Australia : కంగారూ నుండి మహిళను రక్షించాడు.. ఆ తరువాత కంగారూ అతడికి చుక్కలు చూపించింది

Australia

Australia : ఒక్కోసారి జంతువులు మనుష్యులతో సరదాగా ప్రవర్తించినట్లు ఉంటాయి. అంతలోనే కఠినంగా ప్రవర్తిస్తాయి. ఓ మహిళను కంగారూ నుంచి టూరిస్ట్ రక్షించాడు. తరువాత అది అతనిపై తీవ్రంగా దాడికి ప్రయత్నించింది. చూసేవారిని కంగారూ దూకుడు భయపెట్టింది.

Kangaroo Kills Old Man : యజమానిపై దాడి చేసి చంపేసిన కంగారూ .. 86 ఏళ్లలో కంగారూ మనిషిని చంపటం ఇదే మొదటిసారి

ఆస్ట్రేలియాలోని పెర్త్ జూలో కంగారూ ఓ మహిళపై దాడి చేయబోతుంది. వెంటనే ఓ యూఎస్ టూరిస్ట్ ఆమెను తప్పించి దానిని అడ్డుకున్నాడు. ఇక కంగారూ అతడిని మామూలుగా భయపెట్టలేదు. దూకుడుగా అతనిపై దాడి చేస్తూనే ఉంది. అతను ఎంత విదిలించుకుందామని ప్రయత్నించినా కాళ్లతో తన్నుతూ అతనిని విడిచిపెట్టలేదు. ఆ టూరిస్టు ఓవైపు భయపడుతూనే నవ్వడానికి ప్రయత్నించాడు. దాని మెడను పట్టుకుని నెట్టడానికి చాలా ప్రయత్నం చేసాడు. అయినా కంగారూ ఏ మాత్రం తగ్గలేదు. @ZeusKingOfTwitt అనే ట్విట్టర్ యూజర్ ఈ వీడియోను షేర్ చేశారు. ఈ వీడియో వైరల్ అవుతోంది.

PM Modi-Australia PM Anthony : మోదీజీ మీకు మాటిస్తున్నా.. హిందూ దేవాలయాలపై దాడులు జరిపినవారిపై చర్యలు తీసుకుంటాం : ఆస్ట్రేలియా ప్రధాని

నిజానికి ఈ వీడియోని కంగారూతో పోరాటం చేసిన టూరిస్టు డాటర్ సోషల్ మీడియాలో షేర్ చేసింది. ‘మా నాన్నకు కంగారూతో పోరాడే అవకాశం వచ్చిందంటూ’ అంటూ షేర్ చేసిన వీడియో వైరల్ అయ్యింది. జంతువులలో క్షీరదాలు కూడా అప్పటిదాకా సరదాగా ఉన్నా.. ఒక్కోసారి విచిత్రంగా ప్రవర్తిస్తాయి. దాడికి తెగబడతాయి. అందుకని వాటికి ఎంత దగ్గరలో ఉన్నా ఏమరుపాటుగా ఉండకూడదని ఈ వీడియో రుజువు చేస్తోంది.