Prof bikini pics: ప్రొఫెసర్ బికినీ ఫొటోలు చూసిన విద్యార్థి.. ప్రొఫెసర్‭ను తొలగించిన యూనివర్సిటీ

ఈ ఘటన ఏడాది క్రితం జరిగిందట. ఒక రోజు ఆ అసిస్టెంట్ ప్రొఫెసర్ లోదుస్తులు ధరించి తన ఇన్‭స్టా ఖాతాలో షేర్ చేశారు. అయితే అండర్ గ్రాడుయేషన్ చదువుతున్న ఒక విద్యార్థి (18) తదేకంగా ఆ ఫొటోలను చూడడం తన తండ్రి గమనించాడు. లో దుస్తులు ధరించి అశ్లీలంగా, అసహ్యంగా, అభ్యంతరకరంగా కనిపిపిస్తున్న ఫొటోలను తన కుమారుడు చూస్తుండగా తాను పట్టుకున్నానని, ఓ తండ్రిగా తన కుమారునికి చదువు చెప్పే ప్రొఫెసర్ ఈ విధంగా కనిపించడంతో సిగ్గుపడ్డానని పేర్కొన్నారు

Prof bikini pics: ప్రొఫెసర్ బికినీ ఫొటోలు చూసిన విద్యార్థి.. ప్రొఫెసర్‭ను తొలగించిన యూనివర్సిటీ

Prof bikini pics: ఒక విద్యార్థి తన బికినీ ఫొటోలను చూసిన కారణంగా తనను ఉద్యోగం నుంచి తొలగించారని పశ్చిమ బెంగాల్‭లోని కోల్‭కతాలో ఉన్న సెయింట్ జేవియర్ విశ్వవిద్యాలయంలో అసిస్టెంట్ ప్రొఫెసర్‭గా పని చేసిన ఒక మహిళ ఆరోపించారు. ఇన్‭స్టాగ్రాంలో షేర్ అయిన ఆ ఫొటోలను ఆమె వద్ద చదువుతున్న విద్యార్థి తదేకంగా చూడడాన్ని అతడి తండ్రి చూసి యూనివర్సిటీలో ఫిర్యాదు చేయగా, యూనివర్సిటీ ఆమెను నిర్దాక్షిణ్యంగా గెంటివేసినట్లు వార్తలు వస్తున్నాయి. ఇది సోషల్ మీడియాలో వైరల్ కావడంతో సదరు అసిస్టెంట్ ప్రొఫెసర్‭పై సానుభూతి వ్యక్తం చేస్తూ యూనివర్సిటీపై విమర్శలు గుప్పిస్తున్నారు.

మీడియా కథనాల ప్రకారం.. ఈ ఘటన ఏడాది క్రితం జరిగిందట. ఒక రోజు ఆ అసిస్టెంట్ ప్రొఫెసర్ లోదుస్తులు ధరించి తన ఇన్‭స్టా ఖాతాలో షేర్ చేశారు. అయితే అండర్ గ్రాడుయేషన్ చదువుతున్న ఒక విద్యార్థి (18) తదేకంగా ఆ ఫొటోలను చూడడం తన తండ్రి గమనించాడు. లో దుస్తులు ధరించి అశ్లీలంగా, అసహ్యంగా, అభ్యంతరకరంగా కనిపిపిస్తున్న ఫొటోలను తన కుమారుడు చూస్తుండగా తాను పట్టుకున్నానని, ఓ తండ్రిగా తన కుమారునికి చదువు చెప్పే ప్రొఫెసర్ ఈ విధంగా కనిపించడంతో సిగ్గుపడ్డానని పేర్కొన్నారు. లైంగికంగా రెచ్చగొట్టే విధంగా ఆ ఫొటోల్లో ఆమె కనిపించారని యూనివర్సిటీకి చేసిన ఫిర్యాదులో ఆయన చెప్పుకొచ్చారు.

అయితే ఈ ఫిర్యాదు గురించి యూనివర్సిటీ తనకు 2021 అక్టోబర్ 7న చెప్పారని, ఫిర్యాదులో తన ఇన్‌స్టా ఖాతాలోని కొన్ని ఫొటోలను సైతం జత చేశారని చెప్పిన యూనివర్సిటీ యాజమాన్యం, అవి ఏ ఫొటోలో తనకు చూపించలేదని సదరు అసిస్టెంట్ ప్రొఫెసర్‭ పేర్కొన్నారు. వాస్తవానికి తన ఇన్‭స్టాగ్రామ్ ఎవరో హ్యాక్ చేశారని, వారే ఈ ఫొటోలను షేర్ చేసి ఉంటారని ఆమె అన్నారు. దీనిని పట్టించుకోకుండా యూనివర్సిటీ తనపై చర్యలు తీసుకుందని, యూనివర్సిటీ తీసుకున్న ఈ చర్య లైంగిక వేధింపుల కిందకు వస్తుందని, ఉద్దేశపూర్వకంగా వ్యక్తిత్వ హననం చేయడమవుతుందని ఆమె అన్నారు.

Killed live-in partner: పెళ్లికి ఒప్పుకోలేదని లివింగ్ పార్ట్‭నర్ గొంతు కోసిన మహిళ