Top 10 Selling cars in October : అక్టోబర్ 2023.. ఆటోమొబైల్ కంపెనీలకు బాగా కలిసొచ్చింది. అందుకే.. రికార్డు స్థాయిలో కార్ల విక్రయాలు కొనసాగాయి. అందులోనూ ప్యాసింజర్ వెహికల్ (PV) సెగ్మెంట్లో అత్యధికంగా ఎస్యూవీల అమ్మకాలు జరిగాయి. ఆటోమోటివ్ విక్రయాల్లో అనేక ఎస్యూవీలు టాప్ 10 జాబితాలోకి ప్రవేశించాయి. మార్కెట్లోకి ఫేస్లిఫ్ట్ మోడల్స్ వదిలిన కార్ల తయారీదారులు అదే జోరును ఎస్యూవీ విక్రయాలను కొనసాగించారు. అయితే, హ్యాచ్బ్యాక్ సేల్స కూడా భారీగా పెరిగాయి. ఎప్పటిలాగే, మారుతి సుజుకి టాప్ 10 జాబితాలో నిలవగా.. అందులో ఆరు మోడళ్లు మారుతివే కావడం విశేషం.
మొదటి రెండు స్థానాల్లో మారుతి మోడల్స్ :
అక్టోబర్లో మారుతి సుజుకి వరుసగా 22,080 యూనిట్లు, 20,598 యూనిట్లను విక్రయించి 23 శాతం, 20 శాతం వృద్ధిని నమోదు చేసింది. తద్వారా మారుతి సుజుకి వ్యాగన్ఆర్, స్విఫ్ట్ మొదటి రెండు స్థానాల్లో నిలిచాయి. ఆ తర్వాత టాటా నెక్సాన్ 16,887 యూనిట్లను విక్రయించి 23 శాతం వృద్ధిని నమోదు చేసి మూడవ స్థానంలో నిలిచింది.
మారుతి సుజుకి బాలెనో హ్యాచ్బ్యాక్, బ్రెజ్జాతో వరుసగా 16,594 యూనిట్లు, 16,050 యూనిట్ల అమ్మకాలను నమోదు చేసి కింది రెండు స్థానాలను ఆక్రమించింది. మారుతి సుజుకి బ్రెజ్జా 61 శాతం వృద్ధిని సాధించింది. బాలెనో మాత్రం 3 శాతం వృద్ధిని సాధించింది.
ఆరో స్థానంలో టాటా పంచ్ ఉంది. ఆ తర్వాత మరో రెండు మారుతి సుజుకి మోడల్స్ డిజైర్, ఎర్టిగా ఉన్నాయి. టాటా గత నెలలో పంచ్ 15,317 యూనిట్లను విక్రయించింది. దాంతో 39 శాతం వృద్ధిని నమోదు చేసింది. మారుతి సుజుకి 14,699 డిజైర్, 14,209 ఎర్టిగా యూనిట్లను విక్రయించింది. మహీంద్రా స్కార్పియో 13,578 యూనిట్లను విక్రయించి 83 శాతం వృద్ధితో 9వ స్థానంలో నిలిచింది. టాప్ 10 అమ్మకాల వాహనాలలో చివరి రెండు వాహనాలు ఆసక్తికరంగా ఉన్నాయి. చివరగా, అక్టోబర్ 2023లో 13,077 యూనిట్లు విక్రయించిన హ్యుందాయ్ క్రెటా 10వ స్థానంలో నిలిచింది.
Top 10 selling cars in October 2023
మోడల్ అక్టోబర్ 23 అక్టోబర్ 22 వృద్ధి
వ్యాగన్ ఆర్ 22,080 17,945 23శాతం
స్విఫ్ట్ 20,598 17,231 20శాతం
నెక్సాన్ 16,887 13,767 23శాతం
బాలెనో 16,594 17,149 -3శాతం
బ్రెజ్జా 16,050 9,941 61శాతం
పంచ్ 15,317 10,982 39శాతం
డిజైర్ 14,699 12,321 19శాతం
ఎర్టిగా 14,209 10,494 35శాతం
స్కార్పియో 13,578 7,438 83శాతం
క్రెటా 13,077 11,880 10శాతం