China and Russia build joint base on moon : చంద్రునిపై కొత్త రీసెర్చ్ స్టేషన్ కలిసి నిర్మిస్తామంటున్నాయి చైనా, రష్యా దేశాలు. రెండు దేశాల మధ్య అంతరిక్ష పరిశోధన కేంద్రాన్ని నిర్మించి కొత్త యుగానికి నాంది పలుకనున్నాయి. దీనికి సంబంధించి చైనా నేషనల్ స్పేస్ అడ్మినిస్ట్రేషన్ (CNSA) వెబ్ సైట్లో ఒక స్టేట్ మెంట్ పబ్లీష్ అయింది. ఇంటర్నేషనల్ లూనర్ రీసెర్చ్ స్టేషన్ (ILRS) కూడా ఇతర దేశాలు ప్రారంభించే అవకాశం ఉందని పేర్కొంది. ఈ ఐఎల్ఆర్ఎస్ నిర్మాణం ఎంతకాలం ఉంటుందో టైమ్ లైన్ ప్రకటించలేదు.
దీర్ఘకాలిక ఆటోనమస్ ఆపరేషన్ సామర్థ్యంతో సైద్ధాంతిక ప్రయోగ కేంద్రాన్ని నిర్మించనున్నట్టు అందులో ఉంది. ఈ రీసెర్చ్ స్టేషన్.. చంద్రుని ఉపరితలంపై లేదా చంద్రుని కక్ష్యలో గాని నిర్మించే అవకాశం ఉంది. చంద్రుని అన్వేషణ, వినియోగం, చంద్ర ఆధారిత పరిశీలన, ప్రాథమిక శాస్త్రీయ ప్రయోగం, సాంకేతిక ధృవీకరణ వంటి శాస్త్రీయ పరిశోధన కార్యకలాపాలను నిర్వహించవచ్చునని ప్రకటన తెలిపింది.
2024 నాటికి ఆర్టెమిస్ కార్యక్రమంలో భాగంగా 2020 మధ్యలో చంద్రుని చుట్టూ లూనర్ గేట్‌వే అవుట్‌పోస్ట్‌ను స్థాపించాలని నాసా చూస్తోంది. 2024 నాటికి చంద్రునిపై మరోసారి మనిషి కాలుమోపనున్నాడు. ఈసారి మొదటి మహిళ చంద్రునిపై ల్యాండ్ కానుంది. ఈ ప్రాజెక్టుపై అవగాహన ఒప్పందంపై సిఎన్‌ఎస్‌ఎ నిర్వాహకుడు జాంగ్ కెజియాన్ రష్యన్ అంతరిక్ష సంస్థ రోస్కోస్మోస్ చీఫ్ డిమిత్రి రోగోజిన్ సంతకం కూడా చేశారు.
