Strange Fish With Hands : ఆస్ట్రేలియా ఓ వింత చేప దర్శనమిచ్చింది. వాజాలకు బదులుగా చేతులు కలిగిన వింత చేప కనిపించింది. దాని పొట్ట కింద పూర్వ వాజాలకు బదులుగా రెండు చేతులు ఉన్నాయి. ఆస్ట్రేలియాలోని టస్మానియా బీచ్ లో కెర్రీ యారే అనే మహిళ ఈ వింత చేపను గుర్తించారు. తాను బీచ్ లో పరుగెత్తుతుండగా ఇసుకపై ఒక చేప కనిపించిందని, సాధారణ పఫర్ ఫిష్ అనుకుని మరింత దగ్గరికి వెళ్లి చూడగా ఇసుకలో దాని కాళ్లు కనిపించాయని కెర్రీ వెల్లడించారు.
కాగా, ఈ వింత చేప జాతి చాలా పురాతనమైందని, ఇప్పుడు అవి అంతరించిపోతున్న దశలో ఉన్నాయని జీవ శాస్త్రవేత్తలు అంటున్నారు. అంతరించిపోతున్న సముద్ర జీవుల్లో ఈ వింత చేపలే ముందున్నాయని చెబుతున్నారు. ప్రస్తుతం ప్రపంచం మొత్తం మీద వీటి జనాభా 2 వేలకు మించి ఉండదని అంటున్నారు.
Alligator Gar Fish : బాబోయ్ ఎంత భయంకరంగా ఉందో.. వలకు చిక్కిన వింత చేప, అచ్చం మొసలిలా ఉంది
అయితే ఈ అరుదైన జాతి చేపలు అంతరించిపోకుండా రక్షించుకోవడానికి చర్యలు చేపట్టాల్సిన అవసరం ఉందని చెబుతున్నారు. ఈ చేపలు తన చేతులను సముద్రం ఉపరితలంపైన, ఒడ్డున ఇసుకపై నడపడానికి ఉపయోగించుకుంటాయని తెలిపారు. సాధారణంగా చేపలతో చలనాంగాలుగా వాజాలు తోడ్పడుతాయి.
చేప ఈదడానికి, నీటిలో కిందికి పైకి వెళ్లడానికి, నీటి నడుమ కదలకుండా సమతాస్థితిలో ఆగడానికి, తాను ప్రయాణిస్తున్న దిశను మార్చుకోవడానికి ఈ వాజాలు తోడ్పడుతాయి. అంతే తప్ప ఒక చోట నుంచి మరో చోటుకు వెళ్లేందుకు వాటికి మనుషుల మాదిరిగా కాళ్లు, చేతులు ఉండవు. కానీ ఆస్ట్రేలియాలో వింత చేపకు దాని పొట్ట కింద పూర్వ వాజాలకు బదులుగా రెండు చేతులు ఉండటం విశేషం.
