Pithapuram Municipal Results: పవన్ ఇలాకాలో రెబల్స్ హవా.. ఏకంగా 7 స్థానాల్లో.. మరి జనసేన పరిస్థితి ఏంటి?
డిప్యూటీ సీఎం పవన్ కల్యాణ్ ప్రాతినిధ్యం వహిస్తున్న పిఠాపురం(Pithapuram Municipal Results) మున్సిపల్ ఫలితాల్లో రెబల్ అభ్యర్థులు సత్తా చాటారు.
- V Santhosh Kumar
- Published on- November 3, 2026 / 06:59 PM IST
Ap municipal elections 2026 pithapuram results janasena leads in 14 wards rebel candidates win 7 seats
Pithapuram Municipal Results: ఆంధ్రప్రదేశ్ ఉప ముఖ్యమంత్రి, జనసేన అధినేత పవన్ కల్యాణ్ ప్రాతినిధ్యం వహిస్తున్న కాకినాడ జిల్లా పిఠాపురం మున్సిపల్ ఎన్నికల ఓట్ల లెక్కింపు అత్యంత ఆసక్తికరంగా సాగుతోంది. ఈ ఎన్నికల ఫలితాల్లో అధికారిక పార్టీ అభ్యర్థులకు గట్టి పోటీ ఇస్తూ స్వతంత్ర అభ్యర్థులుగా బరిలోకి దిగిన రెబల్ నాయకులు(Pithapuram Municipal Results) గణనీయమైన ప్రభావం చూపడం రాష్ట్రవ్యాప్తంగా రాజకీయ వర్గాల్లో తీవ్ర చర్చనీయాంశంగా మారింది.
27 వార్డుల ఫలితాలు విడుదల.. 14 స్థానాల్లో జనసేన అభ్యర్థుల ఆధిక్యం:
పిఠాపురం మున్సిపాలిటీ పరిధిలోని మొత్తం 36 వార్డులకు గాను ఇప్పటివరకు 27 స్థానాల ఫలితాలు అధికారికంగా వెల్లడయ్యాయి. ఇందులో పవన్ కల్యాణ్ నేతృత్వంలోని జనసేన పార్టీ ఏకంగా 14 వార్డులను (11 చోట్ల ప్రత్యక్ష విజయం, 3 చోట్ల ఏకగ్రీవం) కైవసం చేసుకుని తన పట్టును నిరూపించుకుంది. ఇక ఎన్డీయే కూటమి భాగస్వాములైన తెలుగుదేశం పార్టీ 4 వార్డుల్లో, భారతీయ జనతా పార్టీ 1 వార్డులో విజయం సాధించగా, ప్రతిపక్ష వైకాపా కేవలం 1 స్థానానికే పరిమితమైంది.
ఏడు స్థానాలు దక్కించుకున్న రెబల్స్.. 5 చోట్ల జనసేన, 2 చోట్ల వైకాపా రెబల్స్ జయకేతనం!
అయితే ఈ పోరులో ప్రధాన పార్టీల సీటు కేటాయింపులపై అసంతృప్తితో రెబల్స్‌గా పోటీ చేసిన స్వతంత్ర అభ్యర్థులు ఏకంగా 7 వార్డులను తమ ఖాతాలో వేసుకుని సంచలనం సృష్టించారు. గెలిచిన రెబల్స్ అభ్యర్థుల్లో ఐదుగురు జనసేన పార్టీకి చెందినవారు కాగా, ఇద్దరు వైకాపా రెబల్స్ ఉన్నారు. కీలకమైన డిప్యూటీ సీఎం నియోజకవర్గంలో వెలువడుతున్న ఈ విచిత్ర ఫలితాల సరళిపై రాజకీయ విశ్లేషకులు ప్రత్యేక దృష్టి సారించారు.