
Also Read : రూ.5 లక్షలతో డబుల్ బెడ్ రూమ్ హౌస్.. ఇందిర‌మ్మ మోడ‌ల్ హౌస్ ను ప్రారంభించిన మంత్రి పొంగులేటి
జగిత్యాల ఎమ్మెల్యే సంజయ్ కుమార్ పై దురుసుగా ప్రవర్తించిన కేసులో కౌశిక్ రెడ్డిని పోలీసులు అరెస్ట్ చేసినట్లు తెలుస్తోంది. జగిత్యాల ఎమ్మెల్యే సంజయ్ తో వివాదం నేపథ్యంలో 10టీవీకి ఎక్స్ క్లూజివ్ ఇంటర్వ్యూకి వచ్చారు పాడి కౌశిక్ రెడ్డి. ప్రభుత్వ విధానాలపై, తనపై వస్తున్న కామెంట్స్, రూమర్స్ పై టెన్ టీవీ వేదికగా స్పందించారు.
లేటెస్ట్ గా కరీంనగర్ కలెక్టరేట్ లో జరిగిన సమీక్షలో జరిగినటువంటి గొడవపై వివరంగా చెప్పారు. ఇంటర్వ్యూ ముగించుకుని వెళ్లేందుకు టెన్ టీవీ ఆఫీస్ బయటకు వెళ్లిన వెంటనే కరీంనగర్ పోలీసులు, టాస్క్ ఫోర్స్ ఆయనను చుట్టుముట్టారు. ఏమవుతుందో తెలుసుకునే లోగానే కౌశిక్ రెడ్డిని అదుపులోకి తీసుకున్నారు. దాదాపు 35 మంది పోలీసు సిబ్బంది కౌశిక్ రెడ్డిని అదుపులోకి తీసుకున్నారు.
సైలెంట్ గా ఆయనను టెన్ టీవీ ఆఫీస్ ముందు పోలీస్ వాహనంలోకి ఎక్కించారు. వెంటనే భారీ బందోబస్తు నడుమ కరీంనగర్ కు తరలించారు. జగిత్యాల ఎమ్మెల్యే సంజయ్, కాంగ్రెస్ నేతలు ఇచ్చిన ఫిర్యాదు మేరకు పాడి కౌశిక్ రెడ్డిపై మూడు కేసులు నమోదయ్యాయి. ఈ కేసుల విచారణలో భాగంగానే పాడి కౌశిక్ రెడ్డిని కరీంనగర్ పోలీసులు అరెస్ట్ చేశారు. ఈ ఎసిపోడ్ హైడ్రామాను తలపించింది.
Also Read : 10 టీవీ ఆఫీసు వద్ద బీఆర్ఎస్ ఎమ్మెల్యే కౌశిక్ రెడ్డి అరెస్ట్
