Global Call Centre Scam
Global Call Centre Scam: నకిలీ పెట్టుబడుల పేరుతో లక్షల మంది నుంచి కోట్లు కొల్లగొతున్న కాల్ సెంటర్ల ముఠా గుట్టును రష్యా ఫెడరల్ సెక్యూరిటీ సర్వీస్ (ఎఫ్ఎస్బీ) వెలుగులోకి తీసుకొచ్చింది. అంతర్జాతీయ స్థాయిలో నడిచిన ఈ నెట్ వర్క్ ద్వారా లక్ష మందికిపైగా ప్రజలు మోసపోయారు. వీరిలో భారత్ సహా దాదాపు 50కిపైగా దేశాలకు చెందిన బాధితులు ఉన్నారు. ప్రపంచ వ్యాప్తంగా సైబర్ మోసాల గురించి పెరుగుతున్న ఆందోళనను ఈ ఆపరేషన్ హైలెట్ చేంది. గ్లోబల్ స్థాయిలో జరుగుతున్న ఈ స్కామ్ లో భాగస్వాములుగా ఉన్న కొందరిని రష్యా ఎఫ్ఎస్బీ అధికారులు అదుపులోకి తీసుకున్నారు. ఈ ముఠాతో లండన్ లో నివాసముండే జార్జియా మాజీ రక్షణ మంత్రి డి కజెరాశ్ విలితో సంబంధాలున్నట్లు వెల్లడైంది.
ముఖ్యంగా భారతదేశం పెట్టుబడి ప్లాట్ ఫారమ్ లకు, డిజిటల్ లావాదేవీలకు ప్రపంచలోనే అతిపెద్ద మార్కెట్ లలో ఒకటి గా ఉంది. దీంతో ఈ స్కామ్ మూలాలు భారత్ లోనూ విస్తృతంగా వ్యాపించాయి. కాల్ సెంటర్ల ఆపరేటర్లు పెట్టుబడుల స్కీమ్ లు అని చెప్పి భారీ లాభాలు ఆశచూపుతూ ప్రజలను మోసగిస్తున్నారు. రష్యా ఎఫ్ఎస్బీ గుట్టురట్టు చేసిన ఈ కాల్ సెంటర్ల ద్వారా భారత్ సహా ఐరోపా సమాఖ్య, యూకే, కెనడా, బ్రెజిల్, జపాన్ వంటి దేశాల ప్రజలను మోసగించి రోజుకు కనీసం ఒక మిలియన్ డాలర్లు (దాదాపు రూ.8కోట్లు) వరకు ఈ ముఠా దోపిడీకి పాల్పడుతుందని అధికారులు గుర్తించారు.
ముఖ్యంగా స్కామర్లు సాంకేతికతను సద్వినియోగం చేసుకొని బలహీన ప్రజలను టార్గెట్ గా చేసుకొని మోసాలకు పాల్పడుతున్నారు. కొందరు బాధితుల ఫిర్యాదు ఆధారంగా ఎఫ్ఎస్బీ దర్యాప్తు ప్రారంభించడంతో ఈ భారీ సైబర్ స్కాం వెలుగులోకి వచ్చింది. ఈ భారీ స్కామ్ సూత్రధారులుగా ఉన్న ఇజ్రాయెలీ, జార్జియన్ పౌరులు పరారీలో ఉన్నట్లు అధికారులు తెలిపారు.
⚡️BREAKING: 🇷🇺 Russia’s Federal Security Service thwarts call centre network defrauding 100,000 people worldwide, including 🇮🇳India
रूस की संघीय सुरक्षा सेवा ने एक कॉल सेंटर नेटवर्क को नाकाम कर दिया, जिसने भारत सहित दुनिया भर में एक लाख लोगों को ठगा pic.twitter.com/C90AzzYo7R
— Sputnik India (@Sputnik_India) December 9, 2024
ФСБ пресекла работу международной сети кол-центров, действовавших в интересах экс-министра обороны Грузии Казерашвили:https://t.co/pRVcx5GTR3
Видео: ЦОС ФСБ/ТАСС pic.twitter.com/MORPfpFADh
— ТАСС (@tass_agency) December 9, 2024
