అంబానీ తర్వాత ఇండియాలో అత్యంత ధనవంతుడిగా డీమార్ట్ రాధాకిషన్

డీమార్ట్ వ్యవస్థాపకుడు రాధాకిషన్ దమాని సరికొత్త రికార్డు సృష్టించారు. ఇండియాలో అత్యంత ధనవంతుల జాబితాలో రెండో స్థానం సంపాదించారు. మన దేశంలో అంబానీ తర్వాత

డీమార్ట్ వ్యవస్థాపకుడు రాధాకిషన్ దమాని సరికొత్త రికార్డు సృష్టించారు. ఇండియాలో అత్యంత ధనవంతుల జాబితాలో రెండో స్థానం సంపాదించారు. మన దేశంలో అంబానీ తర్వాత సంపన్నుడిగా డీమార్ట్ యజమాని రాధాకిషన్ దమాని నిలిచారు. ఫోర్బ్స్ రియల్ టైమ్ బిలీనియర్స్ జాబితా ప్రకారం.. దమాని మొత్తం ఆస్తి 17.8 బిలియన్ డాలర్లు. రిలయన్స్ ఇండస్ట్రీస్ లిమిటెడ్ చైర్మన్ ముకేష్ అంబానీ 57.9 బిలియన్ డాలర్లతో భారత్‌లోనే కాదు ఆసియాలోనే సంపన్నుడిగా నిలిచారు.

ఫోర్బ్స్‌ రియల్‌ ‌టైమ్‌‌ బిలియనీర్‌‌‌‌ ఇండెక్స్‌‌ ప్రకారం దమాని సంపద విలువ రూ. 1.28 లక్షల కోట్లకు చేరుకుంది. దీంతో ఆయన ఇండియాలోనే రెండో అత్యంత సంపన్నుడిగా నిలిచారు. ప్రమోటర్ల వాటాను విక్రయిస్తుండడంతో డీమార్ట్‌ షేరు గత వారంలో 5 శాతానికి పైగా ర్యాలీ చేసింది. దీంతో హెచ్‌‌సీఎల్‌‌ శివనాడార్‌‌‌‌(రూ. 1.18 లక్షల కోట్లు), ఉదయ్‌‌ కోటక్‌‌(రూ. 1.06 లక్షల కోట్లు), గౌతమ్‌‌ అదాని(రూ. లక్ష కోట్లు) వంటి సంపన్నులను ఆయనను అధిగమించారు. రిలయన్స్ అధిపతి ముఖేష్ అంబానీ రూ. 4.10 లక్షల కోట్ల సంపదతో మొదటి స్థానంలో ఉన్నారు. 

గత 10 రోజుల్లో అవెన్యూ సూపర్ మార్ట్ యొక్క.. డిమార్ట్ షేర్లలో దాదాపు 16 శాతం పెరిగినందుకు దమాని ఆస్తుల నికర విలువ పెరిగింది. ఈ షేర్లు గురువారం రూ .2,559 కు చేరుకున్నాయి. ఫిబ్రవరి నెల ప్రారంభంలో అవెన్యూ సూపర్‌‌‌‌ మార్ట్స్ రెండు కోట్ల షేర్లను విక్రయించింది. దీంతో కంపెనీలో ప్రమోటర్ల వాటా డిసెంబర్‌‌‌‌లో 79.73 శాతం ఉండగా, ఈ అమ్మకంతో 77.27 శాతానికి తగ్గింది. ఈ ప్రకటన వచ్చిన తర్వాత నుంచి కంపెనీ షేరు పాజిటివ్‌గా ట్రేడవుతోంది. కాగా మరో 2.28 శాతం ప్రమోటర్ల వాటాను ఆఫర్‌‌‌‌ ఫర్‌‌‌‌ సేల్‌‌ ద్వారా విక్రయిస్తామని కంపెనీ గురువారం ప్రకటించిన విషయం తెలిసిందే. 

కంపెనీ మార్చి 21, 2017 న రూ .39,988 కోట్ల మార్కెట్ క్యాపిటలైజేషన్ దగ్గర జాబితా చేసింది. గత వారం విప్రో స్థానంలో బిఎస్ఇలో మార్కెట్ క్యాపిటలైజేషన్ ద్వారా డిమార్ట్ టాప్ 20 అత్యంత విలువైన కంపెనీల జాబితాలోకి ప్రవేశించింది.

ఆఫర్ ఫర్ సేల్ (OFS) మార్గం ద్వారా 2.28 శాతం వాటాను (1.48 కోట్ల షేర్లు) విక్రయించనున్నట్లు ప్రమోటర్లు గురువారం ప్రకటించారు. OFS మూల ధర రూ .2,049 గా నిర్ణయించబడింది. ప్రస్తుత మార్కెట్ ధరకి 19.4 శాతం తగ్గింపు. అవెన్యూ సూపర్ మార్ట్ భారతదేశంలో అత్యంత లాభదాయకమైన కిరాణా రిటైలర్ గా ఉంది. దేశవ్యాప్తంగా 196 డీ మార్ట్ స్టోర్లు ఉన్నాయి. దమాని 2002 లో సబర్బన్ ముంబైలోని ఒక దుకాణంతో రిటైలింగ్‌ వ్యాపారంలోకి వచ్చారు. అప్పటి నుండి వెనుదిరిగి చూడలేదు. బిలియనీర్ పెట్టుబడిదారు రాకేశ్ జున్ జున్ వాలాకు రాధాకిషన్ గురువు కావడం విశేషం.

Read More>>సరిలేరు సారుకెవ్వరు : ఉద్యమ నేతగా, ముఖ్యమంత్రిగా కేసీఆర్ సక్సెస్