Louisiana
Louisiana : తప్పించుకుని పారిపోయిన తాబేలు తిరిగి కుటుంబానికి చేరడం అంటే చిన్న విషయం కాదు. జంతు సంరక్షణ బృందం ‘ది ప్యారిష్ ఆఫ్ అసెన్షన్’ సాయంతో తిరిగి తన యజమానులను చేరింది.
World Environment Day 2023 : ప్లాస్టిక్ బాటిల్స్‌తో భారీ తాబేలు .. పర్యావరణం కోసం సందేశం..
పారిష్ ఆఫ్ అసెన్షన్ బృందానికి ఓ కాలువ దగ్గర 100 సంవత్సరాల వయసున్న తాబేలు కనిపించింది. దీని గురించి ఆ బృంద సభ్యులు ఫేస్‌బుక్ లో వివరాలు పంచుకున్నారు. ‘అందమైన ఆఫ్రికన్ తాబేలును మా జంతు సంరక్షణ బృందం రక్షించింది. అసెన్షన్ పారిష్ షెరీఫ్ కార్యాలయం సమీపంలోని న్యూ రివర్ కెనాల్‌లో కష్టంలో ఉన్న తాబేలు వారికి కనిపించింది’ అని పోస్ట్ చేసారు. ఈ పోస్టుకి అదనంగా ‘ఇద్దరు జంతు సంరక్షణ అధికారులు, కర్ట్ ట్రెపాగ్నియర్, ఇస్రియల్ మిల్లెట్ కాలువ నుంచి తాబేలును బయటకు తీసేందుకు APSOతో కలిసి పనిచేశారు. తాబేలును ట్రక్కులోకి ఎక్కించి సురక్షితంగా కారాస్ హౌస్-అసెన్షన్ పారిష్ యానిమల్ షెల్టర్‌కు తరలించారు. ఆఫ్రికన్ తాబేలు అక్కడ మూడు రోజులు ఉంచబడుతుంది. దీని యజమాని మూడు రోజుల లోపు రాకపోతే దీనిని దత్తతకు ఇవ్వబడుతుంది’ అని జోడించారు.
Turtle attack on woman : మహిళపైకి భయంకరంగా దాడి చేసిన తాబేలు
ఈ పోస్ట్ చూసిన వెంటనే దీని యజమాని ది పారిష్ అసెన్షన్‌ను సంప్రదించి దానిని తీసుకువెళ్లేందుకు వచ్చాడు. తప్పిపోయిన తాబేలు తిరిగి దొరకడంతో ఆ కుటుంబం సంతోషంలో మునిగిపోయింది. అంతేకాదు ది ప్యారిష్ ఆఫ్ అసెన్షన్ బృంద సభ్యులకు కృతజ్ఞతలు చెప్పారు. ఈ పోస్ట్ వైరల్ అవుతోంది. ‘తాబేలు తిరిగి తన కుటుంబాన్ని చేరుకున్నందుకు ఆనందంగా ఉంది.. ఈ వారంలో చూసిన బెస్ట్ పోస్ట్’ అంటూ జనాలు కామెంట్లు పెట్టారు. ఇంతకీ ఆ ఓల్డ్ టార్టాయిస్ పేరు చెప్పలేదు కదా.. బిస్కెట్‌ అట.
