Ampere Nexus electric scooter ( Image Source : Google )
Ampere Nexus Electric Scooter : కొత్త ఎలక్ట్రిక్ స్కూటర్ కొంటున్నారా? ప్రముఖ గ్రీవ్స్ ఎలక్ట్రిక్ మొబిలిటీ ఆంపియర్ నెక్సస్ ఎలక్ట్రిక్ స్కూటర్ రూ. 1.10 లక్షల (ఎక్స్-షోరూమ్) ప్రారంభ ధరకు లాంచ్ చేసింది. ఈ కొత్త ఎలక్ట్రిక్ స్కూటర్ మొత్తం ఎస్‌టీ, ఈఎక్స్ అనే 2 వేరియంట్లలో వస్తుంది.
టాప్-ఎండ్ ఎస్‌టీ వేరియంట్ ధర రూ. 1.20 లక్షలు (ఎక్స్-షోరూమ్) ప్రారంభ ధరలుగా ఎలక్ట్రిక్ స్కూటర్ తయారీ సంస్థ పేర్కొంది. ఇంకా, గ్రీవ్స్ ఎలక్ట్రిక్ మొబిలిటీ ఆంపియర్ నెక్సస్ కోసం వినియోగదారులు ముందుగానే రూ. 9,999కి బుకింగ్‌ చేసుకోవచ్చు. మే మధ్యలో ఈ కొత్త ఎలక్ట్రిక్ స్కూటర్ డెలివరీలు ప్రారంభం కానున్నాయి.
గంటకు 93కి.మీ గరిష్ట వేగం :
ఆంపియర్ కొత్త ఎలక్ట్రిక్ స్కూటర్ భారత మార్కెట్లోనే తయారైంది. ఇప్పటికే లక్ష కిలోమీటర్లకు పైగా టెస్టింగ్ నిర్వహించిందని కంపెనీ పేర్కొంది. వాస్తవానికి, కశ్మీర్ నుంచి కన్యాకుమారి (K2K) రైడ్‌ను పూర్తి చేసినందుకు ఇప్పటికే ఇండియా బుక్ ఆఫ్ రికార్డ్స్‌లో చోటు సంపాదించింది. ఆంపియర్ నెక్సస్ 7-అంగుళాల టచ్‌స్క్రీన్ టీఎఫ్‌టీ డిస్‌ప్లే (ST వేరియంట్)తో వస్తుంది. అంతేకాదు.. గంటకు 93 కిలోమీటర్ల గరిష్ట వేగాన్ని కలిగి ఉంది. 3kWh లిథియం ఐరన్ ఫాస్ఫేట్ (LFP) బ్యాటరీతో పరిధి 136 కిలోమీటర్లు ప్రయాణించగలదు.
నెక్సాస్ ఫాస్ట్ ఛార్జింగ్ సామర్థ్యాలతో కూడా వస్తుంది. 3 గంటల 22 నిమిషాల్లో ఛార్జ్ చేయవచ్చు. ఇది కాకుండా, ఆంపియర్ సరికొత్త ఇ-స్కూటర్ 5 రైడింగ్ మోడ్‌లతో వస్తుంది. ఐపీ67 రేటింగ్‌ను కలిగి ఉంది. ఫ్రంట్ డిస్క్ బ్రేక్‌తో అమర్చబడి ఉంది. దీని మోటారు 5బీహెచ్‌పీ గరిష్ట శక్తిని బయటకు తీసుకురానుంది. నెక్సస్ ఈవీ స్కూటర్ మొత్తం జాన్స్కర్ ఆక్వా, ఇండియన్ రెడ్, లూనార్ వైట్ స్టీల్ గ్రే అనే 5 కలర్ ఆప్షన్‌లలో పొందవచ్చు.
Read Also : Vande Bharat Metro : ‘వందే భారత్’ మెట్రో ఫస్ట్ లుక్ చూశారా? జూలై నుంచే ట్రయల్ రన్!
