Tarun Chugh
Jubilee Hills Rape Case: జూబ్లీహిల్స్ మైనర్ బాలికపై అత్యాచార ఘటనలో దోషులను రక్షించేందుకు పోలీసులు తీవ్రంగా ప్రయత్నిస్తున్నారని విమర్శించారు బీజేపీ తెలంగాణ రాష్ట్ర వ్యవహారాల ఇన్‌చార్జి తరుణ్ చుగ్. గురువారం ఆయన మీడియాతో మాట్లాడుతూ ఈ ఘటనలో పోలీసుల వైఖరిని తప్పుబట్టారు. ‘‘బాలికపై అత్యాచార ఘటనలో పోలీసులు అన్నిరకాల అవకతవకలకు పాల్పడ్డారు. అత్యాచారం జరిగింది ప్రభుత్వ వాహనంలోనే అని గుర్తించడానికి పోలీసులకు ఎందుకు ఆలస్యమైంది? దోషులను తప్పించేందుకు పోలీసులు తీవ్రంగా ప్రయత్నిస్తున్నారు.
Jubilee Hills Rape Case: పోలీసు కస్టడీకి ఏ1 నిందితుడు.. సీన్ రీ కన్‌స్ట్రక్షన్‌కు ఏర్పాట్లు
కేసీఆర్ ఎలా చెబితే అలా పోలీసులు వ్యవహరిస్తున్నారు. కేసీఆర్ కుటుంబం కోసమే పనిచేసే కొంతమంది పోలీసులు ఉన్నారు. ఆ కుటుంబం కోసం కాకుండా, ప్రజల కోసం పోలీసులు పనిచేయాలి. నిందితులకు త్వరగా శిక్ష పడేలా చూడాలి. ఈ కేసులో న్యాయం జరిగే వరకు బాధితురాలి పక్షాన బీజేపీ పోరాడుతుంది’’ అని తరుణ్ చుగ్ అన్నారు.
