Tesla Cyber Truck Blast : కొత్త ఏడాదిలో జనవరి 2న లాస్ వెగాస్‌లోని ట్రంప్ ఇంటర్నేషనల్ హోటల్ వెలుపల భారీ పేలుడు సంభవించింది. పార్క్ చేసిన టెస్లా సైబర్‌ట్రక్ భారీశబ్దంతో ఒక్కసారిగా మంటలు చెలరేగాయి. ఈ ఘటనలో ట్రక్కులో కూర్చున్న ఒకరు మృతి చెందగా, మరో 7 మందికి స్వల్ప గాయాలయ్యాయి.
అదే సమయంలో, ఈ సంఘటన తర్వాత, టెస్లా సీఈఓ ఎలన్ మస్క్ ప్రకటన చేశారు. ఈ ఘటనను ఉగ్రవాద దాడిగా అభివర్ణించిన ఆయన, పేలుడుతో టెస్లా సైబర్ ట్రక్కుకు ఎలాంటి సంబంధం లేదని స్పష్టం చేశారు. ఈ మేరకు మస్క్ సోషల్ మీడియా వేదికగా వరుస ట్వీట్లు చేశారు.
Read Also : Quetta Railway Station: పాకిస్థాన్‌లోని రైల్వే స్టేషన్‌లో భారీ పేలుడు.. 24 మంది మృతి.. 46 మందికి గాయాలు
టెస్లా చీఫ్ ఎలన్ మస్క్ మాట్లాడుతూ.. ఇది ఉగ్రవాదుల దాడిగా కనిపిస్తోందన్నారు. అలా అయితే, దాడి చేసినవారు తప్పు వాహనాన్ని ఎంచుకున్నారని ఆయన అన్నారు. ఈ ఘటనకు, న్యూ ఓర్లీన్స్‌లో జరిగిన మరో దాడికి మధ్య తేడాలు ఉండవచ్చునని, రెండు ఘటనల్లో ఉపయోగించిన వాహనాలు ఒకే దగ్గర కారు అద్దెకు తీసుకున్నాయని మస్క్ చెప్పారు.
సైబర్‌ట్రక్ పేలుడును నియంత్రించడమే కాకుండా పేలుడు ధాటిని అడ్డుకుందని, దాడి చేసినవారు తప్పు కారును ఎంచుకున్నారని మస్క్ చెప్పారు. “సైబర్‌ట్రక్ పేలుడును నియంత్రించింది. హోటల్ అద్దాలు కూడా పగలలేదని ప్రాథమిక నివేదికలు నిర్ధారించాయి. అయితే, పేలుడుకు కారణం సైబర్‌ట్రక్ కాదు. బాణసంచా, ఇతర పేలుడు పదార్థాలు” అందులో ఉంచారని మస్క్ ఎక్స్‌లో పేర్కొన్నారు.
The evil knuckleheads picked the wrong vehicle for a terrorist attack. Cybertruck actually contained the explosion and directed the blast upwards.
Not even the glass doors of the lobby were broken. https://t.co/9vj1JdcRZV
— Elon Musk (@elonmusk) January 2, 2025
సైబర్‌ట్రక్ పేలుడును ఎలా నియంత్రించింది? :
పేలుడు తర్వాత బయటపడిన ఫొటోలు, వీడియోల్లో సైబర్‌ట్రక్ టైర్లు పగిలిపోలేదని, బాహ్య నిర్మాణం దాదాపు సురక్షితంగా ఉన్నట్లు కనిపించింది. నిపుణుల అభిప్రాయం ప్రకారం.. సైబర్‌ట్రక్ బలమైన నిర్మాణం ఈ పేలుడు ప్రభావాన్ని తగ్గించడంలో సాయపడింది.
ఎన్‌బీసీ న్యూస్ నివేదిక ప్రకారం.. బాణసంచా కాల్చడం, వాహనం వెనుక సీటులో ఉంచిన బాంబు కారణంగా పేలుడు సంభవించిందని, దాని నియంత్రణ డ్రైవర్ వద్ద ఉంది. దాడి వెనుక ఉద్దేశం, బాధ్యులు ఎవరు అనే విషయాన్ని దర్యాప్తు సంస్థలు విచారిస్తున్నాయి. సైబర్‌ట్రక్ బలమైన నిర్మాణం పేలుడు ప్రభావాన్ని తగ్గించింది. పరిసర ప్రాంతంలో భారీ నష్టాన్ని నిరోధించింది.
టెస్లా సైబర్‌ట్రక్ అత్యంత బలమైనది :
30 ఏబుల్ టు స్టాప్‌తో తయారైంది. టెస్లా ఆర్మర్ గ్లాస్ సైబర్‌ట్రక్ కిటికీలు టెస్లా ఆర్మర్ గ్లాస్‌తో తయారయ్యాయి. మల్టీలెవల్ పాలిమర్‌తో తయారైంది. ఏదైనా పేలుడు ప్రభావాన్ని ముందుగానే గ్రహించి ఆ ఒత్తిడిని డైవర్ట్ చేయడంలో సాయపడుతుంది. పేలుడును ప్రభావాన్ని పూర్తిగా నివారించలేనప్పటికీ, దాని ప్రభావ తీవ్రతను తగ్గించడంలో సాయపడుతుంది. కోణీయ డిజైన్ సైబర్‌ట్రక్ ప్రత్యేకమైన కోణీయ డిజైన్ పేలుడు సమయంలో గాల్లోకి ఎగసే శిధిలాలు, ప్రక్షేపకాలను తిప్పికొట్టగలదు.
Read Also : New Orleans Attack : న్యూ ఓర్లీన్స్ ఉగ్రదాడి.. కొత్త సంవత్సరం వేడుకల్లో మారణహోమం.. షంసూద్ దిన్ జబ్బార్ ఎవరు?
