Telangana BJP First List
Telangana BJP First List : ప్రధాని మోదీ నివాసంలో బీజేపీ కేంద్ర ఎన్నికల కమిటీ సమావేశమైంది. మధ్యప్రదేశ్, రాజస్థాన్, తెలంగాణ అసెంబ్లీ అభ్యర్థుల ఖరారుపై బీజేపీ కేంద్ర ఎన్నికల కమిటీ చర్చిస్తోంది. జేపీ నడ్డా, అమిత్ షా, కిషన్ రెడ్డి, లక్ష్మణ్, ఇతర సభ్యులు ఈ సమావేశంలో పాల్గొన్నారు. కాగా, ఈ రాత్రికి తెలంగాణ బీజేపీ అభ్యర్థుల తొలి జాబితా విడుదలయ్యే అవకాశం ఉందని తెలుస్తోంది.
Also Read : అసెంబ్లీ బరిలోకి దిగమంటున్న బీజేపీ సీనియర్లు.. వారిద్దరికి మినహాయింపు!
తెలంగాణ అసెంబ్లీ అభ్యర్థుల ఎంపికలో అనుసరించాల్సిన వ్యూహాలపై డిస్కస్ చేస్తున్నారు. అసెంబ్లీ ఎన్నికలకు గెలుపు గుర్రాల ఎంపిక, సీఎం అభ్యర్థి, ఎన్నికల వ్యూహాలు, ప్రచార కార్యక్రమాలపైనా చర్చిస్తున్నారు. మూడు రోజులుగా ఈ చర్చలు కొనసాగుతున్నాయి. ఈ రాత్రికి బీజేపీ హైకమాండ్ ఫస్ట్ లిస్ట్ ను ప్రకటించనుందని తెలుస్తోంది. వీలైనన్ని ఎక్కువ స్థానాల్లో అభ్యర్థుల ప్రకటనకు కసరత్తు చేస్తున్నట్లు సమాచారం. ఫస్ట్ లిస్ట్ విడుదలపై సస్పెన్స్ కొనసాగుతుండగా.. బీజేపీ ఆశావహుల్లో టెన్షన్ అంతకంతకూ పెరిగిపోతోంది.
