Telangana Police Recruitment : తెలంగాణ నిరుద్యోగులకు గుడ్ న్యూస్.. 7,437 పోలీసు ఉద్యోగాల భర్తీకి భారీ నోటిఫికేషన్!

Telangana Police Recruitment

• పోలీస్ శాఖలో సివిల్ ఎస్‌ఐ 148 పోస్టులు
• పోలీస్ శాఖలో సివిల్ కానిస్టేబుల్ 3,697 పోస్టులు
• ఆర్మ్డ్ రిజర్వ్ కానిస్టేబుల్ పోస్టులు 1,052
• స్పెషల్ ప్రొటెక్షన్ ఫోర్స్‌లో 1,424 పోస్టులు భర్తీ

Telangana Police Recruitment : తెలంగాణ నిరుద్యోగులకు భారీ గుడ్ న్యూస్.. ప్రభుత్వ ఉద్యోగాల కోసం ఎదురుచూస్తున్న నిరుద్యోగులు ఈ ఛాన్స్ అసలు మిస్ చేసుకోవద్దు. రాష్ట్రంలో పోలీసు, స్పెషల్ ప్రొటెక్షన్ ఫోర్స్ (SPF), ఫైర్ సర్వీసులు, జైళ్ల శాఖల్లో మొత్తం 7,437 పోస్టుల భర్తీకి తెలంగాణ స్టేట్ లెవల్ పోలీస్ రిక్రూట్‌మెంట్ బోర్డు (TSLPRB) నోటిఫికేషన్ విడుదల చేసింది.

వివిధ విభాగాల్లో ఉద్యోగాల భర్తీకి సంబంధించిన ప్రక్రియను ప్రారంభించింది. ఈ మేరకు బోర్డు, ఆన్‌లైన్ దరఖాస్తుల తేదీలను త్వరలో ప్రకటించనున్నట్టు తెలిపింది.

అయితే, భర్తీ చేయనున్న పోస్టుల్లో సివిల్ సబ్‌ఇన్‌స్పెక్టర్ (SI) 148, సివిల్ కానిస్టేబుల్ 3,697, ఆర్మ్డ్ రిజర్వ్ కానిస్టేబుల్ 1,052, స్పెషల్ ప్రొటెక్షన్ ఫోర్స్ (SPF) 1,424, స్టేషన్ ఫైర్ ఆఫీసర్ 39, ఫైర్ ఫైటర్ 751 పోస్టులు ఉన్నాయి. అలాగే, జైళ్ల శాఖలో డిప్యూటీ జైలర్, వార్డర్ పోస్టులకు కూడా నోటిఫికేషన్ జారీ అయింది.

Read Also : IPS Uday Krishna Reddy : ట్రైనీ ఐపీఎస్ ఉదయ్‌కృష్ణారెడ్డికి 14 రోజుల రిమాండ్.. చంచల్‌గూడ జైలుకు తరలింపు!

అభ్యర్థులు దరఖాస్తు చేసుకునే ముందు వైద్య, శారీరక అర్హతలను పరిశీలించుకోవాలని రిక్రూట్‌మెంట్ బోర్డు సూచించింది. అలాగే ఎస్సీ, బీసీ, ఈడబ్ల్యూఎస్, స్థానిక అభ్యర్థులు తమ కుల, స్థానిక ధ్రువపత్రాలు రెడీగా పెట్టుకోవాలని తెలిపింది.

దరఖాస్తుల స్వీకరణ పూర్తిగా ఆన్‌లైన్‌లో మాత్రమే జరుగుతుంది. అధికారిక (TGPRB) వెబ్‌సైట్‌లోనే అప్లయ్ చేసుకోవాల్సి ఉంటుందని బోర్డు స్పష్టం చేసింది. దరఖాస్తుల ప్రారంభ, ముగింపు తేదీలతో పాటు ఎంపిక ప్రక్రియకు సంబంధించిన పూర్తి వివరాలను త్వరలో ప్రకటించనుంది.

ఈ భారీ నోటిఫికేషన్‌తో వేలాది మంది నిరుద్యోగ యువతకు ప్రభుత్వ ఉద్యోగం సాధించే అవకాశం లభించనుంది. దాంతో పోలీసు ఉద్యోగాల కోసం సన్నద్ధమవుతున్న అభ్యర్థుల్లో ఆసక్తి నెలకొంది.