AP Local Body Elections: ఏపీ స్థానిక పోరులో ముగిసిన నామినేషన్ల పరిశీలన.. అభ్యర్థుల తుది జాబితా విడుదల

Ap sec releases final candidate list for mptc zptc and municipal local body elections

AP Local Body Elections: ఆంధ్రప్రదేశ్ రాజకీయాల్లో అత్యంత ఉత్కంఠ రేపుతున్న స్థానిక సంస్థల ఎన్నికల ప్రక్రియ శరవేగంగా ముందుకు సాగుతోంది. మున్సిపాలిటీలు, ఎంపీటీసీ, జెడ్పీటీసీ స్థానాలకు సంబంధించి నామినేషన్ల పరిశీలన, అప్పీళ్ల ప్రక్రియ పూర్తయిన తర్వాత రాష్ట్ర ఎన్నికల సంఘం (AP Local Body Elections) అర్హులైన అభ్యర్థుల తుది జాబితాను అధికారికంగా విడుదల చేసింది. రాష్ట్రవ్యాప్తంగా ప్రధాన రాజకీయ పార్టీలతో పాటు స్వతంత్ర అభ్యర్థులు భారీ సంఖ్యలో నామినేషన్లు దక్కించుకుని బరిలో నిలవడంతో ఏపీలో ఎన్నికల రాజకీయం ఒక్కసారిగా తీవ్ర రసవత్తరంగా మారింది.

New York Archdiocese: చర్చిలో లైంగిక వేధింపులు.. బాధితులకు రూ.6,700 కోట్ల పరిహారం.. చర్చి చరిత్రలోనే అతిపెద్ద సెటిల్మెంట్

ఎంపీటీసీ, జెడ్పీటీసీ బరిలో నిలిచేది వీరే.. టీడీపీ, వైఎస్‌ఆర్‌సీపీ, జనసేన అభ్యర్థుల తుది లెక్కలు:

రాష్ట్రవ్యాప్తంగా మొత్తం 9,829 ఎంపీటీసీ స్థానాలకు గాను నామినేషన్ల పరిశీలన ముగిసేసరికి 46,457 మంది అభ్యర్థుల నామినేషన్లు చెల్లుబాటు అయ్యాయి. అందులో ప్రధాన పార్టీలైన టీడీపీ నుంచి 19,760 మంది, వైఎస్‌ఆర్‌సీపీ నుంచి 17,726 మంది, జనసేన తరఫున 4,330 మంది అభ్యర్థులు అధికారికంగా పోటీలో ఉన్నారు. ఇక అత్యంత కీలకమైన 659 జెడ్పీటీసీ స్థానాలకు గాను మొత్తం 4,770 మంది అభ్యర్థులు తుదిపోరుకు సిద్ధమయ్యారు. జెడ్పీటీసీ బరిలో టీడీపీ తరఫున 1,693 మంది, వైఎస్‌ఆర్‌సీపీ తరఫున 1,445 మంది, జనసేన నుంచి 587 మంది అభ్యర్థులు తమ అదృష్టాన్ని పరీక్షించుకోనున్నారు.

నవంబర్ 1న మున్సిపల్ పోలింగ్.. నవంబర్ 3న ఓట్ల లెక్కింపు:

రాష్ట్ర ఎన్నికల షెడ్యూల్ ప్రకారం పట్టణ స్థానిక సంస్థలకు (మున్సిపాలిటీలు/కార్పొరేషన్లు) వచ్చే నెల నవంబర్ 1వ తేదీన పోలింగ్ నిర్వహించనున్నారు. అనంతరం నవంబర్ 3వ తేదీన ఓట్ల లెక్కింపు చేపట్టి ఫలితాలు వెల్లడించడానికి యంత్రాంగం ఏర్పాట్లు పూర్తి చేస్తోంది. మరోవైపు ఎంపీటీసీ, జెడ్పీటీసీ ఎన్నికల తేదీలలో మార్పులతో పాటు వీటికి సంబంధించిన పిటిషన్లపై దేశ అత్యున్నత నాయస్థానం సుప్రీంకోర్టు వెలువరించే తీర్పు ఆధారంగానే తదుపరి నిర్ణయాలు ఉంటాయని అధికారులు స్పష్టం చేశారు. ఏది ఏమైనా స్థానిక పోరులో విజయం సాధించడమే లక్ష్యంగా అధికార, ప్రతిపక్ష పార్టీలు క్షేత్రస్థాయి వ్యూహాలకు పదును పెడుతుండటంతో ఏపీ వ్యాప్తంగా ప్రచార వేడి రాజుకుంది.