Medico Preeti Case : ప్రీతి డెత్ కేసులో కొత్త కోణాలు.. కీలకంగా మారిన డా.స్మృతి అభిప్రాయం

మెడికో ప్రీతిది ఆత్మహత్యా? లేదా హత్య అనే విషయంపై మిస్టరీ వీడలేదు. హైదరాబాద్ ఫోరెన్సిక్ డిపార్ట్ మెంట్ నుంచి వరంగల్ జిల్లా మట్టెవాడ పోలీసులకు ఎఫ్ఎస్ఎల్ రిపోర్టు అందింది. ఈ రిపోర్టు ఆధారంగా ప్రీతిది ఆత్మహత్యా? హత్యా? దానిపై పోలీసులు నిర్ధారణకు వచ్చే అవకాశం ఉంది.

PREETHI

Medico Preeti Case : మెడికో ప్రీతిది ఆత్మహత్యా? లేదా హత్య అనే విషయంపై మిస్టరీ వీడలేదు. హైదరాబాద్ ఫోరెన్సిక్ డిపార్ట్ మెంట్ నుంచి వరంగల్ జిల్లా మట్టెవాడ పోలీసులకు ఎఫ్ఎస్ఎల్ రిపోర్టు అందింది. ఈ రిపోర్టు ఆధారంగా ప్రీతిది ఆత్మహత్యా? హత్యా? దానిపై పోలీసులు నిర్ధారణకు వచ్చే అవకాశం ఉంది. ప్రీతి డెత్ కేసులో కప్టడీలో ఉన్న నిందితుడు సైఫ్ ను పోలీసులు నాలుగో రోజు ప్రశ్నిస్తున్నారు.

సైఫ్ ను అతను చెబుతున్న వివరాల ఆధారంగా మరికొంత మందిని ప్రశ్నిస్తుండే సరికి ప్రీతి డెత్ కేసులో కొత్త కోణాలు వెలుగు చూస్తున్నాయి. పీఏసీ రిపోర్టు వివాదంలో డా.స్మృతి అభిప్రాయం ఇందులో కీలకంగా మారింది. డా.స్మృతితోపాటు మరో ముగ్గురిని ప్రశ్నించిన పోలీసులు పీఏసీ రిపోర్టు వివాదానకి కారణాలను తెలుసుకున్నారు. సైఫ్ వేధింపులపై ఫిర్యాదు చేశాక..ఎంజీఎం హెచ్ వోడీ కౌన్సిలింగ్ చేస్తుండగా ప్రీతి కన్నీరు పెట్టినట్లు పోలీసులతో చెప్పారు.

Medico Preethi Case : మెడికో ప్రీతి మృతి కేసు.. పోలీసుల విచారణలో సైఫ్ కీలక విషయాలు వెల్లడి

ఎల్ డీడీ-నాకౌట్స్ గ్రూపులో తనన సపోర్టు చేయాలని మెడికోలను ప్రీతి వేడుకున్నట్లు గుర్తించారు. అటు ప్రీతి లాస్ట్ కాల్ పై పూర్తిస్థాయి సమాచారాన్ని దర్యాప్తు బృందం సేకరిస్తోంది. సోదరి పెళ్లికి ప్రీతి సెలవు పెట్టినా అబ్సెంట్ వేయడంపై ఫోకస్ పెట్టారు. సాంకేతిక, శాస్త్రీయ ఆధారాలను సరిపోల్చుతూ సీపీ రంగనాథ్ విచారణను పర్యవేక్షిస్తున్నారు. డేటా అనలిస్టులు, ఫోరెన్సిక్ టీమ్, విచారణ బృందం ఇన్ పుట్స్ ను సీపీ రంగనాథ్ పరిశీలిస్తున్నారు. ఎఫ్ ఎస్ఎల్, టాక్సికాలజీ రిపోర్టులను పోలీసులు కోర్టుకు సమర్పించారు.

ఈ కేసులో ఇప్పటికే నిందితుడు సైఫ్ ను పోలీసులు కస్టడీలోకి తీసుకుని విచారిస్తున్నారు. నాలుగో రోజు అతడిని విచారిస్తున్నారు. సైఫ్ నుంచి అనేక వివరాలు రాబడుతున్నారు. శనివారం(మార్చి4,2023) సాయంత్రం డాక్టర్ ప్రీతి ఘటనపై పోలీసులకు ఎఫ్ఎస్ఎల్ నివేదిక అందింది. అందులోని సారాంశం గురించి పోలీసులకు బ్రీఫ్ కూడా ఇచ్చినట్లు తెలుస్తోంది. ప్రీతి కేసులో ఎఫ్ఎస్ఎల్ నివేదిక కీలకంగా మారనుంది. ఎఫ్ఎస్ఎల్ నివేదికలో ఏముంది? అనేది ఇప్పుడు హాట్ టాపిక్ గా మారింది.

Medico Preethi Case : మెడికో ప్రీతి కేసు.. సంచలన విషయాలు బయటపెట్టిన సోదరుడు

వరంగల్ కాకతీయ మెడికల్ కాలేజీలో పీజీ అనస్థీషియా ఫస్టియర్ చదువుతున్న ప్రీతి ఫిబ్రవరి 22న హానికారక ఇంజెక్షన్ తీసుకోవడం ద్వారా ఆత్మహత్యకు యత్నించింది. మొదట ఆమెకు వరంగల్ ఎంజీఎంలో చికిత్స అందించారు. పరిస్థితి విషమించడంతో మెరుగైన చికిత్స కోసం హైదరాబాద్ నిమ్స్‌కు తరలించారు. ఆమెను బతికించేందుకు ప్రత్యేక వైద్య బృందం తీవ్రంగా ప్రయత్నాలు చేసినప్పటికీ ఫలితం లేకపోయింది.

హైదరాబాద్‌ నిమ్స్‌లో ప్రీతి ఐదు రోజుల పాటు మృత్యువుతో పోరాడారు. వెంటిలేటర్, ఎక్మో‌పై చికిత్స అందించినప్పటికీ ఫలితం లేకపోయింది. ఆదివారం (ఫిబ్రవరి 26) రాత్రి 9.16 గంటలకు ప్రీతి చనిపోయినట్టు వైద్యులు ప్రకటించారు. సెకండ్ ఇయర్ విద్యార్థి సైఫ్ తనను వేధిస్తున్నాడంటూ ప్రీతి ఫిబ్రవరి 18న తల్లిదండ్రులకు చెప్పారు. ప్రీతి ఆత్మహత్యయత్నం చేసుకున్న రోజు రాత్రి విధుల్లో ఉన్నారు. తెల్లవారుజామున 3 గంటల వరకు డ్యూటీ చేశారు.

Medico Preeti Case : మెడికో ప్రీతి కేసు.. సైఫ్ రిమాండ్ రిపోర్టులో కీలక అంశాలు

అనంతరం ఆత్మహత్యకు యత్నించారు. ఆత్మహత్యకు యత్నించే కంటే ముందు ప్రీతి తన తల్లితో మాట్లాడారు. సైఫ్ తనతో పాటు చాలా మంది జూనియర్లని వేధిస్తున్నాడని తల్లికి చెబుతూ ప్రీతి వాపోయారు. సీనియర్లు అంతా ఒకటేనని చెప్పారు. సైఫ్ వేధింపులు రోజురోజుకు మితిమీరిపోతున్నాయని తల్లితో మొర పెట్టుకున్నారు. తాను సైఫ్‎పై ఫిర్యాదు చేస్తే సీనియర్లందరూ ఒకటైపోయి తనను ఏం చేస్తారో అంటూ కన్నీటిపర్యంతమయ్యారు.

తమ కూతురు ప్రాణాలతో తిరిగి వస్తుందని ఆశించిన తల్లిదండ్రులకు విషాదమే మిగిలింది. కూతురు మ‌ృతితో గుండెలవిసేలా రోధించారు. తమ కూతురు పెద్ద ఆశయంతో ఉండేదని, ఆమెతో పాటు ఆ ఆశయం కూడా చనిపోయిందని కన్నీళ్లు పెట్టుకున్నారు. తన కుమార్తె ప్రీతిది ఆత్మహత్య కాదని, హత్యేనని ఆమె తండ్రి నరేందర్‌ ఆరోపించారు. ప్రీతికి ఎవరో ఇంజక్షన్‌ ఇచ్చారని, ఈ కోణంలో పోలీసులు దర్యాప్తు చేయాలని కోరారు. ప్రీతి మరణానికి గల కారణాలు తెలపాలని డిమాండ్ చేశారు.