Chiranjeevi: Mega154 సెట్ లో కృష్ణంరాజుకు నివాళులు..

Mega154 Movie Unit pay his Last Respect's to Krishnam Raju

Chiranjeevi: తెలుగుతెరపై రెబల్ స్టార్ లా ఎదిగిన ఒక తార నేల రాలింది. కథానాయకుడి పాత్రలో కూడా యాంటీహీరోయిజం చూపించే ఒక రెబలియన్ శకం, ఇక ముగిసింది. నటుడిగా, కేంద్రమంత్రిగా తెలుగు వారికి అయన అందించిన సేవలు చిరస్మరణీయం. రెబల్ స్టార్ కృష్ణంరాజు గారి మరణంతో టాలీవుడ్ లో విషాద ఛాయలు అలుముకున్నాయి. ఇక అయన లేరు అన్న నిజంతో, ప్రతిఒక్కరు అయనతో ఉన్న జ్ఞాపకాలని నెమరు వేసుకుంటున్నారు.

Krishnam Raju Last Rites : కృష్ణంరాజు అంతిమయాత్ర ప్రారంభం.. అంత్యక్రియలు ప్రభాస్ సోదరుడు ప్రబోధ్ చేతులమీదుగా..

ఆదివారం ఉదయం అనారోగ్య సమస్యలతో హాస్పిటల్ లో చికిత్స పొందుతూ మరణించిన కృష్ణంరాజు గారి పార్ధివదేహాన్ని జూబ్లీహిల్స్ లోని ఆయన ఇంటి వద్ద అభిమానులు, ప్రముఖుల సందర్శనార్థం కోసం నేటి మధ్యాహ్నం వరకు ఉంచారు. మధ్యాహ్నం అంతిమయాత్రగా ఆయన పార్థివదేహాన్ని మొయినాబాద్ మండలం కనకమామిడిలోని ఫామ్ హౌస్ లో అంత్యక్రియలు కోసం తీసుకెళ్తున్నారు. అధికారిక లాంఛనాలతో ఈ అంతిమయాత్ర కొనసాగుతుంది.

నిన్న కృష్ణంరాజు గారి ఇంటి వద్ద ఆయన పార్థివదేహానికి నివాళులు అర్పించిన చిరంజీవి, నేడు బాబీ దర్శకత్వంలో తెరకెక్కుతున్న ‘Mega154’ షూటింగ్ లో పాల్గొన్నారు. కాగా సెట్ లో కృష్ణంరాజు గారి అకాల మరణానికి చింతిస్తూ చిత్ర యూనిట్ అయన చిత్రపటానికి నివాళులు అర్పించారు. అందుకు సంబంధించిన ఫోటోలను చిరంజీవి తన ట్విట్టర్ ఖాతా ద్వారా పోస్ట్ చేశారు.