Kawaski
2022 Kawasaki Ninja 650: కవాసకి ఇండియా తన 2022 కవాసకి నింజా 650ని భారతదేశంలో విడుదల చేసింది. కంపెనీ తన ఫ్లాగ్‌షిప్ స్పోర్ట్స్ బైక్‌ని రూ .6.61 లక్షల ఎక్స్-షోరూమ్ ధరతో భారత మార్కెట్లో విడుదల చేసింది. ఈ బైక్ 2021 మోడల్‌తో పోలిస్తే రెండు కొత్త కలర్ ఆప్షన్‌లతో అమ్మకానికి అందుబాటులోకి వచ్చింది. వీటిలో పెర్ల్ రోబోటిక్ వైట్ మరియు లైమ్ గ్రీన్ ఉన్నాయి. కాస్మటిక్ మార్పులతో కంపెనీ కొత్త రంగులను అందుబాటులోకి తెచ్చింది. 2022 నింజా 650 పాత మోడల్ కంటే రూ.7వేలు ఖరీదైనది.
దీని డెలివరీ సెప్టెంబర్ మొదటి వారం నుంచి ప్రారంభం అవుతుంది. ప్రవేశ స్థాయిలో ఇది అత్యంత సమతుల్య స్పోర్ట్స్ బైక్. 2022 కవాసకి నింజా 650 పనితీరు గురించి మాట్లాడితే, ఇది 649సీసీ ఇంజిన్‌తో మార్కెట్లోకి వచ్చింది. దీని ఇంజన్ గరిష్టంగా 66బీహెచ్‌పీ పవర్ మరియు 64ఎన్ఎమ్ గరిష్ట టార్క్ ఉత్పత్తి చేస్తుంది. దీని ఇంజిన్ 6-స్పీడ్ గేర్‌బాక్స్‌తో, స్లిప్పర్ క్లచ్‌తో వస్తుంది.
ఈ బైక్ ముందు భాగంలో టెలిస్కోపిక్ ఫోర్కులు ఇవ్వబడ్డాయి. అదే సమయంలో వెనుక భాగంలో మోనోషాక్ సస్పెన్షన్ ఉంటుంది. బ్రేకింగ్ ఫీచర్ విషయానికి వస్తే, ముందు భాగంలో ట్విన్ డిస్క్ బ్రేక్ మరియు వెనుకవైపు సింగిల్ డిస్క్ బ్రేక్ అందుబాటులో ఉంటుంది. భద్రత కోసం, డ్యూయల్ ఛానల్ ABS ఫీచర్ ఇందులో ఉంది. నింజా 650 ట్విన్ ఎల్ఈడి హెడ్‌ల్యాంప్‌లతో 4.3అంగుళాల టీఎఫ్‌టీ ఇన్‌స్ట్రుమెంట్ కన్సోల్‌తో పనిచేస్తోంది. ఇది రిడియోలజీ యాప్ ద్వారా స్మార్ట్‌ఫోన్ కనెక్టివిటీకి సపోర్ట్ చేస్తుంది.
2021 కవాసకి నింజా ZX-10R
ఇంతకుముందు కవాసకి ఇండియా తన 2021 కవాసకి నింజా జెడ్ఎక్స్-10 ఆర్‌ను ఈ ఏడాది మార్చిలో లాంచ్ చేశారు. కంపెనీ ఈ ఫ్లాగ్‌షిప్ స్పోర్ట్స్ బైక్‌ను ఎక్స్-షోరూమ్ ధర రూ .14.99 లక్షలకు భారతీయ మార్కెట్లో విడుదల చేసింది. 2021 నింజా జెడ్ఎక్స్ -10 ఆర్ పాత మోడల్ కంటే రూ.1 లక్ష ఖరీదైనది. ఇది లైమ్ గ్రీన్ మరియు ఫ్లాట్ ఎబోనీ టైప్ 2 వంటి రెండు కలర్ ఆప్షన్లలో వస్తుంది.
2021 కవాసకి నింజా జెడ్ఎక్స్ -10 ఆర్‌లో యాంత్రిక మార్పులు చేయలేదు. ఇది 998cc ఇన్‌లైన్ 4-సిలిండర్ ఇంజిన్ కలిగి ఉంటుంది. ఇది 13,200 rpm వద్ద 200.22 bhp గరిష్ట శక్తితో పనిచేస్తుంది. 11,400 rpm వద్ద 114.9 Nm గరిష్ట టార్క్‌ను ఉత్పత్తి చేస్తుంది. ర్యామ్ ఎయిర్ తీసుకోవడం ద్వారా దాని గరిష్ట పనితీరు 210 bhp గరిష్ట శక్తిని ఉత్పత్తి చేయగలదు. 15 లీటర్ల ఇంధన ట్యాంక్‌ గల ఈ బైక్ బరువు 196 కిలోలు. కంపెనీ షోరూంలలో ఇప్పటికే ఈ బైక్ బుకింగ్‌లు ప్రారంభమైనట్లు కంపెనీ వెల్లడించింది.
