TTD: ఆగష్టు 7న జిల్లా కేంద్రాల్లో టీటీడీ కల్యాణమస్తు

Ttd

TTD: ఆగష్టు 7న ఏపీలోని 26 జిల్లా కేంద్రాల్లో టీటీడీ ఆధ్వర్యంలో కల్యాణమస్తు కార్యక్రమాన్ని ప్రతిష్టాత్మకంగా నిర్వహించనున్నట్లు ఆలయ ఈవో ధర్మారెడ్డి పేర్కొన్నారు. ఆగష్టు 7న ఉదయం 08:07 గంటల నుంచి 08:17 గంటల మధ్య ఈ కార్యక్రమం జరుగుతుందన్నారు. తిరుపతిలోని శ్వేత భవనంలో కల్యాణమస్తు కేంద్రీకృత కార్యాలయాన్ని బుధవారం ధర్మారెడ్డి ప్రారంభించారు. ఈ సందర్భంగా కల్యాణమస్తు దరఖాస్తు పత్రం, కరపత్రాలను ఆవిష్కరించారు. అనంతరం ఈవో ధర్మారెడ్డి మాట్లాడుతూ టీటీడీ ఆధ్వర్యంలో నిర్వహించే సామూహిక వివాహ మహోత్సవంలో ఒక్కటయ్యే వధూవరులకు రెండు గ్రాముల బంగారు తాళిబొట్టు, వెండి మెట్టెలు, పెండ్లి వస్త్రాలు అందజేస్తామన్నారు.

Uddhav Thackeray: అవసరమైతే రాజీనామాకు సిద్దం: ఉద్ధవ్ థాక్రే

వధూవరుల తరఫున వచ్చే 40 మందికి భోజన సదుపాయాలు ఏర్పాటు చేస్తామని చెప్పారు. అవసరమైన వారు స్వామి వారి ఆశీస్సులతో ఉచితంగా వివాహం జరిపించుకోవచ్చని సూచించారు. జూలై 1 నుంచి 20వ తేదీ వరకు అన్ని జిల్లా కేంద్రాల్లో, టీటీడీ కార్యాలయాల్లో రిజిస్ట్రేషన్ చేసుకోవచ్చని తెలిపారు. ప్రతి జిల్లా కేంద్రానికి ఒక కో ఆర్డినేటర్‌ను నియమిస్తున్నట్లు వివరించారు.