ఫుడ్ కార్పొరేషన్ ఆఫ్ ఇండియా (FCI) దేశవ్యాప్తంగా ఉద్యోగాల భర్తీకి శ్రీకారం చుట్టింది. 4వేల 103 పోస్టుల భర్తీకి నోటిఫికేషన్ విడుదల చేసింది. FCI పరిధిలోని నార్త్‌జోన్, సౌత్‌జోన్, ఈస్ట్‌జోన్, వెస్ట్‌జోన్, నార్త్-ఈస్ట్ జోన్లలో ఖాళీగా ఉన్న జూనియర్ ఇంజినీర్, అసిస్టెంట్ గ్రేడ్-II (హిందీ), స్టెనో గ్రేడ్-II, టైపిస్ట్ (హిందీ), అసిస్టెంట్ గ్రేడ్-III (ఏజీ III) (జనరల్/అకౌంట్స్/టెక్నికల్/డిపో) పోస్టులను భర్తీ చేయనున్నారు.
ఈ పోస్టుల భర్తీకి సంబంధించి ఫిబ్రవరి 23 నుంచి ఆన్‌లైన్ దరఖాస్తు ప్రక్రియ ప్రారంభంకానుంది. ఫీజు రూ.500 చెల్లించి మార్చి 25 వరకు దరఖాస్తు చేసుకోవచ్చు. SC, ST, దివ్యాంగులు, రక్షణ దళాలకు చెందినవారు, ఎక్స్-సర్వీస్‌మ్యాన్ అభ్యర్థులకు ఫీజు నుంచి మినహాయింపు ఉంది. దరఖాస్తు చేసుకున్న అభ్యర్థులకు ఆన్‌లైన్ రాతపరీక్ష, స్కిల్ టెస్ట్, డాక్యుమెంట్ వెరిఫికేషన్ నిర్వహించి తుది నియామకాలు చేపడతారు. అభ్యర్థులు ఏదైనా ఒక్క జోన్ పరిధిలో పోస్టులకు మాత్రమే దరఖాస్తు చేసుకోవాల్సి ఉంటుంది.
* జోన్ల వారీగా ఖాళీలు:
| జోన్ | పోస్టల సంఖ్య |
| నార్త్ జోన్ | 1,999 |
| సౌత్ జోన్ | 540 |
| ఈస్ట్ జోన్ | 538 |
| వెస్ట్ జోన్ | 735 |
| నార్త్ ఈస్ట్ | 291 |
| మొత్తం ఖాళీలు | 4,103 |
* పోస్టుల వివరాలు:
| పోస్టులు | ఖాళీలు |
| జూనియర్ ఇంజినీర్ (సివిల్) | 114 |
| జూనియర్ ఇంజినీర్ (ఎలక్ట్రికల్ మెకానికల్) | 72 |
| స్టెనో గ్రేడ్-II | 76 |
| అసిస్టెంట్ గ్రేడ్-II (హిందీ) | 44 |
| టైపిస్ట్ (హిందీ) | 38 |
| అసిస్టెంట్ గ్రేడ్-II (జనరల్) | 757 |
| అసిస్టెంట్ గ్రేడ్-II (అకౌంట్స్) | 509 |
| అసిస్టెంట్ గ్రేడ్-II (టెక్నికల్) | 720 |
| అసిస్టెంట్ గ్రేడ్-II (డిపో) | 1,773 |
| మొత్తం పోస్టులు | 4,103 |
* వయస్సు పరిమితి :
| పోస్టులు | వయస్సు |
| జూనియర్ ఇంజినీర్ | 28 సం |
| స్టెనో | 25 సం |
| అసిస్టెంట్ గ్రేడ్-III | 27 సం |
| అసిస్టెంట్ గ్రేడ్-II | 28 సం |
| టైపిస్ట్ | 25 సం |
– దరఖాస్తు విధానం:
ఆన్‌లైన్ ద్వారా.
– ఎంపిక విధానం:
ఆన్‌లైన్ రాతపరీక్ష, స్కిల్ టెస్ట్, డాక్యుమెంట్ వెరిఫికేషన్ ద్వారా.
– పరీక్ష విధానం:
రెండు దశల్లో ఆన్‌లైన్ పరీక్షలు నిర్వహిస్తారు.
– విద్యార్హతలు:
జూనియర్ ఇంజనీర్ (సివిల్): డిగ్రీ/డిప్లొమా (సివిల్/ఎలక్ట్రికల్ మెకానికల్ ఇంజనీరింగ్). డిప్లొమా అభ్యర్థులకు సంబంధిత విభాగంలో ఏడాది అనుభవం ఉండాలి.
జూనియర్ ఇంజనీర్ (ఎలక్ట్రికల్ మెకానికల్ ఇంజనీరింగ్): డిగ్రీ/ డిప్లొమా అభ్యర్థులకు సంబంధిత విభాగంలో ఏడాది అనుభవం ఉండాలి.
స్టెనో గ్రేడ్-II: డిగ్రీతో పాటు DOEACC (డిపార్ట్‌మెంట్ ఆఫ్ ఎలక్ట్రానిక్స్ అక్రిడియేషన్ ఆఫ్ కంప్యూటర్ కోర్సుల్లో ‘O’ లెవెల్ అర్హత ఉండాలి. నిమిషానికి 40 పదాలు, షార్ట్ హ్యాండ్‌లో 80 పదాలు టైప్ చేయగలగాలి.
అసిస్టెంట్ గ్రేడ్ -II (హిందీ): ఏదైనా గుర్తింపు పొందిన యూనివర్సిటీ నుంచి హిందీ ఒక సబ్జెక్టుగా డిగ్రీ పూర్తి చేసి ఉండాలి.
టైపిస్ట్ (హిందీ): డిగ్రీ లేదా తత్సమాన విద్యార్హత ఉండాలి. నిమిషానికి 30 హిందీ పదాలు టైప్ చేయగలగాలి.
అసిస్టెంట్ గ్రేడ్-III (జనరల్) : ఏదైనా డిగ్రీ. కంప్యూటర్ పరిజ్ఞానం తప్పనిసరి.
అసిస్టెంట్ గ్రేడ్-III (అకౌంట్స్) : కామర్స్ డిగ్రీ. కంప్యూటర్ పరిజ్ఞానం తప్పనిసరి.
అసిస్టెంట్ గ్రేడ్-III (అకౌంట్స్): బీఎస్సీ (అగ్రికల్చర్), బీఎస్సీ (బోటనీ/జువాలజీ/బయోటెక్నాలజీ/బయోకెమిస్ట్రీ/మైక్రోబయాలజీ/ఫుడ్ సైన్స్) లేదా బీఈ/బీటెక్ (ఫు్ సైన్స్/ఫుడ్ సైన్స్/ఫుడ్ సైన్స్ & టెక్నాలజీ/అగ్రికల్చరల్ ఇంజనీరింగ్/ బయోటెక్నాలజీ).
– ముఖ్యమైన తేదీలు :
ఆన్‌లైన్ దరఖాస్తు ప్రక్రియ ప్రారంభం: 23.02.2019
ఆన్‌లైన్ దరఖాస్తుకు చివరి తేది: 25.03.2019
