Telangana High Court: అసెంబ్లీ గేటు నిరసనలపై హైకోర్టు కీలక తీర్పు.. దురుసుగా ప్రవర్తించిన పోలీసులను గుర్తించండి.. డీజీపీకి సంచలన ఆదేశాలు

Telangana high court orders dgp to identify police involved in brs mlas assembly gate protest

Telangana High Court: తెలంగాణ శాసనసభ గేటు వద్ద విపక్ష బీఆర్‌ఎస్‌ ఎమ్మెల్యేలు చేపట్టిన నిరసన కార్యక్రమంలో చోటుచేసుకున్న ఉద్రిక్త ఘటనలపై రాష్ట్ర అత్యున్నత న్యాయస్థానం(Telangana High Court) అత్యంత కీలక ఉత్తర్వులు జారీ చేసింది. ఆందోళన సందర్భంగా మహిళా ఎమ్మెల్యేలతో ప్రవర్తించిన తీరుపై దాఖలైన పిటిషన్‌ను విచారించిన హైకోర్టు, ప్రొటోకాల్‌ను ధిక్కరించి మహిళా ప్రజాప్రతినిధులతో దురుసుగా ప్రవర్తించిన పోలీసు అధికారులను వెంటనే గుర్తించాలని ఆదేశించింది. ఈ ఘటనతో సంబంధమున్న పోలీసుల వివరాలను సేకరించి, వారికి సంబంధించిన పూర్తి నివేదికను అసెంబ్లీ స్పీకర్‌కు అందించాలని రాష్ట్ర డైరెక్టర్ జనరల్ ఆఫ్ పోలీస్ కి ఆదేశాలు జారీ చేసింది.

Guntur Tragedy: గుంటూరులో ఘోర ప్రమాదం.. కారులో చెలరేగిన మంటలు.. వృద్ధుడు సజీవ దహనం!

అసెంబ్లీ నిబంధనల ఉల్లంఘన – చర్యల అధికారం స్పీకర్‌దేనన్న ధర్మాసనం:

ఈ వ్యవహారానికి సంబంధించిన పూర్తి వివరాలను, ఇప్పటివరకు చేపట్టిన చర్యలను సమగ్ర నివేదిక రూపంలో కోర్టుకు సమర్పించాలని హైకోర్టు స్పష్టం చేసింది. శాసనసభా ప్రాంగణంలో లేదా పరిసరాల్లో నిబంధనల ఉల్లంఘన జరిగినా, ప్రజాప్రతినిధుల హక్కులకు భంగం కలిగినా వారిపై తగిన చర్యలు తీసుకునే సర్వాధికారాలు కేవలం అసెంబ్లీ స్పీకర్‌కే ఉంటాయని ఉన్నత న్యాయస్థానం ఈ సందర్భంగా తేల్చిచెప్పింది. పోలీసు ఉన్నతాధికారులు ఇచ్చే నివేదిక ఆధారంగా స్పీకర్ తదుపరి చర్యలు తీసుకోవాల్సి ఉంటుందని ధర్మాసనం పేర్కొంది.