Mla Roja Early Elections : వచ్చే ఎన్నికల్లో పోటీ చేయను-రోజా

Mla Roja

Mla Roja Early Elections : ఏపీలో అప్పుడే ఎన్నికల హడావుడి కనిపిస్తోంది. ముందస్తు ఎన్నికలపై ఊహాగానాలు జోరందుకున్నాయి. ముఖ్యంగా ప్రధాన ప్రతిపక్షం టీడీపీ.. ముందస్తు ఎన్నికల గురించి హాట్ కామెంట్స్ చేస్తోంది. మొన్న అచ్చెన్నాయుడు, నేడు చంద్రబాబు.. ముందస్తు ఎన్నికల గురించి చేసిన వ్యాఖ్యలు చర్చనీయాంశంగా మారాయి. ఎన్నికల విషయంలో టీడీపీ, వైసీపీ నేతలు.. ఢీ అంటే ఢీ అంటూ మాటల తూటాలు పేల్చుకుంటున్నారు.

ఇటీవల టీడీపీ రాష్ట్ర అధ్యక్షుడు అచ్చెన్నాయుడు మాట్లాడుతూ.. ఎన్నికలు ఎప్పుడు వచ్చినా.. తెలుగుదేశం పార్టీకి 160 సీట్లు వస్తాయంటూ జోస్యం చెప్పారు. తాజాగా చంద్రబాబు సైతం అలాంటి కామెంట్స్ చేశారు. సీఎం జగన్ ముందస్తు ఎన్నికలకు వెళ్లే ఆలోచనలో ఉన్నారని చంద్రబాబు అన్నారు. అయితే, ఎన్నికలు ఎప్పుడు వచ్చినా వైసీపీ ఓటమి ఖాయం అని జోస్యం చెప్పారు చంద్రబాబు. ఏపీలో ముందస్తు ఎన్నికలు రాబోతున్నాయన్న చంద్రబాబు.. ఎప్పుడు ఎన్నికలు వచ్చినా టీడీపీ సిద్ధంగా ఉందని చెప్పారు.

Chandrababu Early Elections : ముందస్తు ఎన్నికలకు వెళ్లే ఆలోచనలో జగన్- చంద్రబాబు సంచలన వ్యాఖ్యలు

ముందస్తు ఎన్నికలు, ఫలితాల గురించి టీడీపీ నేతలు చేస్తున్న వ్యాఖ్యలకు అధికార పార్టీ నేతలు గట్టిగానే కౌంటర్లు ఇస్తున్నారు. ఎన్నికలు ఎప్పుడు వచ్చినా.. తెలుగుదేశం పార్టీకి 160 సీట్లు వస్తాయంటూ అచ్చెన్నాయుడు చేసిన వ్యాఖ్యలపై వైసీపీ ఫైర్ బ్రాండ్, చిత్తూరు జిల్లా నగరి ఎమ్మెల్యే రోజా ఘాటుగా బదులిచ్చారు.(Mla Roja Early Elections)

అచ్చెన్నాయుడు పెద్ద జోక్ చేశారని సెటైర్ వేశారు రోజా. తిరుపతి ఎంపీ ఎన్నికల సమయంలో ‘పార్టీ లేదు.. తొక్కా లేదు’ అన్న వ్యక్తి.. ఇప్పుడు 160 సీట్లంటూ జోక్ చేస్తున్నారని అన్నారు. మహా అయితే గట్టి చట్నీ గట్టిగా తింటే అచ్చెన్నాయుడు 160 కిలోలు పెరుగుతారేమో అంటూ ఎద్దేవా చేశారు. అచ్చెన్నాయుడు కానీ.. చంద్రబాబు కానీ తలకిందులుగా తపస్సు చేసినా 160 సీట్లు కాదు కదా.. ఇప్పుడున్న 23 సీట్లు రావడం కూడా కష్టమే అని రోజా అన్నారు.

Atchennaidu : ఏపీలో ఎప్పుడైనా ఎన్నికలు.. 160 స్థానాల్లో టీడీపీ విజయం-అచ్చెన్నాయుడు

టీడీపీ వాళ్లకు ఎన్నికలపై మోజు.. సరదా ఉంటే.. వెంటనే టెక్కలిలో రాజీనామా చేసి ఎన్నికలకు రండి అంటూ సవాల్ విసిరారు. రోజా సవాల్ పై అచ్చెన్నాయుడు కూడా అదే స్థాయిలో చాలా వేగంగానే స్పందించారు. టెక్కలిలో రాజీనామా చేయాలని రోజా సవాల్ విసిరితే.. నగరిలో రాజీనామా చేయాలని అచ్చెన్న ప్రతి సవాల్‌ విసిరారు. అంతేకాదు అక్కడ రోజా మళ్లీ గెలిస్తే 2024 ఎన్నిక‌ల్లో తాము అస‌లక్కడ పోటీనే చేయ‌బోమ‌ని ఆయ‌న రోజాకు స‌వాల్ విసిరారు.

Chandrababu On Elections : ఎన్నికలు ఎప్పుడు పెట్టినా వైసీపీ ఓటమి ఖాయం-చంద్రబాబు

ఈ స‌వాల్‌కు కూడా రోజా చాలా వేగంగానే ప్ర‌తి స‌వాల్ విసిరారు. తాను రాజీనామా చేయడం ఏమిటి? వచ్చే ఎన్నిక‌ల్లో వారు పోటీ చేయ‌క‌పోవ‌డ‌మేమిట‌ని ప్ర‌శ్నించిన రోజా.. ద‌మ్ముంటే టీడీపీ వాళ్ల‌నే 23 సీట్ల‌కు రాజీనామా చేసి మ‌ళ్లీ గెల‌వ‌మ‌నండి.. తానే వ‌చ్చే ఎన్నిక‌ల్లో పోటీ చేయ‌ను అని రోజా ప్ర‌తి సవాల్ విసిరారు. ఇలా అచ్చెన్న‌, రోజాల మ‌ధ్య ప‌వ‌ర్ ఫుల్ పంచ్ డైలాగులు వినిపించాయి. ఇరు పక్షాల మధ్య స‌వాళ్లు, ప్ర‌తి స‌వాళ్లతో రాజకీయాలను మరింత వేడెక్కించారు.

Brother Anil Kumar: ‘కొత్త పార్టీ పెట్టే ఆలోచనే లేదు’