Maharashtra News : మహారాష్ట్రకి సంబంధించిన ఓ వీడియో ఇంటర్నెట్ లో వైరల్ అవుతోంది. ఓ విలేజ్ లో రోడ్డుని కార్పెట్ లాగ చూపిస్తున్నారు అక్కడి జనం.. అధికారుల నిర్లక్ష్యానికి అద్దం పడుతున్న ఈ వీడియో అందర్నీ షాక్ కి గురి చేస్తోంది.
CM KCR : మహారాష్ట్ర బీఆర్ఎస్ నేతలకు కేసీఆర్ పొలిటికల్ పాఠాలు
మహారాష్ట్ర జల్నా జిల్లాలోని కర్జాత్ మరియు హస్త్ పోఖారి గ్రామంలో ఇటీవల ప్రధాన్ మంత్రి గ్రామ్ సడక్ యోజన (PMGSY) కింద అధికారులు రోడ్ల నిర్మాణం చేపట్టారు. పాలిథిన్ తారుతో నిర్మించిన ఈ రోడ్డు నిర్మాణంలో నాణ్యతా లోపం ప్రస్ఫుటంగా కనిపిస్తోంది. రోడ్డును కార్పెట్ విప్పినట్లు గ్రామస్తులు తీసి చూపిస్తున్న వీడియో జనాలను షాక్ కి గురిచేస్తోంది.
Ahmed Khabeer అనే ట్విట్టర్ యూజర్ ఈ వీడియోని షేర్ చేస్తూ ‘కాంట్రాక్టర్ల స్కామ్ కళ్లకు కడుతోంది’ అనే శీర్షికతో పోస్టు చేశారు. ఈ వీడియో వైరల్ అవుతోంది. అంతేకాదు చాలామంది ఈ వీడియోపై మీమ్స్ పోస్టు చేశారు.
Mumbai police band : ముంబయి పోలీస్ బ్యాండ్ మామూలు పాట వాయించలేదుగా !!
అధికారులు కాంట్రాక్టర్లు కుమ్మక్కై ఇలా నాణ్యతాలోపంతో రోడ్డు నిర్మాణం చేసారని గ్రామస్తులు ఆగ్రహం వ్యక్తం చేస్తున్నారు. వెంటనే ఈ నిర్మాణం చేపట్టిన వారిపై కఠిన చర్యలు తీసుకోవాలని డిమాండ్ చేస్తున్నారు. జరిగిన తప్పిదం ప్రత్యక్షంగా కనిపిస్తుంటే దీనిపై అధికారులు ఎలా స్పందిస్తారో? ఎలాంటి చర్యలు చేపడతారో చూడాలి.
Maharashtra Shocker: Villagers in Jalna Expose Contractor’s Scam, Lift Newly-Made Road With Bare Hands.
pic.twitter.com/9RVKPE7yK7— Ahmed Khabeer احمد خبیر (@AhmedKhabeer_) May 31, 2023