Pulivendula Municipal Results: జగన్ కంచుకోట బద్దలు.. పులివెందుల ఛైర్‌పర్సన్‌గా తూగుట్ల గీతా.. కూటమి చారిత్రాత్మక విజయం!
పులివెందుల (Pulivendula Municipal Results)మున్సిపాలిటీని తొలిసారిగా తెదేపా-ఎన్డీయే కూటమి కైవసం చేసుకోగా ఛైర్‌పర్సన్‌గా తూగుట్ల గీతాకుమారి 13,875 ఓట్ల భారీ మెజారిటీతో విజయం సాధించారు.
- V Santhosh Kumar
- Published on- November 3, 2026 / 05:50 PM IST
Ap municipal elections 2026 tdp and nda alliance sweeps pulivendula municipality
Pulivendula Municipal Results: వైకాపా అధినేత, మాజీ ముఖ్యమంత్రి వైఎస్ జగన్ మోహన్ రెడ్డి సొంత నియోజకవర్గమైన పులివెందుల(Pulivendula Municipal Results) మున్సిపాలిటీలో కూటమి అభ్యర్థులు చారిత్రాత్మక విజయాన్ని సాధించి వైకాపా కంచుకోటను బద్దలు కొట్టారు. దశాబ్దాలుగా వైఎస్సార్ కుటుంబానికి తిరుగులేని రాజకీయ కోటగా ఉన్న పులివెందుల పురపాలక సంఘం చరిత్రలోనే తొలిసారిగా తెలుగుదేశం పార్టీ చైర్మన్ పీఠాన్ని దక్కించుకోవడం రాష్ట్ర రాజకీయంలో తీవ్ర సంచలనంగా మారింది.
13,875 ఓట్ల భారీ మెజారిటీతో తూగుట్ల గీత గెలుపు.. వైకాపా అభ్యర్థి వైఎస్ ప్రమీలమ్మపై విజయం:
పులివెందుల మున్సిపల్ ఛైర్‌పర్సన్‌ స్థానానికి జరిగిన హోరాహోరీ పోరులో వైకాపా అభ్యర్థి వై.ఎస్. ప్రమీలమ్మపై ఎన్డీయే కూటమి అభ్యర్థి తూగుట్ల గీతాకుమారి ఏకంగా 13,875 ఓట్ల భారీ మెజారిటీతో ఘనవిజయం సాధించారు. కౌంటింగ్ ప్రక్రియ ముగిసేసరికి ప్రారంభ రౌండ్ల నుంచే కూటమి అభ్యర్థి స్పష్టమైన ఆధిక్యం కనబరుస్తూ రావడం వైకాపా శ్రేణులను తీవ్ర దిగ్భ్రాంతికి గురిచేసింది.
20 వార్డుల్లో 17 కైవసం చేసుకున్న కూటమి.. మూడంటే మూడు స్థానాలకే పరిమితమైన వైకాపా:
పులివెందులలోని మొత్తం 40 వార్డులకు గాను 20 స్థానాలు గతంలోనే ఏకగ్రీవం కాగా, మిగిలిన 20 వార్డులకు తీవ్ర ఉత్కంఠ మధ్య పోలింగ్ జరిగింది. వెలువడిన ఫలితాల్లో తెదేపా 15 వార్డులు, జనసేన 1, భాజపా 1 వార్డును గెలుచుకుని మొత్తం 17 చోట్ల విజయం సాధించగా, వైకాపా కేవలం 3 వార్డులకే పరిమితమైంది. దీంతో పులివెందులలో ఎన్డీయే కూటమి నాయకులు, కార్యకర్తలు బాణాసంచా కాల్చుతూ సంబరాలు జరుపుకుంటున్నారు.