Mancherial Accedent: మంచిర్యాల జిల్లాలో ఘోర రోడ్డు ప్రమాదం.. లారీ-ఆటో ఢీకొని ఇద్దరు కూలీలు మృతి

Two labourers died in lorry and auto accident at Mancherial-Naspur road

Mancherial Accedent: మంచిర్యాల జిల్లా నస్పూర్ వద్ద తీవ్ర విషాదం చోటుచేసుకుంది. వేగంగా వెళ్తున్న లారీ, ప్రయాణికులతో వస్తున్న ఆటోను బలంగా ఢీకొట్టిన ఘటనలో ఇద్దరు మహిళా కూలీలు అక్కడికక్కడే దుర్మరణం చెందగా, మరొక ఐదుగురు తీవ్రంగా గాయపడ్డారు. ఉపాధి కోసం రోజువారీ పనులకు వెళ్తున్న నిరుపేద కుటుంబాల్లో ఈ ప్రమాదం తీవ్ర శోకాన్ని నింపింది. సమాచారం అందుకున్న వెంటనే పోలీసులు ఘటనా స్థలానికి చేరుకుని సహాయక చర్యలు చేపట్టారు. గాయపడిన వారిని ఆటోలో నుంచి బయటకు తీసి చికిత్స నిమిత్తం మంచిర్యాల ప్రభుత్వ సర్వజన ఆస్పత్రికి తరలించారు. ఆస్పత్రిలో చికిత్స పొందుతున్న క్షతగాత్రులలో కొందరి పరిస్థితి అత్యంత విషమంగా ఉన్నట్లు వైద్యులు తెలిపారు.

PNS Hangor: సముద్రంలో పాకిస్తాన్ సైనిక శక్తి పెంపు.. చైనా సబ్‌మెరైన్ ‘హంగోర్’ క్షిపణి ప్రయోగం.. భారత్‌కు సవాలు!

మృతుల గుర్తింపు – ఆటో డ్రైవర్ నిర్లక్ష్యమే కారణమనా?

ఈ ప్రమాదంలో మరణించిన వారిని మందమర్రి మండలం పొన్నారం గ్రామానికి చెందిన లక్ష్మి, అలాగే లేమూరు వెంకటాపూర్‌కు చెందిన అగ్గు సౌందర్యగా పోలీసులు అధికారికంగా గుర్తించారు. వీరంతా ప్రతిరోజూ ఆటో(Mancherial Accedent)లో మందమర్రి, పరిసర ప్రాంతాల నుంచి మంచిర్యాలకు పనుల నిమిత్తం వస్తుంటారని స్థానికులు పేర్కొన్నారు. ఆటో డ్రైవర్ అజాగ్రత్త, అతివేగపు నిర్లక్ష్యం వల్లే ఈ ఘోర ప్రమాదం జరిగిందని ప్రాథమిక విచారణ ఆధారంగా పోలీసులు అనుమానిస్తున్నారు. ఈ ఘటనపై కేసు నమోదు చేసుకున్న పోలీసులు మృతదేహాలను పోస్టుమార్టం నిమిత్తం మార్చురీకి తరలించి, ప్రమాదానికి గల పూర్తి కారణాలపై సమగ్ర విచారణ వేగవంతం చేశారు.