Elon Musk : ప్రపంచంలోనే అత్యంత సంపన్నుడు ఎలాన్ మస్క్ సంపద వేగంగా తగ్గుతోంది. నెలల వ్యవధిలోనే భారీగా సంపద కరిగిపోయింది. ఎలాన్ మస్క్ నికర విలువ 300 బిలియన్ల డాలర్ల కంటే తక్కువగా పడిపోయింది. మూడు నెలల క్రితం 400 బిలియన్ల డాలర్లు దాటినప్పటి నుండి గణనీయమైన తగ్గుదల నమోదైంది. మార్కెట్ అస్థిరత, ట్రంప్ సుంకాలకు సంబంధించిన ఆర్థిక ఆందోళనలు, మస్క్ వివాదాస్పద చర్యల ప్రభావంతో టెస్లా స్టాక్ క్షీణత ఈ తిరోగమనానికి దోహదపడింది. బలహీనమైన Q1 వాహన డెలివరీలు, మస్క్ రాజకీయ వైఖరికి సంబంధించిన బ్రాండ్ నష్టం టెస్లా విలువను మరింత ప్రభావితం చేసింది.
ఎలాన్ మస్క్ 400 బిలియన్ల డాలర్ల మార్కును దాటిన మొదటి వ్యక్తి అయిన నాలుగు నెలల తర్వాత, ఆయన నికర విలువ 300 బిలియన్ల డాలర్ల కంటే తక్కువగా పడిపోయింది. బ్లూమ్‌బర్గ్ బిలియనీర్స్ ఇండెక్స్ ప్రకారం టెస్లా నిరంతర స్టాక్ క్షీణత కారణంగా 4.4 బిలియన్ల డాలర్లు కోల్పోయారు. దాంతో 6 అతిపెద్ద సంపద నష్టపోయిన వ్యక్తిగా మస్క్ నిలిచారు. అతని మొత్తం సంపద 297.8 బిలియన్ల డాలర్లకు తగ్గింది.
నవంబర్ తర్వాత మస్క్ నికర విలువ 300 బిలియన్ల డాలర్ల కంటే తక్కువగా పడిపోవడం ఇదే మొదటిసారి. అధ్యక్షుడు డొనాల్డ్ ట్రంప్ టారిఫ్ విధానాల ప్రభావాలతో సహా మార్కెట్ అస్థిరత, విస్తృత ఆర్థిక ఆందోళనలతో మస్క్ సంపద గణనీయంగా ప్రభావితమైంది. గురు, శుక్రవారాలలో మస్క్ సంపద 31 బిలియన్ల డాలర్లకు తగ్గింది. ఈ సంవత్సరం మొత్తం నష్టాలు 134.7 బిలియన్ల డాలర్లకు చేరుకున్నాయి.
ట్రంప్ ఎన్నిక తర్వాత టెస్లా షేర్లు ప్రారంభంలో పెరిగాయి. దీనితో మస్క్ సంపద రికార్డు స్థాయికి చేరుకుంది. అయితే, ట్రంప్ సలహాదారుగా మస్క్ పాత్ర కారణంగా అమెరికాతో పాటు విదేశాలలో నిరసనలు, విధ్వంసకాండకు టెస్లా లక్ష్యంగా మారింది. వివాదాస్పద ప్రవర్తన, వివాదాస్పద సోషల్ మీడియా కార్యకలాపాలు కూడా కస్టమర్లను దూరం చేశాయి. ఇప్పటికే ఉన్న కొంతమంది టెస్లా యజమానులు బ్రాండ్ నుండి తమను తాము దూరం చేసుకునేలా చేశాయి.
ఇటీవల అమెరికా యూరప్ మధ్య జీరో టారిప్ ఒప్పందం కోసం మస్క్ పిలుపునిచ్చాడు. తద్వారా “స్వేచ్ఛా వాణిజ్య జోన్”ను సృష్టించవచ్చన్నాడు. మస్క్ సోదరుడు కింబాల్ మస్క్ కూడా ప్రస్తుత సుంకాల విధానాన్ని విమర్శించారు. సుంకాల ద్వారా ఉద్యోగాలను తిరిగి ఒడ్డుకు తీసుకువచ్చినప్పటికీ, ధరలు ఎక్కువగానే ఉంటాయి. ఎందుకంటే ప్రతిదీ ఉత్పత్తి చేయడంలో మనం అంత సమర్థవంతంగా లేము అని ఆయన తేల్చి చెప్పారు.
ప్రపంచ మార్కెట్ అమ్మకాల మధ్య టెస్లా షేర్లు 9.2% వరకు పడిపోయి 217.41 డాలర్లకి చేరుకున్నాయి. డిసెంబర్ నుండి దాని విలువ 55% తుడిచి పెట్టుకుపోయింది. ఈ తగ్గుదల Q1 వాహన డెలివరీలు బలహీనంగా ఉండటం – 2022 తర్వాత అత్యల్పం. బ్లూమ్‌బెర్గ్ ప్రకారం విశ్లేషకులు టెస్లా అమ్మకాలు ఆదాయాల అంచనాలను తగ్గించారు.
